O Aye My Wife She Dang Me

Chorus—O aye my wife she dang me,
An’ aft my wife she bang’d me,
If ye gie a woman a’ her will,
Gude faith! she’ll soon o’er-gang ye.

On peace an’ rest my mind was bent,
And, fool I was! I married;
But never honest man’s intent
Sane cursedly miscarried.
O aye my wife, &c.

Some sairie comfort at the last,
When a’ thir days are done, man,
My pains o’ hell on earth is past,
I’m sure o’ bliss aboon, man,
O aye my wife, &c.