Âteşîn la'l-i lebi tebhâleden rencîdedir

Âteşîn la'l-i lebi tebhâleden rencîdedir
Gonçe-i bâg-ı tecellâ jâleden rencîdedir
Âteş-i cândır o meh nâzikligin gör kim yine
İn'ikâs-ı âteş-i seyyâleden rencîdedir
Dâd kılmaz şefkat etmez âşık-ı mecrûhuna
Hem yine te'sîr-i âh u nâleden rencîdedir
Cilve-gâh etmez harîm-i câh-ı pür-sûzum o mâh
Şöyle nâziktir ki cismi hâleden rencîdedir
*Ekrem * âh etme ser-i kûyunda ol gül-berg-i nâz
Tef ü tâb-ı şu'le-i cevvâleden rencîdedir