Book I

Prologue to Book I

Laude, honoure, prasing, thankis infinite
To the, and thi dulce ornate fresch endite
Maist reuerend Virgil, of latine poetis prince
Gem of ingyne, and flude of eloquence
Thou peirles peirle, patron of poetry
Rots, register, palme, laurere, and glory
Chosin Charbukill, cheif floure, and Cedir tre
Lanterne, lade sterne, myrrour, and a per se
Maister of maisteris, swete sours and springand well
Wide quhare ouer all, ringis thyne heuinly bell
I mene thy crafty werkis, curious
Sa quyk lusty and maist sententius
•lesand perfyte, and selabill in all degre
As quha the mater behelde, afore there. E.
In euery volume, quhilk the list to write
Surmonting fer all, vther maner endite
Like as the rois, in Iune with hir sueite smell
The Marigulde or Dasy, doith excell
Quhy suld I than, with dull forhede and vane
With rude ingyne, and barane emptiue brane
With bad harsk speich, and lewit barbare toung
Presume to write, quhare thy sueit bell is roung
Or counterfete sa, pretius wordis deir
Na na not sa, bot kneil quhen I them here
For quhat compare, betuix myd day and nycht
Or quhat compare, betuix mirknes and lycht
Or quhat compare is, betuix blake and quhit
Fer greter defference, betuix my blunt endite
And thi scharpe fygurate, sang virgiliane
So wiselie wrocht, vythoutyne word in vane
My wauering wit, my cunnyng febill at all
My mynd misty, […] may not mys ane fall
Stra for thys ignorant, blabering Imperfite
Beside thy polist termes, redymyte
And netheles with support, and correctioun
For naturale luf, and freyndly affectioun
Quhilkis I bere, to thy werkis and endite
All thoucht god wate, I knaw tharin ful lyte
And that thy facund sentence, mycht be soung
In our langage, als weill as latyne toung
Als weil na na; Impossibil be perde
ȝit with thy leif, Virgil to follow the
I wald, into my vulgare rurale grose
Write sum sauoring, of thy Eneados•
Bot sare I drede, for to distene the quyte
Throw my corruppit cadence, imperfyte
Distene the na forsoth, that may I nocht
Weill may I schaw, my bureil bustious thocht
Bot thy werke shall endure, in laude and glorie
But spot or falt, condigne eterne memorie
Thocht I offend, vnwennyt is thy fame
Thyne is the thank, and myne salbe the schame
Quha may thi versis follow, in all degre
In bewte sentence, and in grauite
Nane is nor was, nor ȝit salbe trowe I
Had, has, or sall haue sic craft in Poetry
Of helicon so drank, thou dry the flude
That of thy copious fouth, or plenitude
All men purchesce drink, at thy suggerit tone
So lamp of day thou art, and schynand sone
All vtheris one force, mon thare lycht, beg or borowe
Thow art wesper, and the day sterne at morowe
Thow Phebus, lichtuare of the Planetis all
I nat quhat deulie, I the clepe sall
For thou art all and sum, quhat nedis more
Of latyne Poetes, that sens war of before
Of the writis macrobius, sans fail
In his grete volume clepit, saturnale
Thy sawis in sic eloquence, dois flete
So inuentiue of rethorik, fluris swete
Thow art, and has, so hie profound sentence
Tharto perfyte, but ony indigence
That na louingis, may do incres thy fame
Nor na reproche, dymynew thy gude name
Bot sen I am compellid, the to translait
And not onlie of my curage, god wate
Durst I interprise, sic outragious folie
Quhare I offend, the lesse reprefe serf I
And that ȝe knaw, at quhais instance I tuke
For to translate this maist excellent buke
I mene Virgillis volum maist excellent
Set this my werk full febill be of rent
At the request, of ane Lord of renowne
Of ancestry nobill, and Illustir baroun
Fader of bukis, protector to science and lare
My speciall gude Lord Henry, Lord Sinclare
Quhilk with grete instance, diuerse tymes sere
Prayit me stranslaite Virgill, or Homere
Quhais plesoure soithle, as I vnderstude
As nere conionit, to his lordschip in blude
So that me thoch, this requeist ane command
Half disparit thys werk, I tuke one hand
No• fully grantand, nor anys sayand ȝe
Bot onlie to assay, how it mycht be
Quhay mycht ganesay, ane Lorde sa gentill and kynd
That euer had ony courtasy, in thare mynd
Quhilk besyde his innatiue policy
Humanite curage fredome and cheuelry
Bukis to recollect, to reid and se
Has grete delite, as euer had Ptholome
Quharfor to his nobilite, and estate
Quhatso it be, this buke I dedicate
Written in the langage, of Scottis natioun
And thus I mak, my protestatioun.
FIrst I protest, gud Readers be ȝour lest
Be weill auisit, my werk or ȝe repreif
Consider it werly, rede ofter than anys
Weil at ane blenk, sle poetry not tanc is
And ȝit forsoith I set, my besy pane
(As that I couth) to mak it, brade and plane
Kepand no sodroun, bot oure awin langage
And speke as I lerned, quhen I wes ane page
Na ȝit so clene, all sudroun I refuse
Bot sum worde I pronuce, as nychboure dois
Like as in latine bene, grewe termes sum
So me behuffit quhilum or be dum
Sum bastard latyne, Frensche or ynglis ois
Quhare scant wes scottis, I had nane vthir chois
Not that oure •oung, is in the selu• skant
Bot for that I, the fouth of Langage want
Quhare as the cullour, of his propirte
To keip the sentence, thareto constrenit me
Or that to mak my sayng, schort sum tyme
Mare compendius, or to likly my ryme
Tharfor gude freyndis, for ane gympe or ane bourd
I pray ȝou note me not, at euery worde
The worthye clerk; hecht laurence of the vaile
Amang latyne ane, grete clerk sans faile
Grantis quhen twelf, ȝeris he had bene diligent
To study virgil scant, knew he quhat he ment
Than thou or I my freynde, quhen we best wene
To haue virgil red, vndirstand and sene
The richt sentence, perchance is fer to seik
This werk tuelfȝeris, first was in making eik
And not corecke quhen, the poete can deceis
Thus for small faltis, my wise freynde hald thy pece
Adherand, to my protestacioun
Thoch wylliame Caxtoun, had no compatioun
Of Virgill in that buk, he preyt in prois
Clepand it Virgill, in Eneados
Quhilk that he sayis, of Frensche he did translait
It has na thing ado, therwith God wate
Nor na mare like than the Deuil, and sanct Austin
Haue he na thank tharfore, bot lois his pyne
So schamefully, the storie did peruerte
I reid his werk, with harmes at my hert
That sic ane buk, but sentence or ingyne
Suld be intitulit eftir the poete diuine
His ornate goldin versis, mare than gylt
I spitte for disspite, to se thame spylt
With sic ane wicht, quhilk treuly be myne entent
Knew neuir thre wordis at all, quhat virgill ment
So fer he chowpis, I am constrenyt to flyte
The thre first bukis, he has ouerhippit quyte
Saiffing ane litill, twiching polidorus
And the tempest, set furth by Eolus
And that full simpilly, on his owin gyse
Virgill thame wrate, al on ane vther wyse
For Caxtoun puttis, in his buke out of tone
The storme furth sent, by Eolus and Neptone
Bot quha sa redis Virgill, soithfastly
Sall fynd Neptone, sayffit Eneas nauy
Me list not schaw, quhow the storie of Dido
Be this Caxtoun, is hale peruertit so
That besyde quhare he fenis, to follow bochace
He rynnys so fer fra Virgill, in mony place
On sa prolixt, and tedious fassyoun
So that the ferd buke, of Eneadoun
Twiching the luf and dede, of Dido quene
The tua part of hys volume, doth contene
That in the text of Virgill, traistis me
The tuelf part skars contenis, as ȝe may se
The fyft buke, of the feistis funerall
The lusty gammys, and playis palestrall
That is ouer hippit, quite and left behind
Na thynge therof, ȝe sall in Caxtoun fynd
The sext buke eik, he grantis that wantis hale
And for therof, he vnderstude not the taile
He callis it fenȝete, and nocht for to beleif
Sa is all Virgill perchance, for by his leif
Iuno nor Venus goddis neuer were
Mercury, Mars, Neptune nor Iupiter
Of fortun eik, nor hir necessite
Sic thingis not attentik, ar wate we
Nor ȝit admittis, that quent Philosophye
Haldis saulis Hoppis, fra body, to body
And mony thingis, quhilk Virgil did rehers
Thocht I them write, furth followand his vers
Nor Caxtouns schrinkes not, sic lyke things to tel
As not war fabil, bot the passage to hell
Bot traistis wele, quha that ilk sext buk knewe
Virgil tharin, ane hie Phylosophoure him schew
And vnder the cloudis, of dirk poetry
Hyd lyis thare mony, notabill Historie
For so the Poetis, be thare craftye curys
In similitudis, and vthir quent figuris
The soithfast mater, to hide and to constrene
All is not fals, traist weil in cace thay fene
Thare art is so, to make thare werkis fare
As in the ende of virgill I sall declare
Was it not eik als possibill Eneas
As Herculus or Theseus, to hell to pas
Quhilk is na gabbing, suthly nor na lye
As Ihone bochas, in the genologie
Of goddis declaris, and like as ye may reid
In the recollis of Troye, quha list take hede
Quha wate, gif he in visioun thidder went
By arte magik, Sorcery, or enchantment
And with his faderis saul, did speik & mete
Or in the liknes of sum vther spreit
Like as the sprete of Samuell I ges
Rasit to Kinge Saul, was by the Phitones
I wyll not say, all Virgill bene als trewe
Bot at sic thinges ar, possibill this I schewe
Als in they dayis, war ma illusiouns
Be Deuillis werkis, and coniuratiouns
Than now thare bene, sa can clerkis determe
For blissit be god, the faith is now mare ferme
Inewch therof, now will I no more sayne
Bot vnto Caxtoun, thus I returne agane
The names of Cieteis, or pepyll bene so bad
Put be this Caxtoun, bot that he had bene mad
The flude of Touer, for tyber he had write
All men may knaw, thare he forueyit quyte
Palent the ciete, of Euander King
As virgill planely, makis rehersing
Stude quhare in rome, now standis the cheif palice
The samyn buke, eik in, mare heit malice
One the self ryuer of touir, says planelye
Eneas did, his ciete edifie
Thus aye for Tiber, Touer puttis he
Quhilk mony hundreth mylis sundry be
For sikkirly les, than wyse authoris leyne
Eneas saw neuer Touer, with his Ene
For Touer diuidis, grece from vngary•
And Tiber is cheif flude, of Italye
Touer is kend, ane grane of that riuer
In Latyne hecht, Danubium, or […]
Or gif it be Tanayis, he clippis sa
That flude diuidis Ewrope, fra Asia
Elikewise eik, this Caxtoun all in vane
Crispina, clippis Sibilla, Cwmane
That in the text of Virgil, traistis vs
Hate Deyphebe, Douthter of Glantus
Quhilk was Eneas, conuoyar to Hell
Quhat suld I langer, on his errouris duell
Thay bene so plane, eik and sa mony fold
The hundreth part therof, I leif vnfold
The last sext buke of Virgil, al in feris
Quhilk contenis, strang battellis and weris
This ilk Caxtoun, so blaitlye lattis ouer slip
I hald my toung for schame, bitand my lip
The grete affers, of athir oist and arraye
The armour of Eneas, fresche and gaye
The Quent, and curious castis poeticall
Perfyte similitudis, and examplis all
Quharin Virgil beris, the palme and lawde
Caxtoun for dreid, thay suld his lippis skaude
Durst neuer twiche this vark, for laike of knalage.
