Love
The Bonnie Blink o' Mary's E'e
From The Modern Scottish Minstrel, vol. 2 (1855–57)
Now bank an' brae are clad in green,
An' scatter'd cowslips sweetly spring;
By Girvan's fairy-haunted stream,
The birdies flit on wanton wing;
By Cassillis' banks, when e'ening fa's,
There let my Mary meet wi' me,
There catch her ilka glance o' love,
The bonnie blink o' Mary's e'e.
The chiel' wha boasts o' warld's wealth
Is aften laird o' meikle care;
But Mary she is a' my ain,
An' Fortune canna gie me mair.
Then let me stray by Cassillis' banks,
Wi' her, the lassie dear to me,
An' catch her ilka glance o' love,
The bonnie blink o' Mary's e'e.
Cite this poem
MLA
Gall, Richard. “The Bonnie Blink o' Mary's E'e.” Poetry Codex, poetrycodex.com/poem/gall/3/.
Chicago
Gall, Richard. “The Bonnie Blink o' Mary's E'e.” Poetry Codex. https://poetrycodex.com/poem/gall/3/.
Read this poem with the Codex →