Şevk-aver olunca dile nezzârelerin hep

Şevk-aver olunca dile nezzârelerin hep
Çün gonçe-i envâr açılır yârelerin hep
Bir tig-ı ser-endâz çekip çârelerin gör
Geldi der-i ihsânına bî-çârelerin hep
Gör sîne-i pür-dâgımı ey vird-i tecelli
Envâr akıtır hicr ile fevvârelerin hep
Hûrşîde eder nâz olıcak sûde-i elmas
Her dâg-ı dili sînesi sad pârelerin hep
*Ekrem * gibi gördükçe ser-i zülfün olurlar
Gerden-zen-i zencîr-i gam âvârelerin hep