Becaus he onderstude, not Virgils langage
His buk is na mare like Virgil, dar I lay
Than the nyght oule, resemblis the papingay
Quharfor ȝou gentill Redaris, I beseiche
Traist in na wise, that this my werk be siche
Quhilk did my best, as the wit mycht atteyne
Virgillis versis to follow, and na thing feyne
ȝe worthie nobillis, redis my werk for thy
And cast this vther buke, on syde fer by
Quhilk vnder cullour, of sum strange wycht
So frensihly leyes, vneth tuo wordis gais rycht
I nold ȝe traist I said, thys for dyspite
For me lyst wyth no man, nor bukis flyite
Nor wyth na bogill, nor browny to debaite
Nowthir auld gaistis, nor spretis dede of lai•
Nor na man will I lakkin, nor dyspyse
My werkis till authoris, be sic wise
But twiching Virgyllis honoure and reuerence
Quho euer contrary, I mon stand at defence
And bot my buke, be foundin worth sic thre
Quhen it is red, do warp it in the seye
Thraw it in the fire, or rent it euery crum
Twiching that parte, lo here is all and sum
Syne I defende, and forbiddis euery wicht
That can not spell, ther pater noster richt
For to correct, or ȝit a mend Vyrgill
Or the translater blame, in his vulgare style
I knaw quhat pane was, to follow him fute hate
Albeit thou think my saying, intricat
Traist weil to folow, ane fix sentence or mater
Is rare practike, difficul and fer strater
Thocht thyne ingyne, be eleuate and hie
Than for to wryte, all wayis at liberte
Gif I had not bene, to ane boundis constrenit
Of my bad wit, perchance I thocht haue fenis
In ryme ane ragmen twise als curiouse
Bot not be tuentye part, sa sentencius
Quha is attaychit, vnto ane staik we se
May go no forther, but wreil about that tre
Rycht so am I, to virgyllis text ibound
I may not fle, les then my fault be found
For thocht, I wold transcend, and go besyde
His werk remanis, my schame I can not hide
And thus I am constrenit, als nere as I may
To hald his verse, and go nane vthir way
Les sum Historie subtell worde or ryme
Causis me mak, degressioun sum tyme
So thocht in my translatioun, eloquence skant is
Na lusty cast of Oratry, Virgill wantis
My studious brane, to comprehend his sentence
Lete me neuer taist his flude, of eloquence
And thus forsoith, because I was not fre
My werke is mare obsure, and gros perde
Quharof god wate, Virgil has not the wyte
Thocht myne be blunt, his text is maist perfite
And ȝit persaue I weile, be my consate
The King of Poetis, ganis not for rurall estate
Nor his fresche memor, for bowbardes he or scho
Quha takis me not, go quhare they haue ado
The sonnys licht, is nauer the wers traist me
All thochte the bak, his bricht beames doith fle
Grene gentill engynis, and breistis curagious
Sic ar che Pepill, at ganys best for vs
Our werk desiris, na lewit rebaldale
Full of nobilite, is thys storie alhale.
For euery vertew, belanging an nobyll man
This ornate Poete, bettir than ony can
Pantand distriuis, in persoun of Eneas
Not for to say, sic ane Eneas was
ȝit than be him perfitly blasonis he
All worschip, manhed and nobilite
He hated vice, abhorring craftineis
He was a myrrour of vertew, and of grais
Iust in his promys euer, and stout in mynd
To god faythfull, and to his frendys kynd
Verteous vyse, gentil, and liberall
In feates of war, excelling vderis all
With euery bounte belangand, ane gentill knicht
Ane prince, ane congueroure, or ane va•ȝeant wicht
In luffis cure, yneuch here sall ye fynd
And s•hortely Virgil, left na thing behind
That mycht his volume, illumyne or crafty mak
Reid Quha him knawis, I dar this vnder tak
•s ofte as ȝe hym reid, full weile I wate
ȝe fynde ilk tyme, sum mery new consate
Thoch venerabill chancere, principall poete but pere
Heuinly trumpet, orlege and regulere
In eloquence ballne, condict and diall
Mylky fountane, clere strand, and rois riall
Of fresche endite, throw albioun Iland braid
In his legend of notabiliis ladyis said
That he couth follow, word by word, virgill
Wisser than I may fail, in lakker style
Sum time the text, mon haue ane exposicioun
Sum tyme the coloure, will cause ane litill addicioun
And sum tyme of ane word, I mon tak thre
In witnes of this terme, oppetere
Eik weill I wate certayne, expositouris sere
Makis ane text, sentence diuers to here
As thaym apperis, according thare entent
And for thar part schawis, ressonis euident
All this is ganand, I will weile it sa be
Bot ane sentence to follow, may suffice me
Sum tyme I follow the text, als nere I may
Sum tyme I am constrenit, ane vther way
Besyde Latyne, our langage is imperfite
Quhilk in sum part, is the cause and the wyte
Quhy that Virgillis vers, the ornate bewte
In till our toung, may not obseruit be
For thar bene Latyne wordes, mony ane
That in our leid ganand, translation has nane
Les than we mynnis, thare sentence and grauite
And ȝit skant weil exponit, quhay trowis not me
Lat thaym interpret Animal, and Homo.
With mony hundreth, other termes mo
Quhilk is in our langage, soithly as Iwene
Few men can tell cleirly, quhat thay mene
Betuix genus sexus, and speties
Diuersite in our leid, to seik Iceisse
For obiectum, and subiectum, alsua
He was expert couth fynd, me termes tua
Quhilks ar als ryff, amang clerkis in sculis
As euer foulis plungit, in lake or pulis.
Logitianis knawis, her in myne entent
Vnderquhais boundis lurkis mony strange went
Quhairfor the proces as now, we mon lat be
Bot ȝit twiching, our tongis penurite
I mene vnto compare, of fare latyne
That knawin is maist, perfite langage fyne
I mycht also percais, cum lidder spede
For arbor or lignum, in till our lede.
To fynde different, propir termes twane
And tharto put, circulotucioun nane
Rycht so by about, speich often tymes
And semblabill wordis, we compyle our rymes
God wate in Virgill, ar termes many an hunder
For till expone, maid me ane felloun blunder
To followe ala•erlye Virgilis, wordes I weyne
Thare suld few vnderstand me, quhat I meyne
The bewte of his ornate, eloquence
May not al tyme, be kepit wyth the sentence
Sanct Gregoure als, forbiddis vs to translate
Word eftir word, but sentence folow algate
Quha halis quod he, the wordes of properteis
Ful oft the verite of the sentence sleis
And to the samyn properteis, we may apply
Horatius, in his art of poetry
Preis not sais he, thou traist interprete
Worde efter word, to translate the mater
Lo he repreuis, and haldis myssemyng
Ay worde by worde, to reduce ony thing
I say not this of chaucere, for offence
Bot till excus my lewit, insuffitience
For as he standis beneth virgill, in gre
Vnder him als, for I grant my self to be
And not the les, into sum case, quha kend it
My maister Chaucere, gretelie virgil offendit
And thocht I be to bald, him to repreif
He was fer balder, cirtes by his leif
Saying he followit, virgillis lantern to forne
How Eneas, to Dido was forsworn
Was he forsworne, than Eneas was fals
That he admittis, and callis him tratour als
Thus wenyng allone Enee, to haue repreuit
He has greitlie, the prynce of poetes greiut
For as said is, virgil did diligence
But spot of cryme, reproche or ony offence
Eneas for to loif, and magnifye
And gif he grantis, him manesworne foulely
Than all his cure, and crafty ingyne gais quyte
His tuelf ȝeris laubouris, war not worth ane myte
Cirtis virgil schawis, Enee did no thyng
From Dido of cartage, at his departing
But quhilkis the goddis commandit, made him to forne
And gif that thare command, made him mansworne
That wair repreif, to thare diuinite
And na reproche, vnto the said Enee
Als in the feist, quhare Ilioneus
Spekis to Quene Dido, sais he not thus
Thare cours by fate, was set to Italie
Thus mycht scho not pretend, na iust cause quhi
Thoucht troianis eftir, departis of cartage
Sen thay before declarit hir, thare vayage
Reid the ferde buke, quhare Quene Dido is wraith
Thare sal ȝe fynd, Enee maid neuer aith
Promit nor band, wicht hir for to abide
Thus him to be mansworne, may neuer betyde
Nor nane vnkindnes, schaw for to depart
At the bidding of Ioue, with reuthful hart
Sen the command of God, obey suld all
And vnder his charge, na wrangus deid may fall
Bot sikkerlie of ressoun, me behuffis
Excuse Chaucere, fra all maner repruuis
In louing of the Ladyis, Lilly quhite
He set on Virgil, and Eneas, this wyte
For he was euer god wate, all womannis freynd
I say na mare, but gentil redaris heynd
Lat all my faltis, with this offence pas by
Thow Prince af Poetis, I the mercy cry
I mene, thou King of Kinges, Lord eterne
Thow be my muse, my gidare, and laid sterne
Remitting my trespas, and euery mys
Throu christ thy sone, bring vs to hewynly blys
Afald godhede ay, lesting but discrepance
In personis thre, equale of ane substance
On the I cal, with humyl hart and milde
Caliope, nor payne, goddis wilde
May do to me no thing, bot harine I wene
In christ I trest, borne of the virgine Quene
Thou Saluiour of mankind, be mye muse
That neuer ȝit, na sinful list refuse
Quhilk the besocht, deuotelie for supple
Albeit my lang, to thy hie maieste
Accordis not, ȝit condiscend to my write
For thy excelland mercy, and loue perfite
Thou holy gest, confort and sanctifye
My spret to ende, this wark to thy glory
Bot forthirmare, and laware till discend
Forgif me Virgill, gif I the offend
Pardoun thy scolar, suffer him to ryme
Sen thou was but, ane mortall man sum tyme
In cais I fail, haue me not at disoenȝe
Thocht I be lew•, my leile hart can not fenȝe
I sall the follow suld I, tharfor haue blame
Quhay can do better, say furth on goddis name
I schrink not anys, correkkit for to be
With ony wycht, groundst on charite
And glaidlie wald I, baith inquire and lere
And to ilk cunnand wicht, la to myne ere
Bot laith me war, but vther offences or cryme
Ane rural body, suld intertrik my ryme
Thocht sum wald swere, that I ye text haue waryit
Or that I haue this volume, quite mystaryit
Or threpe planelie, I come neuer nere hand it
Or that the werk is werst, that euer I fand it
Or ȝit gewe, Virgil stude wele before
As now war tyme to schift the werst ouer skore
Ellis haue I said, thare may be na compare
Betuix his versis, and my stile vulgare
All thoch he stand, in latine maist perfyte
ȝit stude he neuer weil, in our toung endite
Lest than it be by me, now at this tyme
Gif I haue failȝeit, baldlie repreif my ryme
Bot first I pray ȝou grape, the mater clene
Reproche me not, quhill the werk be ouer sene
Be not ouer studyous, to spy ane mote in myn. E
That in ȝour awin, ane ferrye bot can not se
And do to me, as ȝe wald be done to
Now hark schirris, thare is na mare ado
Quha list attend, gyffis audience and draw nere
Me thocht virgil, begouth in this manere
I the ilk vmquhilis, that in the small ait rede
Toned my sang syne, fra the woddis ȝede
And feildis about, taucht to be obeysand
Thocht he war gredy, I to be bissy husband
Ane thankfull werk maid, for the plewmans art
Bot now the horrible sterne, dedis of marte.
