Sweet 's the Dew

Sweet's the dew-deck'd rose in June
And lily fair to see, Annie,
But there's ne'er a flower that blooms
Is half so fair as thee, Annie.
Beside those blooming cheeks o' thine
The opening rose its beauties tine,
Thy lips the rubies far outshine,
Love sparkles in thine e'e, Annie.

The snaw that decks yon mountain top
Nae purer is than thee, Annie;
The haughty mien and pridefu' look
Are banish'd far frae thee, Annie.
And in thy sweet angelic face
Triumphant beams each modest grace;
And ne'er did Grecian chisel trace
A form sae bright as thine, Annie.

Wha could behold thy rosy cheek
And no feel love's sharp pang, Annie;
What heart could view thy smiling looks,
And plot to do thee wrang, Annie?
Thy name in ilka sang I'll weave,
My heart, my soul, wi' thee I'll leave,
And never, till I cease to breathe,
I'll cease to think on thee, Annie.