Bir mürg-ı felâket-zedeyim bâl ü perim yok

Bir mürg-ı felâket-zedeyim bâl ü perim yok
Me'lûf-ı gamım bâg-ı murâd içre yerim yok
Peykânı güzâr etti dile ben yine bî-hûş
Cân gitti adem mülküne hâlâ haberim yok
Dil bir teb-i sevdâ çeker âfet-zede-i dâg
Şekvâ-ger-i bâr olmaga lâyık nelerim yok
Ol bâg-ı tarâvet-eser-i fasl-ı bahârım
Ruhsârıña beñzer gül-i rengîn-terim yok
Bir şu'legeh-i âteş-i aşkım yine *Ekrem*
Bir kâhı tutuşturmaga kabil şererim yok