THe first contenis, how the prince Enee
And troianis war, driue vnto cartage ciete.
The secund buke schawis, the finale Enuoye
The grete myscheif, and subuersioun of troye
The third, tellis how fray troyis cite
The troianys caryit wer, throw out the se.
The ferd, rehersis of fair Quene Dido
The double woundis, and the mortall wo
The fift contenis, funerall gammys glaide
And how the fire, the nauy did inuade
Into the sext buke, syne dois virgil tell
how that Eneas went, and wesyit hell
The seuynt, Enee bringes to his ground fataile
And how Italianis, troianis schupe to assaill.
Vnto Enee, geuis the auchten buke
Baith fallowschip, and armoure, quha list luke
Dawnus son turnus, in the nynte tak tent
Segeis new troye, Eneas tho absent
The tent Declaris, by the coist attanis
The batell betuix, tuskanis and rutulianis
In the leuenth, rutulianis bene ouer set
By the deceise of Camylla, Deun bet
The tuelf makis and ende of all, the were but dout
Throw the slauchter, of turnus sterde and stout
The last ekit virgillis, nowmer euin
By mapheus conuoyis, Enee til heuin.

Book I

The battellis and the man, I will discriue
Fra Troyis boundis, first that fugitiue
By fate to Italie, come and coist lauyne
Ouer land and se, cachit with meikill pyne
Be force of goddis aboue, fra euery stede
Of cruel Iuno, throw auld remembrit feid
Grete payne in batelles, sufferit he also
Or he his goddis, brocht in latio
And belt the ciete, fra quham of nobil fame
The latyne peopill, taken has thare name
And eik the faderis, princis of Alba
Come, and the walleris, of grete rome Alsua
O thow my muse, declare the causis quhy
Quhat maiesty offendit, schaw quham by
Or ȝit quharefor of goddis, the drery Quene
So feil dangeris, sic trawell maid sustene
Ane worthy man, fulfillit of pietie
Is thare sic greif, in heuinlie myndes one hie
Thare was ane ancient ciete, hecht cartage
Quham hynis of Tire, held in heritage
Inemye till Italie, standing fare and plane
The mouth of lang tyber, ouer forgane
Mychty of nobillis, fule of scules sere
And maist expert, in crafty fait of were
Of quhilk ane land Iuno (as it was said)
As to hir speciall aboue, all otheris maid
Hir natiue land, for it postponis sche
Callit samo in cartage, set hir se
Thar war hir armes, and here stude, eik hir chare
This goddes ettillit gif werdes, war not contrare
This realme to be, superior and maistres
To all ladis, bot cirtes netheles
The fatale sisters, reuolf and schaw sche kend
Of troiane blude, ane pepill schuld discend
Valȝeand in ware, to regne wyde quhare and syne
Cartage suld bring, vnto fynale rewyne
And clene distroye, the realme of Libia
This dredand Iuno, and ferthirmare alswa
Remembrand, on the mortall anciant were
That for the grekis to hir leif and dere
At Troye, lang tyme sche led before that day
For ȝet the cause of wraith, was not away
Nor cruell harme forȝet, ne out of mynd
Full depe ygrauen, in hir breist vnkynd
The Iugement of Paris, how that he
Preferrit Venus, disprising hir bewte
Als troiane blude, to hir was odious
For Iupiter, engenerit Dardanus
Fra quham the troianis come in adultre
And Ganymedes, reuyst abo•e the sky
Made hym his butler, quhilk was his douchters offyce
Iuno inflammit, musing on thir casis nyse
The quhile ouresey, that salis the troianis
Quhilk is had the dede, eschapit and remanis
Wuslane of Grekis, or the fers Achil
Sche thame fordriuis, and causis oft gowyll
Frawart Latyn (quhilk now is Italy)
By fremyt werde, full mony ȝeris thareby
Cauchit and blaw, wide quhare all seyis about
Lo h•w grete cure, quhat pane trauell and dout
Was to begyn the wourthy, Romanis blude
And as the troianis, frakkis ouer the flude
Skars from the sicht of Cicilly the land
Wyth bent sale ful rycht merely, saland
Thare steuynnys stowrand, fast throw the salt fame
Quhen that Iuno, to hir euerlasting schame
The eterne wound, hid in her breist ay grene
Vnto hir selfe thus spake, in propir tene
Is this ganand, that I my purpois faile
As clene ouercum, and may not fra Itale
Withhald this king, of troy and his nauye
Am I abandonit, with sa hard a destany
Sen pallas mycht, on Grekist ak sic wraik
To birn thare schyppis, and all for anis saik
Droun in the seye, foraiax oilus wrang
From Iupiter, the wilde fyre down sche flang
Furth of the cloudis, distrois thare schyppis all
Ouerquhelmit the sey, with mony wyndy wall
Aiax peirsit gaspand, and furth flamand smoke
Sche with anechud, stikkit on ane scharpe rok
Bot I the quhilk, am clepit of goddis quene
And vnto Ioue, baith spous and sister schene
With ane pepill, sa fele ȝeris wer fall lede
Quha sall fra thens, adorne in any stede
The power of Iuno, or alteris sacrifye
Gif I ouercummyne, be this schamefully

And on this wise, with hart burning as fyre
Musing alone, full of malice and rye
To Eolus cuntre, that wyndy regioun
Ane brudy land, of furius stormy soun
This goddes went, quhare Eolus the kyng
Ingousty cauis, the windis loud quhisling
And braithlie tempestis, by his power refanys
In bandis hard, schet in presoun constrenys
And thay hereath, auand full gret disdene
Quhill all the hyll resoundis, quhrine and plene
About thare clousouris brayis, with mony ane rare
King Eolus set heich, apoun his chare
With scepture in hand, thare mude to meis and still
Temperis thare yre, les thai suld at thare will
Bere with thare bir, the skyis, and driue about
Erde, are, and seye, quhen euer thou list blaw out
Thus the hye fader almyghty, in Cauis dirk
Their wyndis hid, for drede sicwrangis that w•rk
And thare aboue set, wechty hillis huge
Gaif thame ane king, quhilk as thare lorde and Iuge
At certane tyme thayme stancheing, and with hald
And at command mycht also, quhan he wald
Let thaym go fre at large, to blaw out brade
To quham as than lauly, thus Iuno said
Eolus, ane pepill vnto me innemye
Salis the sey tuskane, caryand to Italie
Thare Vincust hamald goddis, and Ilione
Bot sen the fader, of goddis euery one
And King of men, gaif the power quod sche
To meis the flude, and rais with stormes hie
Inforce the windes synk, all thare schippis in fer
Or skattir them wyde, quhare in countreis sere
Warp all thare bodyis, in the depe bedene
I haue quod sche, lusty ladyis fourtene
Of quham the formest, clepit diope
In ferme wedlock, I sall conione to the
For thi reward, that lilly quhite as sware
With the for to remane, for euer mare
Quhilk propir spous, and eik thy lady mylde
Sall make the fader, to mony fare childe
Eolus ansueris, o thou my lady Quene
Quhat you desiris, to the it doith pertene
For to deuise, and me behuffis thy command
Obey for thou the sceptoure, geuis me in hand
Of all this realme, quhat so it be and oft
Iupiter with me consideris, and full soft
Causis me feist, amang the goddis at rest
And makis me maister, of windis and tempest
Be this was said, ane grundyn dart let he glyde
And persit the bois hill, at the brade syde
Furth at the Ilk porte, the wyndis brade in ane route
And with ane quhirle, blew all the erde about
Thay vmbeset the seyis, bustuously
Quhill fra the depe, til euyrye coist fast by
The huge wallis weltres apon hie
Rowit at anis, with stormes and wyndis thre
Ewrus Nothus, and the wynd aphricus
Quhilk Eist, South and West, wyndis hate wyth vs
Sone eftir this, of men the clamor rais
The takillis grassillis, cabillis can frate and frais
With the cloudis, heuynnys son and dayis lycht.
