The Paris Psalter (Old English) · c. 10th century
Psalm 132
Efne hu glædlic bið and god swylce,
þætte broður on an begen hicgen,
þær hig ænne sculan eard weardian.
Swa unguentum mæg æðele wyrtcynn
heafde healdan hrore stence,
mid þy Aaron his beard oftast smyrede.
Seo niðer astah on his reafæs fnæd
swa æþele deaw on Hermone,
se ofer Sionbeorge sneome astigeð.
Forþon her bebead halig drihten
lifes bletsunga lange to feore
of þisson nu awa to worulde.
Cite this text
MLA
Anonymous (Old English). The Paris Psalter (Old English), Psalm 132. Poetry Codex, poetrycodex.com/work/paris-psalter-oe/81/.
Chicago
Anonymous (Old English). The Paris Psalter (Old English), Psalm 132. Poetry Codex. https://poetrycodex.com/work/paris-psalter-oe/81/.