Epitaphium in Dominum Herrisium.

SIste te paulum (viator) ubi Longum Sisti
Nescese erit, huc nempe properare te scias
quocunque properas.
Morae praetium erit
Et Lacrimae,
Si jacere hic scias
Gulielmum
Splendidae Herrisiorum familiae
Splendorem maximum:
Quem cum talem vixisse intelexeris,
Et vixisse tantum;
Discas licet
In quantus spes possit
Assurgere mortalitas,
De quantis cadere.
Quem Infantem, Essexia — vidit
Quem Iuvenem, Cantabrigiae vidit
Senem, ah infaelix utraque
Quod non vidit.
Qui
Collegii Christi Alumnus,
Aulae Pembrokianae socius,
Vtrique, ingens amoris certamen fuit.
Donec
Dulciss. Lites elusit Deus,
Eumque coelestis Collegii
Cujus semper Alumnus fuit
socium fecit;
Qui & ipse Collegium fuit,
In quo
Musae omnes & gratiae,
Nullibi magis sorores,
Sub praeside religione
In tenacissimum sodalitium coaluere.

Quem Oratoriae Agnovcre.
Quem Poetica Agnovcre.
Quem Vtraque Agnovcre.
Quem Christianum Agnovcre.
Quem Poetam Agnovcre.
Quem Oratorem Agnovcre.
Quem Philosophum Agnovcre.
Quem Omnes Agnovcre.

Qui Fide Superavit.
Qui Spe Superavit.
Qui Charitate Superavit.
Qui Humilitate Superavit.
Qui Mundum Superavit.
Qui Coelum Superavit.
Qui Proximum Superavit.
Qui Seipsum Superavit.

Cujus
Sub verna fron…e-senilis animus,
Sub morum facilitate, severitas virtutis;
Sub plurima indole, pauci anni;
Sub majore modestia, maxima indolesadeo se occuluerunt
ut vitam ejus
Pulchram dixeris & pudicam dissimulationem:
Imo vero & mortem,
Ecce enim in ipso funere
Dissimulari se passus est,
Sub tantillo mar more tantum hospitem,
Eo nimirum majore monumento
quo minore tumulo.
Eo ipso die occubuit quo Ecclesia
Anglicana ad vesperas legit,
Raptus est ne malitia mutaret Intellectun ejus;
Scilicet Id Octobris, Anno S 1631.