Neşve-i lâ'l-i lebin ser-germ-i şevk eyler beni

Neşve-i lâ'l-i lebin ser-germ-i şevk eyler beni
Nükhet-i zülfün dimâg-âlûd-ı zevk eyler beni
Dostum tâ key tegafül kim belâ-yı mergden
Arzû-yı zahm-ı tîgındır ki avk eyler beni
Kumri-i âvâre-veş andıkça gird-i zülfünü
Gird-bâd-ı deşt-i hasret ser-be-tavk eyler beni
Bende yok kudret ser-i kûyunda üftân olmaga
Rûzgâr-ı hasret ol vâdiye sevk eyler beni
Eylemez cân ârzû-yı câm-ı Cem *Ekrem* gibi
Neşve-i lâ'l-i lebin ser-germ-i şevk eyler beni