Fragments of Psalms (Old English) · c. 10th–11th century
Psalm 5
Word þu min onfoh, wuldres ealdor,
and mid earum gehyr, ece drihten.
Ongyt mine clypunga cuðum gereorde,
beheald min gebed holdum mode;
þu eart min cyning and eac ece god.
Forðon ic to ðe, ece drihten,
soðum gebidde, and ðu symble gehyr
morgena gehwylce mine stefne.
Ic þe æt stande ær on morgen
and ðe sylfne geseo; forðon ic to soðe wat
þæt ðu unriht ne wilt ænig, drihten.
Cite this text
MLA
Anonymous (Old English). Fragments of Psalms (Old English), Psalm 5. Poetry Codex, poetrycodex.com/work/fragments-of-psalms-oe/0/.
Chicago
Anonymous (Old English). Fragments of Psalms (Old English), Psalm 5. Poetry Codex. https://poetrycodex.com/work/fragments-of-psalms-oe/0/.