Hid and brest out, of the troianis sycht
Derknes as nycht, beset the see about
The firmament, gan rumyllyng rare and rout
The skyis oft lychtned with fyry leuyn
And schortlie, baith are see and heuyn
And euery thyng manissis, the men to de
Schewand the dede present, before thare E.

Belife Eneas membris, schuke for cauld
And murnand, baith his handis vp did hald
Towart the sternes, with pietuous voce thus can say
O seuin tymes, how happy, and how happy blist war thay
Vnder hie wallis of troy, be dynt of swerde
Deit in thare faderis sycht, bytand the erde
O you of gret, maist forty diomede
Quhy mycht I not on feildis of Troye, haue deid
And by thy rycht hand, ȝaldin furth my sprete
Quhare that the valȝeand Hectour, loist the swete
On Achilles spere, and Grislie serpedoun
Quhare vnder the flude, of Symois meny one
With scheild and helme, staiwart bodyis lyis warpit
And all in vane, thus quhil Eneas carpit
Ane blasterand bub, out fra the north braying
Can ouer the foreschip, in the bak sail ding
And to the sternes, vp the flude can cast
The airis hathis, and the takillis brast
The schippis steuyn, thrawart hir went can wryith
And turnit hir braid syde, to the wallis swyth
Nie as ane hill, the Iaw of the watter brak
And in ane hepe come on them, with an swak
Sum hesit houerand, on the wallis hicht
And sum the souchand sey, so law gart licht
Thame scemyt the erde, opynnyt amyd the flude
The storme vp bullerit sand as it war wod
The south wind Nothus, thre schippis draif away
Amang blynd craggis, quhilk huge rokkis thay say
Amyd the sey Italianis altaris callis
And vther thre Eurus, from the deip wallis
Cachit amang the schaldis, bankis of sand
Dolorus to se them, schap of grund and stand
Like as ane wall with sand, warpid about
Ane vther in quham salit, the licianis stout
Quhilom fallowis, to king pandoure in were
And orontes Eneas, fallow dere
Before his Ene hastelye from the north wynd
Ane hidduous sey, schippit at hi• sterne behynd
Smat furth the skippare, clepit lewcaspis
His hede doun warppit, and the schip with this
Thryis thare the flude quhirlit, about round
The sowkand swelth, sanke vnder sey and dround
On the huge deip, few saland dyd appere
The Troanis armure, tabillis and vther gere
Flet on the wallis, and the strang barge tho
Bare Ilieoneus; and sche that bare also
Forcy Achates, and sche, that bare Abas
And sche quhar•• antient, Alethes was
The storme ouerset, raif rebbis and syde semes
Thay all lekkit, the salt wattir stremes
Fast bullerand, in at euery rift and bore
In the mene quhile, with mony rowt and rore
The sey thus trublit, and the tempest furth sent
Felt neptune, and his wattir moueth and schent
The deip furth ȝett, in schaldis here and thare
Gretly commouit, out the sey can stare
His plesand hede, rasit on the hiest wall
Lukand about behaldis, the se ouer all
Eneas nauy shatterit, fer in sounder
With fludis ouer set the Troianis, and at vnder
By flaggis and rane, did from the heuin discend
Iunois dissait and Ire, full well he kend
He callit to him Eurus, and zepherus
The Eistand West wyndis, and said them thus
Are ȝe sa greitlye assurit in ȝour hie kin
ȝe wyndis (quod he) durst but my leif begin
Baith erde and aire, to moue on this manere
And eik the se, with sa stout stormes stere
I fall ȝou chaistice, bot me behuffis first meis
The mocioun of fludis, and thaym appese
Traist weile vnpunyst, ȝe sall me not astert
One sic ane wise, gif ȝe falt efterwart
Withdraw hens, and to ȝour kyng say ȝe
He has na power, nor aucthoryty•
On sepis, nor on the thre granit sceptour wand
Quhilk is by cut, geuin me to bere in hand
Hald him on craggis, and amang rochis hie
Thare is ȝour dwelling place, Eurus quod he
Bid Eolus keip him, in that hald conding
Do clois the presoun of wyndis, and thar on ring
Thus said he, and wyth that wourde hastely
The swelland seyis has swageit, and fra the sky
Gadderit the cluddis, and chaissit sone away
Brocht hame the son agane, and the bricht day
His dochter Tymothie, and his son triton
Enforsis them, the troiane schippis anon
To rais and lift, of the scharp rokkis blynd
The God him self, can hesing them behind
With his big scepture, hauand granys thre
Oppynnys schald sandis, and temperis wele the se
Ouer slidand lichtlie, the croppis of the wallis
And as ȝe se oft, amang commonus fallis
Striffe and debate, in there wod fuliche ire
Now fleis the stanys, and now the brandis of fire
Thair greif and furye, ministeris wappynnys plente
Bot than percace, gif they behald or se
Sum man, of grete auctorite and effers
Thay ceise, and all still standand, giffis him eris
He with his wourdis, can slaik thair mynd and swage
On the samyn wyse, fell all the seis rage.

After that the Fader of the fludis Neptune
Had on sic wyse, behaldin the sees aboue
Vnder the stabillit heuin, mouit in his chare
Slakking his renȝeis, with prosper cours and fare
Eneas and his feris, on the strand
Wery and forwrocht, sped them to nerrest land
And at the coist of Libia, arriuit he
The hauyn place with an lang hals or entre
Thair is within ane Ile, Inuironit, on athir part
To brek the storme, and wallis on euery art
Within the wattir, in ane bosum gais
Bayth here and thare, standis large craggis and brais
To se the hewis on athir hand, is wounder
For hicht that semes pingill, with heuin and vnder
In ane braid sand, souir fra all wyndys blawis
Flowis the schore depe, euer stabill but ony wawis
Ane wod aboue ourheildis, with his braid bewis
And castis ane plesand schadow, ouer the clewis
Rycht ouerforgane the forrett of the bra
Vndir the hingand Rokkis, was Alsua
Ane coif, and tharin fresche wattir spryngand
And seatis of stane, neuir hewin with mennis hand
Bot wrocht by nature, as it ane hous had bene
For Nymphes, goddis of fludis and woddis grene
Perbrekit schyppis, bot cabillis thare mycht ryde
Nane anker nedis, make thame arreist nor bide
Of all his nauy thiddir, Eneas brocht
Bot seuin schyppys, with gret desire and thocht
To be on ground, troyanis sped them to land
As thay desirit set, softlye to the sand
Thare lichtis and lymys, in salt wattir be dyit
Strekit on the coist, spred furthbekit and dryit
Bot first Achates, slew fyre of the flynt
Kepit in dry leuis, as tunder quhil thay brynt
Syne stikkis dry, to kyndill thare about layd is
Quhill all in flame, the bleis of fyre vpbradis
Than was the quhete with fludis, chauft and wete
And instrumentis to purge it, swith out sete
For skant of vittale, the cornes in quernis of stane
Thay grand, and syne beuke at the fyre ilkane
In the mene quhyle, Eneas the banke on hie
Has clummyn wyde quhare, behaldand the large sie
Gyf ony schyp tharon micht be persauit
Quhilk late before the windis, had bewauit
Or ony troiane galay, back or barge
Antheus Capis, or caitus stramaris large
Waiffand or schewand, fra thare top on hicht
Na schip he saw, bot sone he gat ane sicht.
Of thre hartis wauerand by the coistis side
Quham at the bak, throw out the grauis wyde
The mekle herdis, followit in ane rout
And pasturit, all the large vale about
Thare at the stintis, and hynt his bow in hand
Swift fleand arrowis, fast by him had berand
The traist Achates, and first the ledaris thre
Quhilk on thare hedis, bare thare tyndis hie
Smartlie he slew, syne all the rin gald persewis
With grundin arrowis, amang the thik wod bewis
And stintis not, with dartis them to bete
Quhil he to grind had brocht, seuin hartis gret
And with his schippis, thare nowmer equale made
Syne to the heuin, sped him without abade
And thame distribute, amang his feris all
The wine thare with, in veschell grete and small
Quhilk to him gaif, Acestes his rial hoist
At his departing, from Cecilly the coist
To thame he birlis, and skynkis fast but were
And with sic wordis, comfortis thare drery chere
O ȝe my feris, and deir freyndis, quod he
Of bywent perrellis, not ignorant ben we
ȝe haue susteni, greter dangeris vnkend
Like as hereof god sall make, sone ane end
The rage of silla, that huge swefte in the se
ȝe haue eschapit, and passit eik haue ȝe
The euer routand, caribdis rokkis fell,
The craggis, quhare monstruous cyclopes dwell,
ȝe are expert pluk vp ȝour harts, I ȝou pray
This dolorus drede, expell and do away
Sum tyme hereon to think, may help perchance
By diuers casis, sere parrellis and sufferance
Vnto Itaill we ettill, quhare destanye
Has schap for vs ane rest, and quietharbrye
Predestinatis, thare troye sall ryse agane
Be stout on prosper, fortoun to remane
Si• plesand wordes carpand, he has forth brocht
Sett his mynd troublit, mony greuous thocht
With fenȝet confort, by his chere outwart
The dolorus paine hid depe grauin in hart
His feris has this pray, ressauit raith
And to thare meat, addressis it for to graith
Hynt of the hydis, made the boukis bare
Rent furth the entrellis, sum into tailȝeis schare
Syne brocht flikerand, sum gobbetis of lyre
Kest in caldrons, and vthir sum bet the fyre
Thame to refresch, thus all the coist on lenth
Sped thame with fude, to recouir thare strenth
On the grene gers, sat doun and fillit tham syne
Of fat venison, and nobill ald wyne
Quhen hūger thus with meatis, was chasit away
And dischis drawin lang, with lang sermon thay
Bewalit thair feris, losit on the flude
Betuix gude hope, and drede in doute they stude
quhither thay war lewād, or tholit extreme dede al
Thay ansuerit not, set thay oft plene and cal,
Bot pryncipale, the petyfull Eneas
Regrettis oft the hard fortun, and case
Of sterne orontes, now drownyt in the se
And now Amytus harme, complenis he
Now him allone, the cruell fate of Licus
Now strang gyane, now stalwart Cloanthus.

