İrtifâ'-ı câh ile mukbil ne nâz eyler bana

İrtifâ'-ı câh ile mukbil ne nâz eyler bana
Rind-i rıf'at düynenim gerdün niyâz eyler baña
Nâ-murâd ol rind-i mahviyyet-nişânım kim kazâ
Râh-ı aşk-ı şu’le-i hestî-güdâz eyler baña
Âzim-i mi 'rac-ı vaslım mahrem-i bezm-i yakîn
Hâmil-i vahy-i Hudâ ifşâ-yı râz eyler baña
Beste-i kayd-ı ta'alluktur dilim zülfünde tâ
Aşk-ı ulviyyetle arz-ı imtiyâz eyler baña
Mahv eder * Ekrem * vücûdum tâbiş-i berk-ı cemâl
Ol sebebden yâr hüsnün nîm-bâz eyler baña