Psalm 102

Bletsa, mine sawle, bliðe drihten,
and eall min inneran his þone ecan naman.
Bletsige, mine sawle, bealde drihten,
ne wilt ðu ofergeotul æfre weorðan
ealra goda þe he ðe ær dyde.
He þinum mandædum miltsade eallum
and ðine adle ealle gehælde.
Se alysde þin lif leof of forwyrde,
fylde þinne willan fægere mid gode.
He ðe gesigefæste soðre mildse
and ðe mildheorte mode getrymede;
eart ðu edniwe earne gelicost
on geoguðe nu gleaw geworden.