Gone was the day, and all thar lang sermon
Quhan Iupiter, from his hie spere adoun
Blent on the saleryfe seyis, and erth tharby
With pepyl dwelling, on the coistes fer sindry
Heich in the heuyns top, he baid houerand
And of libie, beheld graithly the land
Within his breist, on diuers curis as he thus
Musis and thinkis, vnto him spak Venus
All dolorus hir ene, full of brycht teris
O you quod sche, quhilk gouernis, reulis and steris
Baith goddis and men, be thyne eterne impire
And oft affrayis, with thundir and wylde fyre
How mycht myne Enee, sa gretly the offend
Or quhat mycht troianis trespas, quhilk now at end
Ar brocht and sufferit, sa feil cors laid deid
Throw out the warld, debarrit in euery stede
And dreuine from Itale, thow hecht sum tyme perfay
Of thame schuld cum eftir this, mony ane day
The worthy Romanis, and of Troianis of spryng
Princis of power, ouer sey and land to ring
Quhat wikkit counsel, fader hes turnyt thy thocht
Forsoyth at troyis distructioun, as I mocht
I tuke comfort herof, thinkand but baid
That hard wanwerd, suld follow fortune glaid
Bot ȝit the same perchaunce, persewis them sare
In sundry dangers, cachit here and thare
Of thare trauell, quhat end grantis thou gret kyng
Sen Anthenor mycht throw myd oistes thring
Of Grekis and Peirs, the soundis Iliria
And souerlye, pas the strait regiouns alsua
Of liburnanis, and ouer tymauy the flude
Qhare that nyne monthis, rinnand as thay war ••d
The hill is resoundes, sa rudely dois it rout
And like ane sey betis, on the brayis about
Thare netheles of padwa, the ciete
Ane duelling place, for troianis biggit has he
And nemmyt the pepill, after him and ful ȝore
The armes oft•oy, hes set vp in memore
That we thy blud, thi kinrent, and of spring
To quham in heum, thow grantit ane place to ring
Schame for to say, all throw the feyd of ane
Has losit oure schippis, and ar betrasit ilk ane
And fer from Italie, bene with haldin eik
Is this reward ganand, for them ar meik
Is this the honour done, to them bene godlik
Restoris thou thus, on sic wyse our kinrik
Smyling sum, deil the faderof goddis and men
With that ilk sueit wisage, as we ken
That mesis tempestis, and makis the heuins clere
First kissit his child, Syne said on this manere
Away sic drede, Cytherea be not efferd
For of thi lynnage vnchangeit, remanis the weir•
As thou desyris, the ciete sal thow se
And of lauyne, the promyst wallis hie
Eik sell thou raise, aboue the sterrit say
The manfull Eneas, and him deify
My sentence is not alterid, as thow traistis
Bot I sall schaw the, sen sic thochtis the thristis
And here declare the destanyis the secrete
Full mony ȝeris tofore, thay bene compleit
This Eneas, wyth hydduous barganyng
In Itale thrawart pepill, sall doun thring
Syne eftir statute, lawis, for thay men
And beild townis, and wall his cieteis then
Quhen thre Someris, in latin or Itale
And there winteris, he ringin has all hale
Fra time retulianis, bene subduit in fecht
Than the yong child, quhilk now astaneus heicht
And now to surname, clepit Iulus sans fale
For he in Ilion, was of the blude riall
Quhill that of troye and Ilion, stude the ring
Thretty lang twelf monthis rowing ouer, salbe king
From lauyne realme, the sate translatit alsua
And fortely wal, the cete lang alba
Thare sall thre hunder ȝeris, to giddir remane
To ring vnder the pepill hettoriane
Quhill Ilia nun, and dochter of ane king
Consauit of Mars, tua twinnis doith furth bryng
Than with the glitterand volf skyn, ouer his array
Cled in his nuris talbart, glad and gay
Romulus sall the pepill ressaue, and weild
And he the mare•all wallis, of rome sall beild
And eftir his name, call the pepill Romanis
To the folkis, ful lang the rul remams
Nothir termis of space, nor boundis of senȝeorye
Nane will I sett, for to thame grant haue I
Perpetuale empire, but end of lest
Apersmar Iuno, that with gret vnrest
Now cummeris, erd, are, and se quod he
Sall turne hir mind bettir wise, and with me
Foster the Romanis, lorde of all erdlye gere
And latine pepill kep, baith in pece and were
This is determit, this likis the goddis I wys
Efter mony lusteris, and ȝeris ouers••ddm is
The tyme sall cum, quhen auchises of spring
The Realme of Perthia, in bondagesall doun thring
And eik of myte, subdew the regioun large
And vnder thare lordschip, dant all grece, and Arge
Cesar of novill Troyane, blud borne salbe
Quhilk sal the empire dilate, to the octiane se
And to the sternes vpspring, sall the fame
Of Iulus, that takyne has his name
From Iulus thy neuo, the great kyng
As prince discend, of his blude and ofspring
Quhan eftir this souir, of thine entent
Charge it with the spulȝe, of the orient
Amang the nowmer of goddis, ressaue thou sall
And as ane god, men sall him clepe and call
The cruel tyme, sone the• efter sall ceis
And weris stance, all sall be rest and peice
Antiant faith, and vailȝeand knychthede
with chast religioun, sall than the lawis leid
The dreidful portis sallbe schet but faill
Of Ianus tempill, the takynnar of battell
With hard Irne bandis, claspit fast in cage
Of wik kit bargane, thare in the furius rage
Set apoun greisly armoure, in his sete
And with ane hundreth brassin, chenȝeis grete
Behynd his bak, hard bundin his handis tua
The horryble tyrrant, with bludy mouth sal bra
This bcand said, Iupiter full euyn
His son Mercury send doun from the heuyn
So that of cartage, baith realme and new ciete
To luge the troianis, sall all reddy be
Les than Dido, the destany mysknawand
Wald thame expell, the boundis of hir land
He with gret fardis of windis, flaw throw the sky•
And to the cuntre of Libie cum on hye
Thare did his charge, and the folk of cartage
Thair feirs mudis, and hartis canassuage
At the plesure of the god, quhilk thame taucht
And first of vthir the quene hir selfhes caucht
Towart the troians, ane full freyndlie mynd
As vnto thame to be, bousum and kynd

Bot all this, the reuthfull Eneas
That in his mynd, can many thinges compas
Beliue as that, the halesum day wox licht
Dressit him furth to spy, and haue ane sicht
Of new placis, for till ceirs and knaw
To quhatkin coistis, he with the wind wes blaw
Quha thaym inhabit, quhidder wilde bestes or men
For all semyt, but wildernes to him then
And as he fand schupe, to his feris schaw
His nauy derne, amang the thik wod schaw
Vnder neth the hingand, holkit rochis hie
Dekkit about with mony, semely tre
Quhais schaddois Dirk, hid weile the schippis flkane
And he bot with ane fallow, furth is gane
With traist Achates in atheris hand yfere
The braid steile heid schuke on the hunting spere
Amid the wod, his mother met them tuay
Semand ane made, in vissage and array
With wappinnis, like the Virginis of spartha
Or the stowt wensche, of trace harpalita
Haistand the hors, hir fadder to reskewe
Spediar than hebroun, the swift flude did persew
For Venus efter the gys, and maner thare
Ane actiue bow, apoun hir schulder bare
As sche had bene, ane wilde huntreis
With wind waffing, hir haris lowsit of trace
Hir skirt kiltit, till hir bare knee
And first of vthir, vnto them, thus speike sche
Howe, say me ȝoungkeris, saw ȝe walkand here
Be auenture, ony of my sistiris dere
The cais of arrowis, cauchit by hir syde
And cled into the spo•tit, linkis hyde
Or with loud cry, folow and the chace
Efter the fomy bare, in thare solace
Thus said Venus, and hir son agane
Answeris, and said, treuly maid in plane
Nane of thy sisteris, did I here nor se
Bot o thou virgine, how sall I call the
Thy visage semis, na mortall creature
Nor the voce soundis not, lyk to humane nature
Ane goddis art thou, soythly to my sycht
Quhiddir thou be diane, phebus sister brycht
Or than sum goddis, of thyr Nymphyis kynd
Maistres of woddis beis to, vs happy and kynd
Releif our lang trauell, quhat euer thow be
And vnder quhat art, of the heuin so hie
Or at quhat coist of the warld, finaly
Sal we arriue, thow teich vs by and by
Of men and land vnknaw, we are driue wy••
By wind and storme of sey, cathit hiddirtyll
And mony fare sacrifice, and offerand
Before thine alter, sall de of my richt hand
Venus ansuerit I dedeinȝe not to ressaue
Sic honour certis, quhilk feris me not to haue
For to the madinis of tyre, this is the gise
To bere ane case of arrowis, on this wyse
With rede botynis, on thare schankis hie
The realme of punis, this is quhilk ȝe se
The pepill of tire, and the cite but more
Belt fra the folk, discend from Agenore
ȝe bene in the marchis of libie, sans fale
Inhabit with pepill, vndantabill in battell
Quhare Dido quene, reulis the empyre
Hidder from hirbreder, fled from the realme of tyre
Lang war the Iniuris, the doutis lang to be tald
Bot I the vmast, of the mater sal hald
Ane husband, quhilk Sicheus hecht, sayd sche
Richest in all the ground, of Phenice
And strangly louit, be the sylly Dido
For be hir mater, as was the maner scho
By chance sche was, in clene virginite
Weddit to him, but of Tyre the cuntre
In heritage held, Pigmalioun her brother
In wikkitnes cruell, aboue al vther
Quhilk but offence, or occasioun of greif
For blynd couatyse of gold, throw his, mische••
Before the altare, slely with ane knyfe
Or he was wer, reft Sicheus the lyfe
Not mouit of piete, vnto his sister sure
Conselit this cruell dede, lang vndercure
That fals man, by dissaitfull wordis fare
With wanhope trumpet, the wofull luffare
Bot of hir husband, bygrauit the ymage
To hir apperis in slepe, the pale visage
On meruellus wyfe, and can at lenth declare
How he was cruelly slane, at the altare
He schew the knyfe, out throw his breist threst
And all the hid crime of hir hous manifest
Syne in grete haist, exhortis hir to fle
And leif hir natiue land, and tak the se
And for to help hir outwart, by the way
Vnder the crd, quhare auld hurdis, hid lay
Of siluer and gold, reuelit ane large wecht
Dido he yrat como ult, I ȝou be hecht
For hir departing, followschip redy made
Togidder conuenis, but ony langare abade
All thay that hatis, the cruell tyrannis dedis
Or ȝit his feloun violence, sare dredis,
The schippis than on cace, war reddy thare
Thay tuke and chargit, ful of gold but mare
The tressoure, of this wrechit Pigmalioun
Is thus caryit, ouer the sey anone
Ane woman captane is, of all that deide
To ȝone place ar thay cumyn, thow may take hede
Quhare now risis, ȝone large wallis stout
O• new cartage with hie towris about
Als meikle grund, thay bocht at the first tyde
As thay mycht cumpas about, with a bullis hyde
ȝounder cheif castell, standing on the bray
In to thare langage, clepit is barsay
And of this deid, his name beris witnes ȝit
Bot quhat be ȝe, finalie wald I wit
Or of quhat cuntre cumin, or passe wald quhare
Sche sperand, this Eneas sichand sare
The voce drawand deip, fra his breist within
Said o thou goddes, gif I suld begyn
And tell our labor, from the formest end
To here our stories fet, thou mycht attend
Or I maid end vesper, the eum sterne brycht
Suld clois the heuin, and end the dayis licht
We are of ancient Troy, gif euer ȝe
The name of troy has hard in this cuntre
And caryit out, throw diuers seys alsua
And now be fortoun, to coist of Libia
Dreuyn with tempest, reuthful Eneas am I
That troiane goddis, cursis in my nauy
Quham fra amyd our enomies, I rent
My fame is knawin aboue the element
I seik Itale (as natiue countre) sere
My linnage cummis, fra hiest Iupyter
With schyppis twis ten, the phrigiane sey
My moder ane goddis, teichand the way toke […]
Fellowand destany, quhilk was to me grant
Of all our slote, from wynd and wallis stant
Seuin euill perbrekit, saif remanis with me
Vnkend and mysterfull, in the deseirtis of libie
I wander expellit, from Ewrop and Asia
Venus na mare, suffrit him plene nor sa
Amyd his dolours plantis, thus spak sche
Quhat euer thou art, I traist wel• that tho•, be
Fauorit with the goddis, and drauis this halesumare
Quhilk is the sprete of lyfe, to thy weilfare
Sen thow art cummyn, in Cartage the ciete
Now hald thy way, and at the Que••s entre
Present thy self, I schaw the for certane
Thy feres ar saif, thy nauy is cummin agane
In fayf•y brocht fre, of Northwyndis als
Les than my parentis taucht me, spaying craft fals
Behald tuelf swannis, in randoune glaid and fa•.
