Adown the Burnie's Flowery Bank

Adown the burnie's flowery bank,
Or through the shady grove,
Or 'mang the bonnie scroggie braes,
Come, Peggy, let us rove.
See where the stream out ower the linn
Deep headlong foamin' pours,
There let us gang and stray amang
The bloomin' hawthorn bowers.

We 'll pu' the rose frae aff the brier,
The lily frae the brae;
We 'll hear the birdies blithely sing,
As up the glen we gae.
His yellow haughs o' wavin' grain
The farmer likes to see,
But my ain Peggy's artless smile
Is far mair dear to me.