Lizzie Liberty

There lives a nymph o'er yonder lea,
And O she is a winsome hizzie!
Her name is Lizzie Liberty,
And monie wooers has sweet Lizzie:
She sings and trips along the plain,
Free as the wind glides o'er the water;
O bonny Lizzie Liberty!
Now a' the lads wad fain be at her.

The Men o' France to her advance,
And use all arts to gain her favour;
And Spaniards bold, with hearts of gold,
Vow, if she's to be had, they'll have her;
And daft John Bull, that bleth'ring cull,
About the nymph sets up his chatter;
O bonnie Lizzie Liberty!
Now a' the lads wad fain be at her.

Braw Donald Scot steps forth, I wot,
To win the smiles of this fair lady,
And Irish Pat has promis'd that,
To woo the nymph he'll aye be steady:
Whole Patriot Bands, of foreign lands,
Do fyke and fistle sair about her:
O bonnie Lizzie Liberty!
Nae happiness is felt without her.