Elhân-ı Nâlân

Sokakta şu pîr-i gedâ-yı nagamhân
Su'âle edip âhengi âlet
Eder musikiyle beyân-ı sefalet;
Diler etmek elhânla ifhâm-ı efgân!

Eder bir güzel besteden isti'ânet
Ederken susuzluklar, açlıklar i'lân;
Keman dest-i aczinde olmakta lerzân,
Kemanın akar her telinden bir âfet!

Neler gizler, eyvah! 'âlemde âhenk:
Ale'l-ekser inler leb-i cemde âhenk;
Ale'l-ekser aglar terennümle insan!

Zemîn cism-i insâna oldukça mesken,
Çıkar âsümâne bütün yer yüzünden
Enînler, bükâlar, figânlarla elhân!