Oh, Weel's Me on My Ain Man

Oh, weel's me on my ain man,
My ain man, my ain man!
Oh, weel's me on my ain gudeman!
He 'll aye be welcome hame.

I 'm wae I blamed him yesternight,
For now my heart is feather light;
For gowd I wadna gie the sight;
I see him linking ower the height.
Oh, weel's me on my ain man, &c.

Rin, Jamie, bring the kebbuck ben,
And fin' aneath the speckled hen;
Meg, rise and sweep about the fire,
Syne cry on Johnnie frae the byre.
For weel's me on my ain man,
My ain man, my ain man!
For weel's me on my ain gudeman!
I see him linkin' hame.