Rex Redux.

ILle redit, redit. Hoc populi bona murmura vol…unt;
Publicus hoc (audin'?) plausus ad astra refert:
Hoc omn… sedet in vultu commune serenum;
Omnibus hinc una est laetitiae facies.
Rex noster, lux nostra redit; redeuntis ad ora
Aridet totis Anglia laeta genis:
Quisque suos oculos oculis accendit ab istis;
Atque novum sacro sumit ab ore diem.
Forte roges tanto quae digna pericula plausu
Evadat Carolus, quae mala, quósve metus;
Anne perrerati male fida volumina ponti
Ausa illum terris pene negare suis:
Hospitis an nimii rurcus sibi conscia, tellus
Vix bene speratum reddat Ibera caput.
Nil horum; nec enim male fida volumina ponti
Aut sacrum tellus vidi… Ibera caput.
Verus amor tamen haec sibi falsa pericula fingit:
(Falsa peric'la solet fingere verus amor)
At Carolo qui falsa timet, nec vera timeret:
(Vera peric'la solet temnere verus amor)
Illi falsa timens, sibi vera pericula temnens,
Non solum est fidus, sed quoque fortis amor.
Interea nostri satis ille est causa triumphi:
Et satis (ah!) nostri causa doloris erat.
Causa doloris erat Carolus, sospes licet esset;
Anglia quod saltem discere posset, Abest.
Et satis est nostri Carolus nunc causa triumphi;
Dicere quod saltem possumus, Ille redit.