Book V

Prologue

Glade is the groūd, the tendir flurist grene
Birdes the bewis, and thir sche wis schene
The wery huntar, to fynd his happy pray
The falconere riche ryuir, vnto fleyne
The clerk reiosys, his bukis ouer to seyne
The luffar to behald, his lady gay
ȝoung folke thame schortis, with gam solace & play
Quhat mayst delitis, or lykis euery wycht
Thareto steris thare curage, day and nicht
Knichtis delitis, to assay sterand stedis
Wantoun galland, to trale in sumptuos wedis
Ladyis desyris, to behald and be sene
Quha wald be thrifty, curtuouris sais few credis
Sum plesanet takis, in romains, that he redis
And sum has lust, to that was neuer sene
How many hedis, als feil consetis bene
Twa appetitis vneith, concordis with vthir
This likis the perchance, and not thy brothir.
Plesance and ioye, rycht halesum and perfyte is
As the wyse man tharof, in prouerbe writis
Ane blich sprete, makis grene and flurist age
Myne auctor eik, in bukcollikis endyties
The ȝoung infant, first with lauchter delitis
To know his moder, quhen he is litil page
Quha lauchis not, quod he in thare barnage
Genyus the god delitis not, thare tabil
Nor Iuno thaym to kepe, in bed is abil.
The hie wisdome, and maist profound engyne
Of myne auctor virgil, Poiet deuyne
To comprehend, makis me almaist forway
So crafty wrocht his werkis, lyne be lyne
Tharon aucht na man, irk complene nor quhryne
For quhy he altaris, his stile sa mony way
Now drede, now stryfe, now luf, now wo, now play
Langeir in murnyng, now in melody
To satiffy, ilk wichtis fantesy.
Like as he had, if euery thyng ane feile
And the willis, of euery Wicht did feile
And tharto eik, so wyis•ie writis he
Twiching the proffit, of the commoun wele
His sawis bene ful, of sentence euery deile
Or moral doctrine, that men suld vicis fle
Bot gif he be not ioyus, now lat se
For quho so list sere, gladsum gamis lere
Ful mony mery abaitmentis, followis here.
Now herkynnys sportis, and mery plais
Ful gudely pastance, and mony sundry wayis
Endit be virgil, and here be me translate
Quhilk William Caxtoun, knew neuir al his dayis
For as I said to fore, that man for vayis
His febill prois, bene mank and mutulate
Bot my propyne, come fra the pres futehate
Vnforlatit not Iawyn, fra toun to toun
In fresche sapoure, new from the bery roun
Bachus of glaidnes, and funeral proserpyne
And goddis of triumphe, clepit victorie
Sall I ȝou call, as ȝour name war deuyne
Na nait sufficith of ȝou, ful smal memorie
I bid nowthir ȝour turmentis, na ȝour glorie
Bot he quhilk may, vs glaid perpetually
To bring vs til his blis, on him I cry
Sen erdly plesoure, endis oft with sorow we se
As in this buke, nane examplis we want
Lord our Pretectour, to al traistis in the
But quham na thyng, is worthy nor pussant
To vs thy grace, and als grete mercy grant
So for to wend, by temporal blythnes
That our eternale Ioy, be not the les.