Quham newlie, from the regioun of the are
Iouis foul the egill, discending from his hicht
Has sare affrait amyd the skyis brycht
Now with lang range, to licht thay bene addrest
And spyis the erth about, quhar thay sall rest
As thay returne thar weyngis southand Iolely
And with ther cours cirkill, about the sky
Cryand or singand eftir, thar awin gyse
The schippis and fallowschip, on the samyn wyfe
Other ar harbryit, in the hauin Iwys
Or with bent saill, enteris into the port be thys
Now pas thy way euin furth, that samyn went
Thus sayd sche, and turnand incontinent
Hirnek schane, like vnto the Rose in may
Hir heuinly haris, glitterand bricht and gay
Kest from hir forehede, ane smell glorious and sue••
Hir habit fell doune, coueryng to hir feit
And in hir passage, ane verray god did hir kyith
And fra that he knew, his moder alswith
With sic wourdis he followis, as sche did fle
Quhy art thou cruell to thy sonne, quod he
Disceuand him sa oft, with fals sembland
Quhy grantis thow not, we micht ione hand in hand
And for to here and rander, wotis trew
Thus be repreuis, bot sche is went adew
Than to the ciete, he haldis furth the way
Bot Venus with ane sop, of myst baith tway
And with ane dirk cloud, closit round about
That na man suld thame se, nor twch but dout
Na by the wayis, stop or ellis dere
Or ȝit the causis, of chare cumming spere
Hir self vp lyft, to paphum past swyith
To vesy hir resting place, ioly and blyith
Thare is hir tempill, in Cipirland
Quharin thare dois ane hundreth altaris stand
Hait burning full of saba, sence all houris
Ane smelland swete, wyth fresch garlād and flouris

That in the mene time, hastit furth thare way
As the rode led thame, quhill ascend ar thay
The hill far risand, abane the toun hicht
Quhare al the cietie forgaue thame, se thay mycht
Eneas wounderit, the gretnes of cartage
Quhilk late to fore, had bene ane small cotage
The fare portis alsua, he ferlyt fast
And of the brute of pepill, tharat in past
The large stretis pathit, by and by
The bissy tyrianis, laborand ardently
Ane part haistis to beild, the wallis wycht
And sum to rais the grete castell on hicht
And velt vp stanis, to the volt on hie
Sum grathis first the thak, and rufe of tre
And sum about deluis, the fousy depe
Sum chesis officiaris, the lawes to keip
With councellouris and senatouris, wise folkis
ȝounder vthir sum, the new heum holkis
And here also ane other end fast by
Layis the foundament, of the theatry
And vtheris eik, the huge pillaris grete
Out of the querillis, gan do hew and bete
For till odorne, that place in all degre.
In time cuming, quhare grete triumph suld be
Like to the beis in the feild, flurist new
Gaddering thare werk of many diuers hew
In soft somer, the bricht son hait schynyng
Quhen of thare kynd, thame list swarmis out bryng
Or in kames incluse, thare hony clene
And with swete liquour, stuffis thare cellis schene
Or ressauis the birdingis, from vthir thair rout
Or fra thare hyff, togiddir in ane rout
Expellis the bowbert best, the fenyt drone be
Thare laubor is besy, and feruent for to se
The hony smellis, of the swete tyme seid.
O quod Enee, full happy are ȝe in deid
Quhais large wallis, risis thus on hie
And quhill he vesyit the boundis of this ciete
Ane wounder thing, couerit with ane cloud about
He enteris syne amyd the thikest rout
Amang the men he thrang, and nane him saw
Amyd the ciete stode, ane semele schaw
With his maist plesand sobir schadow quhar
As the punicianis first, vpwrapit war
Eftir the stormy blastis and seis rage
Thay delfand, fand the takynnare of cariage
Ane mekill hors heid, that was I wene
As Iuno had schaw to fore, of goddis quene
That signifyit the ciete, excellent in battell
And plentuous eik, all tymes of vittale
In the ilk place, the sidones Dido,
Begouth to big, ane proud tempill of Iuno
With drouryis sere, and giftis of riches
And eik the golden statew, of the goddes
The entre rais, with hir stagis of bras
With bras also, the cuplis fessynit was
The brasin duris iarris, on the marbill hyrst
In this tempill sere, nouelteis fyrst
Schawin till Eneas, mesit gretely his fere
The first assurance of comfort, was here
And hope of releif, efter aduersite
For as he went, diuers thingis to se
Rowming about, the large tempill schene
For to abide the cuming, of the quene
And of the ciete, the grete prosperite
The mony werk m•n, and thare castis fle
In dew proporcioun, as he wounderit for ioy
He saw per ordoure, al the sege of troy
The famus battellis, vulgate throw the warld or this
Of king priame, and Athir At••dis
And baldare than thame, baith the fers Achil
He styntis and wepand, sayd Achates tyll
how now, quhilk place is this mi frendis (quod he)
Quhat regioun in erd, may fundin be
Quhare our misfortoun is not fully proclame
Alas behald, se ȝounder king pryame
Lo here his worschyp is halden in memore
Thir lamentabill takinnis past before
Oure mortall myndis, aucht to compassioun stere
Away with drede, and take na langare fere
Quhat wenis thou, na this fame sall do the gude
Thus said he, and fed hys mynd quhare he stude
With this plesand fenȝeit ymagerie
Murnand sair, and wepand tendirlie
The flude of teris, haling ouer his face
For as he lukit, on the werk percace
He saw porturit, quhare in sic ane place
The Grekis fled, and troianis followis the chace
About the wallis of troy, as thay did ficht
At ȝounder part the Troianis, takis the flycht
With creist on hede, Achilles in his chare
Persewand stranglie not, fer thens, saw he quhare
The quhite tentis of king, Resus euill kepe
Betraisit war, apoun the first sleipe
Quhare with grete slauchter, bludy diomede
Distroyit all, and to his tent can lede
The mylk quhite hors, fers swift and gude
Or euir thay taistit, ony troiane fude
Or drunken had, of the flude exhantus
And ȝonuder lo, beheld he Troylus
Wanting his armoure, the fey barne••eand
For to recounter Achilles, vnganand
The hors hym harland, behynd the void carte
Hingand wyde opin, and his hede doun warte
Suppos he held the reȝneis fast but faile
His neck and haris, on the erd can traile
The spere ouerturnit, in the dust did write
The samyn tyme, the troianis madynnes quhite
With hare doun skalit all sorowfull can pas
Vnto the tempil of the greuit Pallas
To ask supple with thaym ane wympill bare thay
With handis, betand thair breistis by the way
This fremyt goddis held hir ene fixt fast
Apoun the gound, nar blenkis list thaym cast
About the wallis of Troy, he saw quhat wyse
Achilles har lit, hectoris body thrys
The dede corps, syne for gold he saw him sell
Law from his breist murnand, he gaif ane ȝell
Seand the wod carte, and spulȝe of the knycht
And the corps, of his derest freynd sa dycht
Priame vnharmyt, strek furth handis did he spy
From Achilles, his sonnis body to by
Him self alsua midlit, persauit he
Amang princis of grece, in the melle
The orient hostis, knew he, one by one
And vulcanus armour, on blak menon
The madinis cum fra amasone, saw he scone
with crukit scheildis, schapin lyke the mone
Led by thare furius quene pairthassalye
Amyd the thousand egerly fechtis sche
And quhar hir pap, was for the spere cut away
Of gold thairon, was belt ane riche tischey
Ane wourthy weriour, soithlie thay micht hir ken
This wensche stoutlye, recounter durst with men.

