The Meters of Boethius (Old English) · late 9th or early 10th century
Meter 18
Eala ðæt se yfla unrihta gedeð
wraða willa wohhæmetes,
þæt he mid ealle gedræfð anra gehwylces
monna cynnes mod fulneah ðon.
Hwæt, sio wilde beo, þeah wis sie,
anunga sceal eall forweorðan
gif hio yrringa awuht stingeð.
Swa sceal sawla gehwilc siððan losian,
gif se lichoma forlegen weorðeð
unrihthæmede, bute him ær cume
hreow to heortan, ær he hionan wende.
Cite this text
MLA
Alfred, King. The Meters of Boethius (Old English), Meter 18. Poetry Codex, poetrycodex.com/work/meters-of-boethius-oe/18/.
Chicago
Alfred, King. The Meters of Boethius (Old English), Meter 18. Poetry Codex. https://poetrycodex.com/work/meters-of-boethius-oe/18/.