Now sing we right as it is

Now sing we right as it is,
Quod puer natus est nobis.

This babé to us now is born,
Wonderfull werkés he hath wrought,
He wold not lesse that was forlorn,
But again he hath us bought.
And thus it is,
For soth iwis,
He asketh no thing but that is his.

A dulefull deth to him was mente,
Whan on the rode his body was spred,
And as a theff he was there hente,
And on a spere his liff was lede.
And thus it ts, etc.

‘Man, why art thou unkind to me?
What woldest thou I did for thee more?
Geve me thy trew harte, I pray thee.
If thou be dampned, it ruthe me sore.’
And thus it is, ‘etc.

‘Man, I love thee; whom loveste thou!
I pray thee torne to me again,
And thou shalt be as welcom nowe
As he that never in sin was seyn.’
And thus it is, etc.