Quhill as the manfull troiane Eneas
To se thir nyce figuris, wonderand was
And as he musit, studeand in ane stare
Bot one ane sicht, quhar on he blenkit thare
The Quene Dido excellent in bewte
To tempill cummis, with ane fare menȝe
Of lusty ȝoungkeris, walking hir about
Like to the goddes Diane, with hir rout
Endlang the flude of Ewrote, on the bra
Or vnder the toppis, of hir hill Cynthia
Ledand ring dancis, quham followis, ouer all quhare
Ane thousand nymphis, flokand here and thare
On hir schulder, the arrow cace bare sche
And quhare sche walkis, about the laif on hie
May wele be sene to latona, hir moder thys
Geuis reiosing, and secrete hartis blis
Sic ane was Dido, sic ane hir blithlie bare
Amyd thame all, the werkis and weilfare
Prouiding for the realme, in tyme to cum
And quhen sche, to the temple dure is cum
Syne enterid vnder hir myd volt, tuke hir sete
Hie in ane trone, and cumpanyis grete
On athir half standing, of armyt men
The domes and law pronuncis, sche to thaym then
The feis of thare laubouris, equalye
Gart distribute, gif dout fallis thare by
Be cut or cauill, that plede sone partid was
Bot suddanly persauis, Eneas
Quhare with grete hast com rynnyng antheus
Sergest he seis, and stalwart Cloanthus
With diuers vtheris, of the troiane menȝe
Quham the black storme, had skarterit on these
And at ane vthir coist, dreuin to the land
He and his fallow, awounders this seand
Achates half astonyst, stude in affray
With fere and ioy, smytin bayth war thay
And langit sair, to schask handis, bot thare hart
The vncouth care amouit, iu sum part
For to dessymill, as nathyng sene thai had
And with the dirk cloud hid, to spy thay bad
How it stude with thare feris, or chancet eft
Or than quhat coist thare, nauyne thay had left
Quhat thay desyrit for, as full weill thay saw
From thare schippis per ordoure, thay cum on raw
Beseikand grace and peace, fast as thame thocht
And to the tempill, with grete clamour socht
Fra thay war enterit, in the temple tho
And licence grantit thaym, to speke also
The gretest oratoure, Ilioneus
With plesand voce, begouth his sermon thus
O hie princes, quham to Iupiter has grant
To beild ane new ciete, and to dant
The violence of proude folk by iust law
We wretchit Troianis, with the windis blaw
Threw strang stremis, and mony diuers se
Forbyd ȝone cruell fyre, besekis the
Suffer nat to birn our schypwis, in ane rage
Haue reuth apoun our petuous, aldlynage
Considder freindly, our mater how it standis
We come not hidder, with drawin swerde in handis
To spulȝe templis, or riches of Libia
Nor by the coist, na sperich to driue awa
Sic violence, nane within our myndis is
Nor sa grete stoutnes, to vincus folk I wys
Thare is ane place, quham the grekis thay sa
Vnto his name, clepis hisperia
Ane nobill land, richt potent in batall
And fructu•s grund, plentuos of vittall
By kyng Enocrius, inhabit fyrst we trow
Bot in our dayis, lately the fame is now
Eftir thare duke, it is namid Italie
Thedderwart our cours was laid, quhen suddanlie
The flude boldynnyt, and stormy orione
Amangis blynd bankis cachit vs anone
The bittir blastis, contrarious alwayis
Throw wallis huge, salt fame, and wilsum wayis
And throw the perrellus rolkis, can vs driue
Hidder at ȝour coist, ar few of vs arryue
Quhat kind of pepill, dwellis here quod he
How bene sic theuis sufferit, in this cuntre
We ar defendit to herbry on the sand
Prouokit eik to battall, and driuen to land
By force of storme, the slike thay vs deny
Albeit the scanth of men, ȝe set nocht by
And mortall weris contempnis, and comptis not
Belcuis ȝet wele than, and haue in thocht
The goddis sall remember, traistis me
Baith of gude dedis, and iniquite
To vs was king, the wourthye Eneas
Ane iustar man in al the warld, nanc was
Nor mare reuthfull, nor wyssare in to wer
Nor mare valȝeand, in dedis of armes sere
Quham gif the fatis alife, conseruit haith
To tak this heuinlie, are and draw his braith
And not with crewell goistis, hid vnder erd
Thare is na drede, that sall mak vs afferd
Now thow sall neuer repent the sikkerly
To schaw vs first frendschyp, and curtesy
In to the realme of Cicill, als haue we
Frendes and cieties, with armit men plente
And of the troiane blude, Acestes kyng
Gif vs war leuit, our flote on land to bryng
That with the wind and storme, is all to schake
And grant erk leif to hew wod and tak
Tymmer to bete, airis and vther misteris
So that our king we micht fynd, and our feris
Blithlie we suld hald towart Italy
And to the coist of latin, seik in hy
Bot gif our weilfare, and beleif clene gane is
And the maist souerane fader, of vs troianis
The libiane se withhaldis, gif thou be gone
Nor of Ascaneus comfort, remanis none
Than soithly at the leist, the cecil se
And placis reddy, fra quham hidder driuen are we
We sall seik, and to the king acestes
Thus sayd Ilioneus and thus can he ceis
Bot than the noyis rais, amang the Troianis
Thay murmurit, and complenit all at anys
Than schortly Dido spake, with visage doun cast
Remoif all drede, Troianis be not agast
Pluk vp ȝour hartis, and heuy thouchtis doun thring
Ane hard meschance, and nowelte of this regne
Constrenis me sic maistry for to schaw
And with discuriouris, kepe the coist on raw
Quhay knawis not the lynnage, of Enee
Or quhay miskennys Troy, that nobyll cietye
The grete worschip, of sic men quha wald not mene
And the huge ardent battellis, that thare hes bene
We Phinicianis, nane sa blait breistis has
Nor sa fremmytlye, the son list not addres
His cours thrawart, cartage ciete alway
Quhidder ȝe will, to grete Hisperia
The ground of saturin, quhilk mowis italye
Or to the coist of Cecill, fast thair by
And at the king Acestes list ȝou be
Thidder sall ȝe surely pas, with my supple
I sall support ȝou with all gere may gane
And pleis ȝou with me, in this realme remane
The ciete quhilk I big, is ȝours fre
Bring in ȝour schippis, hedder from the sey,
Bettuix ane Troiane, and ane tirriane
Na difference, al sal I reule as ane
And with this samyn wynd, hidder blawin fere
Wald god Enee ȝour King, war present here
Endland, the coistis, and fer partis of libie
I sall forsoith, exploratours send and spye
In ony wod, gif that he be vpdriue
Or ȝit perchance, at ony ciete arriue,

With their wourdis, the sprete of Eneas
And of the strang Achates, reiosit was
Gretly desiring the cloude, to breke in •way
Bot first Achates, to Enee can say
Son of the goddes, quhat purpois thou (quod he)
Risis in thy breist, all is sure thou may se
Thy nauy and thy feris, recouerit bene
Wantand bot ane, amange the fludis grene
Quhilk we saw droun, all vthir thingis thou knawis
Is now conforme, vnto thy moderis sawis
And skarslie has he all, thyr wordis spokin
Quhen that the cloude, about thaym swyth was brokin
And vanyst tyte, away amange the aire
Vp stude Enee, in clere licht schynyng faire
Like till ane god, in body and in face
For his moder, grantit, hir son sic grace
His crisp haris, war plesand vnto se
His fauour gudlye, full of fresche bewte
Like to an ȝoungker, and with tua lauchand ene
Als gratius, for to behald I wene
As euour bane by craft, of hand wele dicht
Or as we se, the birnyst siluer brycht
Or ȝit the quhite polist, marbil stane schyne
Quhen thay beue circulit, about with gold sa fyne
Or euir thay wist, before thame all in hy
Vnto the Quene, thus sayd he reuerently.
Him (quham ȝe seik) behald now present here
Enee the Troiane, delyuerit from all dangere
Of storme and wallis, of the Libiane se
O thou onlye, quhilk reuch hes and piete
On the vntellibill pyne, of the Troianis
Quhilk wes the Grekis, leuingis and remanis
Ouerset, wyth all maner necessiteis
And euery perrell, baith be land and seis
Within the ciete, ressauis, till herbry
And to familliare frendschip and ally
To quite the rendring, ganand thankis richt
That •liis not Dido, in till our mycht
Nor al the laif, of the Troianis menȝe
Throu out this warld scatterit, quhare euer thay be
Bot the hie goddis, gif ony deite takis tent
To thame that piteous bene, and pacient
For iustice eik, gif euer reward beis get
And rychtwys mindis remembrit, and not forget
Thay goddis ilk, may alsua ryward the
Accordyng thy diserf, in all degre
How happy and ioyus, was that tyme serene
That the producit has, sa nobill ane Quene
How wourschipfull eik, war thay parentis of micht
Quhilkis the engenerit, has sa worthy ane wycht
Quhill fludis rynnys, in the sey but dout
Quhill sonnys schadow, cirkillis hillis about
And the fermament sternis, dois contene
Thy honour and thy fame, sall euer be grene
And thy ren owne remane perpetually
Throw all realmes quharto, that driuen am I
Thus sayand til his frind. Ilioneus
His richt hand gaif, and to Serestus
Gaif his left hand, syne vel•un•mit euery man
The strang Cloanthus, and the stout gyan
The Quene Dido astonyst, ane litill we
At the first sicht, behalding his bewte
Ay wondring be quhat wyse, he cumin was
Vnto him thus, sche said with myld face
Son of the goddis, quhat hard aduersite
Throw out sa fell perelles, has catchyt the
Quhat force and violence, draif the hidder till vs
Apoun their coistis, that bene sa dangerus
Art thow not the ilk, compacient Eneas
That apoun halye, venus engendrit was
Be the Troiane anchises, as thay say
Beside the flude Symois in Phrisia
Weil I remember, to Sydony the ciete
Sen tewcer com banist, from his cuntre
Sekand supple at Belus, and sum new lan•
My Fader than belus, I vnderstand
The riche realme of Ciper, waistit be were
And wan it syne, and gaif it to Tewcer
And euer syne of Troy, that grete cite
The distruccioun, has ben weile knawin to mē
The name also and princes, of grete sans fale
With quham thou faucht, sexe times in batale
This ilk tewcer, his inemyis of troy
Rusit and louit, and with excellent ioye
Full oft himself extoll, and vant he wald
Of troiane blude, to be discend of ald
Tharfor haue done, galandis cum on ȝour way
Enter within our lugeing, we ȝou pray
Siclike forto un, throw mony fell dangere
At last vnto this land, haif driue me here
Thus not mysknaw and, quhat pane is ennoy to die
I lerned to help, and tholis aduersite
Rehersand this, conuoyis sche Eneas
Touart the place, quhare hir riche Palyce was
And thar wyth eik, commandis haly day
Throw out the cite, all suld be gam and play
And netheles, the same time sendis sche
Doun to his folkis, at the coist of these
Twenty fed oxin, large grete and fyne
And ane hundreth bustuous, boukes of swyne
Ane hundreth lammes, and thare moders thame by
With vther presandis, and wyne habundantly
The place within, maist glorius and gay
Adornit was all ouer, with riall array
Amyd the hie ruif of the mekle hall
For the banket, mony rich claith of pall
Was spred, and mony a bandkyn, wounderly wrocht
Of syluer platis, ane huge wecht furth was brocht
To set on burdis and veschell, forgeit of gold
Quharin was graue, maist curious to behold
The vailȝeand dedes, of the forfaders, past by
Sen first beginning of thare genology
Man efter man, lik as thay did succede
In lang remembrance of thare worthy hede
Enee for that his faderly piete
Wald not suffer his mind in rest to be
In haist Achates, to the schippis send
To schaw Ascaneus all, from end to end
Vnto the ciete, that he anone war brocht
One ȝong Ascaneus, was al the faderis thocht
Syke giftis eik, he bad bring with him syne
Hynt and deliuerit, from the troiane rewyne
Ane ryche garment brasit, with rich gold wyre
The purpoure mantill and rich quent attyre
That pliabill was, with the gilt bordour large
Sum time array of Helene quene of arge
Quhilk frō the realme of mice, with her sche brocht
Quhen sche to troy, forbodin hymeneus socht
This wonderus gift, gottin at hir moder Lyda
And for thereik, of fair Ilionea
He bad him bring with him, the sceptour vand
Quhilum Priamus, eldist dochter bare in hand
The collare picht, with orient peirles als
That sche vmquhle, war about hir hals
Of gold also the clois, or double croun
Set full of precious stonys, enniroun
To do his charge, Achates besely
The way towart the schippis, socht in hy.

