The Laddie That I Ken O'

There's a bonny, bonny laddie that I ken o',
There's a bonny, bonny laddie that I ken o',
An' although he be but young,
He has a sweet wooing tongue,
The bonny, bonny laddie that I ken o'.

He has woo'd me for his own, an' I trow him, O,
For it's needless to deny that I loe him, O ;
When I see his face come ben ,
Then a' the lads I ken,
I think them sae far, far below him, O.

There is Annie, the demure little fairy, O,
Our Nancy, an' Burns' bonny Mary, O ;
They may set their caps at him,
An' greet till they gae blin',
But his love for his Jean will never vary, O.

He'll come to me at e'en though he's weary, O,
An' the way be baith langsome an' eery, O,
An' he'll tirl at the pin,
An' cry, " Jeanie, let me in,
For my bosom it burns to be near ye, O !"

He's a queer bonny laddie that I ken o',
He's a dear bonny laddie that I ken o' ;
For he'll tak' me on his knee,
An' he'll reave a kiss frae me,
The bonny, bonny laddie that I ken o'.