Saw Ye My Annie?

Saw ye my Annie,
Saw ye my Annie,
Saw ye my Annie,
Wading 'mang the dew?
My Annie walks as light
As shadow in the night
Or downy cloudlet light
Alang the fields o' blue.

What like is your Annie,
What like is your Annie,
What like is your Annie,
That we may ken her be?
She's fair as nature's flush,
Blithe as dawning's blush,
And gentle as the hush
When e'ening faulds her e'e.

Yonder comes my Annie,
Yonder comes my Annie,
Yonder comes my Annie,
Bounding o'er the lea.
Lammies play before her,
Birdies whistle o'er her,
I mysell adore her,
In heavenly ecstasy.

Come to my arms, my Annie,
Come to my arms, my Annie,
Come to my arms, my Annie,
Speed, speed, like winged day.
My Annie's rosy cheek
Smiled fair as morning's streak,
We felt, but couldna speak,
'Neath love's enraptured sway.