Principi recèns natae omen maternae indolis.

CResce, ô dulcibus imputanda Divis,
O cresce, & propera, puella a Princeps,
In matris propera a venire partes.
Et cùm par breve fulminum minorum,
Illin… Carolus, & Iucobus indè,
In patris faciles subire famam,
Ducent fata furoribus decoris;
Cùm terror sacer, Anglicí que magnum
Murmur nominis increpabit omnem
Latè Bosperon, Ottomanicásque
Non picto quatiet tremore Lunas;
Te tunc altera, nec timenda paci,
Poscent praelia. Tu potens pudici
Vibratrix ocuci, pios in hostes
Laté dulcia fata dissipabis.
O cùm flostenet ille, qui recenti
Pressus sidere jam sub or a ludit,
Olim fortior omne cuspidatos
Evolvet latus aureum per ignes;
Quí que imbellis adhuc, adultus olim,
Puris expatiabitur genarum
Campis imperiosior Cupido;
O quàm certa superbiore pennâ
Ibunt spicula, melleaeque mor…es,
Exultantibus hinc & indè turmis,
Quoquò jusseris, impigrè volabunt!
O quot corda calentium deorum
De te vulnera delicata discent
O quot pectora Principum magistris
Fient molle negotium sagittis!
Nam quae non poteris per arma ferri,
Cui matris sinus atque utrumque sidus
Magnorum patet officina Amorum?
Hinc sumas licet, ô puella Princeps,
Quantacunque opus est tibi pharetnâ.
Centum sume Cupidines ab uno
Matris lumine, Gratiásque ceutum,
Et centum Veneres: adhuc manebunt
Centum mille Cupidines; manebunt
Ter centum Venerésque Gratiaeque
Puro fonte superstites per aevum.