Nanny

There 's mony a flower beside the rose,
And sweets beside the honey;
But laws maun change ere life disclose
A flower or sweet like Nanny.
Her e'e is like the summer sun,
When clouds can no conceal it,
Ye 're blind if it ye look upon,
Oh! mad if ere ye feel it.

I 've mony bonnie lassies seen,
Baith blithesome, kind, an' canny;
But oh! the day has never been
I 've seen another Nanny!
She 's like the mavis in her sang,
Amang the brakens bloomin',
Her lips ope to an angel's tongue,
But kiss her, oh! she's woman.