In the mene tyme Venus, ane sle wile socht
By hir consate, in hir mynd how sche mocht
In forme and visage, of sweit ascaneus tho
Tranformed, send hir awayn son Cupido
To bare thir presandis, so that the amourus quene
He micht inflamb, within hir banis grene
The hote fire of loue, to kindill and stere
For in hir mynd, sche had ane manere sere
Of this linnage, wauerand and vntrew
Thirrianis double toungit, weil scho knew
Of cruell Iuno, the drede brent hir inwart
With mony thocht, ran hastely till hir hart
Vnto the wingit god of luf, but were
For thi sche spake and sayd on this manere
O thou my child, my streneth my gret mycht
O thou my son, quhilk only art so wycht
That thou the dartis of Iupiter, dar ganestand
Quharwith he slew Tiphone, the grete gyand
To the I cum, to the I seke quod sche
Lawlie askand thy power and supple
Quhat wyse Eneas, thy brother but dout
Is blawin and warpit euery coist about
Of wikkit Iuno, throw the cruell inuy
All this to the is manifestwat I
For quhen I wepit tharfore, thou murnit also
Now him withhaldis the phinitiane Dido
And culȝeis him, with slekit wordis sle
Bot to quhatfyne, richt sone it dredis me
Sall turn this plesand ges•nyng in cartage
Quhilk is the burgh of Iuno, for in hir rage
As is begun, the mater sall not remane
Quharefor, I vnbethinke me of ane trane
This quene first, for to caucht in luffis lace
And so with flame of amours, to embrace
That by namicht, tharefore sche may remu•e
Bot strangely, sall with me Eneas lufe
Harke my consate, quhat wise this micht be done
The riall child ascaneus full sone
Of quham maist is, my thocht grathis to pas
At commaund of his fader Eneas
To the ciete of cartage, and giftis sere
Turssis with him, of thi auld troiane gere
Quhilk fra the storme of the sey, is left vntynt
And from the fire, remanis ȝit vnbirnt
Him sell I sound slepand, stele away
And hyde apoun the heicht of cytharay
Or in Idalium, my hallowit schaw
That our dissait, he nowther persaif nor knaw
Nor vnprouisitly, cum thidder, thoch he mycht
Tak thou his liknes, na mare bot ane nycht
For to begile, quene Dido of Cartage
My chyld cleith the, with ȝone kend childis vissage
So that quhen sche, all blithest haldis the
In to hir skirt perchance, or on hir kne
At hir feist riall, sittand at hir tabill
Amang danteis, and wyne amiabill
And can the for to hals, and inbrace
Kissand sweitly the quhite nek, and thy face
Than may thou slely, thy venymous ardent fire
Of freindful lufe, amid hir breist inspire
The god of lufe, obeis baistelie
His moderis wourdis, and laid his wyngis by
And blithly steppis furth like Iulus
Bot Venus to this ylk, Asaneus
The sweit vapoure, of plesand slep and rest
On all the membris, of his body keist
And softlye the goddes, in hir lap him bare
Amyd the schaw, of ydalium quhare
Tendir meriolyne and sueit flouris thair out
With thar dulce smell, him schaddowit round aboute,

Now passis furth Cupide, full diligent
For til obey his moderis, commandement
Berand with him the kingis giftis schene
Quhilk suld be present to the riall quene
Blithlie following, his ledar Achates
And as they come, the Quene was set at deis
Vnder hir glorious stentit Capitall
Amang proude tapettis, and michty riall apparall
Hir place sche tuke, as was the gise that tyde
Ouer spred with gold, amyd the bed besyde
Aboue all vthir, the fader Eneas
And syne ȝoung gallandis of troy, to meit set was
Apoun riche bed sydis, Per Ordour
Ouer sprede with Carpettis, of the fyne purpoure
To wesche thair handis, serwandes brocht watter, clere
Syne brede in baskettis, aftir thare manere
With soft s•ruiotis, to mak thar handis clene
Fyfty damacellis tharin, seruit the Quene
Quhilkis bare the cure, eftir thar ordoure hale
In puruiance of houshald, and vittale
To graith the chalmeris, and the fyris beild
Ane hundreth maydynnis, had sche ȝoung and eild
And als mony, of sam age ȝoung swanys
The coursis, and the meisis, for the nanys
To set on burdis, sic as we call sewaris
And to fill cowpis, goblettes and euaris
And mareattour, the tyrannis halely
At the blith ȝettis, flokkis to the maniory
And as thay com, thay wer set doun anon
On brusit, or payntit tappetis euery on
Thay meruellit, the ryche giftis of Eneas
Apon Ascaneus feil wounder was
The schining vissage, of the god Cupide
And his dissimillit slekit wourdes quhyte
The precius mantill, and quent garment also
Bot principally, the fey vnsilly Dido
For the mischeif to cum, predestinate
Micht not refrane, nor satisfy his consate
Bot ardentlie behaldis, al on stere
Now likand wele the chyld, and now the gere
As Cupide hingis about Eneas hals,
Embracit in armes fenȝeand luif full fals
By semblant, as he his fader had bene
Full s•ely than he blent, apoun the quene
Sche with hir sicht, and all hir mynd richt thare
Him to behald, sat mustand in ane stare
Sum time vnwar, in her bosomheld sche
Misknawand alace, by fals subtilitye
How the gret god of luf, with all his mycht
Watchit for tyll dissaue hir, wofull wycht
Bot he remembring, on his moderis commaund
The mind of Sichyus, hir first husband
Furth of hir thocht, pece and pece begouth drife
And with scharp amouris, of the man alife
Gan hir dolf sprete, for to preuene and stere
Had bene defusit fra luf, that mony ȝere
Eftir the first pans, and that cours nere gane
And vodouris, and fat trunscheouris away tane
The goblettis grete, with mychty wynes in hy
Thay fill and, couerit set in by and by
Than rais the noyis, quhill dyanyt ruffis and wallys
So thik the vocis fleis, throw the large hallis
From the gylt sparris, hang down mony ane lycht
The flame of torchis, vincust the dirk nicht
The quene than askis of gold, for the nanis
Ane wechty cowp, set all with precius stanis
Bad fill it full, of the richt hypocras
In to the quhilk grete belus, accustumit was
To drink vmquhile, and fra him euery king
Discend of his geneology, and of spryng
And quhen silence was made, ouer all the hall
O Iupiter (quod scho) on the we call
For this reasoun, that be wise men is sayd
To gestis thou grant, thy herbry glaid
We the beseik, this day be fortunabill
To vs tyrrianis, happy and aggreabill
To strangearis cummyn fra troy, in thare vyage
In time cuming, remembraunce of our vsage
To our successioun, and posterite
The geuare of gladnes, Bachus here mot be
And gentill Iuno, to vs fauorabill and meik
And ȝou my awin tirrianis, I commaund eik
Hallow this feist, with blithnes and with ioy
Bere frendly fallowschip, to thir nobillis of troy
This beand said, the cowp with the riche wyne
Apoun the burd sche blisse, and efursyne
With hir lip first tharof, tuk but ane taist
And carpand blithly, ga•f it Bithius in haist
He merely ressauis the remanent •a•s
All out he drank, and quhelmit the gold on his face
Syne all the nobillis therof dranke about
I will nocht say, that ilk man playit copout
Bot on his giltit harpe, berdit Iopas
Playand the geistis, of the grete Atlas
The monys change, and oblique cours sang he
And quhy the son eclipsis (as we se)
Quhareof mankind, was made he schew ful plane
Quharof beistis, and quharof engendris rane
Quharof cummes thunder, and fyre leuin
The rany hyades, quhilk ar the sternis seuin
And eik Arcturus, quhilk we cal the leide sterne
The double vrsis, weill couth he decerne
And quhy the son, into the wintir tyde
Haystis the sey, sa fast hys hede to hyde
Quhy makis the nicht that tyme, sa large delay
And in the somer, quhy sa lang is the day
The gild and riot tyrrianis, doublit for ioy
Syne the reird followit, of the ȝounkeris of troy
Vnhappy Dydo, also set al hir mycht
Wyth sermondis sere, for to prolong the nycht
The langsum lufe, drynkand inwart ful cald
Ful mony Demand, of priame spere sche wald
And questyouns fere, twichyng Hector Alsua
Now wyth quhais armoure the son of Aurora
Come to the sege, and now inquyre wald sche
Quhat kynd of hors, Dyomede had in melle
How large of stature, was feirs Achylles
Haue done my gentyll gest, sone till vs this
Perordoure (sayd sche) fra the beginnyng all
The dissate of the Grekis, and the fall
Of ȝour pepyll, and of troy the rewyne
The wandryng by the way, thow schaw vs syne
For now the seuyn summer, hidder cariis the
Wilsum and errant, in euery land and see.