Welcom be ye whan ye go

Welcom be ye whan ye go,
And farewell whan ye come;
So faire as ye there be no mo
As brighte as bery broune. .
I love you verrily at my to,
Nonne so moche in all this toune;
I am right glad when ye will go,
And sory when ye will come.

And whan ye be other fare,
I pray for you sertaine,
That never manner horsse ne mare
Bringe you to town agein.
To praise youre beuté I ne dare,
For drede that men wille seyn;
Farewelle, no more for you I care,
But pray you of my songe have no desdein.