Bonnie Peggie, O!

Gang wi' me to yonder howe, bonnie Peggie, O!
Down ayont the gowan knowe, bonnie Peggie, O!
When the siller burn rins clear,
When the rose blooms on the brier,
An' where there is none to hear, bonnie Peggie, O!

I hae lo'ed you e'en an' morn, bonnie Peggie, O!
You hae laugh'd my love to scorn, bonnie Peggie, O!
My heart's been sick and sair,
But it shall be sae nae mair,
I've now gotten a' my care, bonnie Peggie, O!

You hae said you love me too, bonnie Peggie, O!
An' you've sworn you will be true, bonnie Peggie, O!
Let the world gae as it will,
Be it weel or be it ill,
Nae hap our joy shall spill, bonnie Peggie, O!

Gang wi' me to yonder howe, bonnie Peggie, O!
Where the flowers o' simmer grow, bonnie Peggie, O!
Nae mair my love is cross'd,
Sorrow's sairest pang is past,
I am happy at the last, bonnie Peggie, O!