There Is a Bonnie, Blushing Flower

There is a bonnie, blushing flower--
But ah! I darena breathe the name;
I fain would steal it frae its bower,
Though a' should think me sair to blame.
It smiles sae sweet amang the rest,
Like brightest star where ither's shine;
Fain would I place it in my breast,
And make this bonnie blossom mine.

At morn, at sunny noon, whene'er
I see this fair, this fav'rite flower,
My heart beats high with wish sincere,
To wile it frae its bonnie bower!
But oh! I fear to own its charms,
Or tear it frae its parent stem;
For should it wither in mine arms,
What would revive my bonnie gem?

Awa', ye coward thoughts, awa'--
That flower can never fade with me,
That frae the wintry winds that blaw
Round each neglected bud is free!
No, it shall only bloom more fair,
When cherished and adored by me;
And a' my joy, and a' my care,
This bonnie, blushing flower shall be!