Psalm 24

Do me wegas þine wise, drihten,
and me ðinra stiga stapas eac gelær.
Gerece me on ræde and me ricene gelær,
þæt ic on þinre soðfæstnysse simble lyfige.
Wes ðu gemyndig miltsa þinra,
þe ðu, drihten, dydest syððan dagas wæron,
and ðu wislice þas woruld gesettest.
Ne gemynega þu me minra fyrena
gramra to georne, þe ic geong dyde
and me uncuðe æghwær wæron;
for ðinre þære myclan mildheortnysse
weorð gemyndig min, mihtig drihten.