Book V

In the mene tyme, quhill tho gan Eneas hald
Souirly his cours throw the gray fludis cald
His nauy with northwyndis scherand the seyis
Towart Cartage, he gan behald and seis
Be than the wallis lemand bricht and schire
Of the vnhappy Didois, funerall fyre
Qu ha had this grete fyre maid, and to quhat end
Thay meruellit for the causis, war vnkend
Bot by the sorowful taikynnyng not the les
The troianis in thare breistis, tuke ane ges
Quharfore it was, for well wist Eneas
In violate lufe, quhat strenth of dolour was
And knew also, quhat thingis mycht be contrufit
By women in fury rage, that straitly luffit
Bot fra the schippis, held the depe se
That now na mare sycht, of the land thay se
Sauf heuin aboue, and fludis all about
Ane wattry cloud, blak and dirk but dout
Gan ouer thare hedis, appere ful richt
And doun ane tempest, set als dirk as nycht
The streme wox vgsum, of the dy••sky
Palynurus the maister gaif ane cry
From the est castell heich, as thare he stude
Quharfore allace, sa mony cloudis ouerrude
Quod he belappit, has the heuynnys lo
Fader Neptune, quhat etlis thou to do
This being said, commandis he euery fere
Do red thare takillis, and stand hard by thare gere
And wichtlie als, thare airis vp thay haile
Him self infangis, the leschete of the •aile.
And eftir said, maist curageous Enee
Al thocht our helpare grete, Ioue wald hecht it me
I traist not with this wedder, to wyn Itale
The wynd is contrare brayand in ouer bak sale
Hard in our berde vpblawand wounder sare
And al with bubbis, vmbeset is the are
Nor we may not striue, nor inforce sa fast
Agane the storme, bot stouter is the blast
And sen that fortoun, maisteris vs therfore
Lat vs follow theron, and ryn before
Quhiddir that the wynd callis vs set sale
Not fer hens as that, I beleif sans fale
The freyndlie brotherly, coistes of Eritis
And souir portis of C. cil bene I wys
Gif I remember, the meithis of sternes wel
Tho quod reuthful Eneas, sa haue I sele
I saw lang syne, the wyndis ettil that way
And the in vane, agane thaym striue, pe• fay
Tyte turne ȝour salis, and set thidder ȝour went
Thare is na land mare, likand to myne entent
Nor quhare me list, so weil and profitabil
Our wery folkis, to resting and estabill
Than in that cuntre, quharin dois remane
Ful dere to me acestes, of blude troiane
And in his boundis, derrest attoure the laif
My faderis banis, enbracis laid in graif
This beand said, towart the port thay steuyn
The followand wind blew, strek thare saile furth euin
Fast ouer the wallis, slidis the nauy
And in schorte quhile, arriuit ar blythly
At the coistis, and strandis weil bekend
Bot on the hie top, of ane hil ascend
Acestes gan behald, and had grete wounder
And to the coist als feirs, as ony thunder
Tomeit his frendis schippis, did he spede
Ane bere skin of affrik, aboue his wede
Ful gryme of luke, with dartis kene and rude
His moder troiane, of Crynosus the flude
Consauit hym, and bare as it is sayd
Not forȝettin his auld kin, blyith and glaid
Of thare returne was hye, and merely
Tham welcummand, ressauit by and by
Gaif thaym of rurale, meit with glaide semlance
And cherisit thaym, with frendly puruiance

The nixt morow als sone, as the brycht day
The son vprisand chasit, the sternes away
Eneas gan, fra euery coist about
His folkis all assembyll, in ane rout
Syne spak thir wourdis, on ane knollis hicht
O ȝe my troyane pepill, stout and wycht
Discend from wourthy Dardanus, the kyng
And of the hie goddis, riall of spryng
The son has run his hale cours circulare
His monethis tuelf, and the tyme anniuersare
Sen that the reliquis, and bones in fere
Of my diuyne fader, we erdit here
And eik the dolorus, altaris consecrate
Les than I be dissauit, wele I wat
This is the day, that euermare sall I
Meyne and regret, and all tyme reuerently
In wourschip kepe, and with grete honour hald
For so it plesit ȝou goddis, and so ȝe wald
ȝa thocht I war wilsum, and banyst this day
Amang the sey sand, of getubay
Or ȝit with storme, ouerset in the greik se
Or in the ciete of myce, happinnit to be
Netheles suld I seruice, anniuersare
And exequies with solempnit pompe and fare
Deulie performe, and with myne awin handis
Adorne the altare, with thare iust offerandis
Now as I wene, or we parsauit the chance
Not but the mychtis, of goddis and puruiance
Vnto the assis, and the bones dere
Of my said fader bene, we caryit here
Enteritin the frendly portis, and arryue
Tharfore haue done, and lat vs all beliue
Performe thys honour, blythly as efferis
Aske prosper wyndis, and beseik euery ȝeris
That my fader wald, eftir this ressaue
This sacrifice quhil•, I beginnyng haue
Wythin our ciete, that we mon beild god wate
In thay tempillis vnto him dedicate
Acestes cummine of troy, for his wourschip
Twa oxin sal ȝou gif for euery schip
Our penates and troiane goddis for thy
Bring furth hidder, vnto the maniory
Do feche me eik, thay goddis to his coist
Quhilkis wourschippit, ar by acestes our hoist
And furthirmore, gif that the nynte day
Rise fare and clere, with his bricht morow gay
And gan his bemes, ouer the erth sprede
First sall I ordand f••my troianis in dede
Quha has the swiftest, schippis of our nauy
With al thare force, to stryffe for the maiestry
And eik quha best, on fute can ryn lat se
To preif his pith, or wersill, and bete the gre
Or dartis cast, or best can schute arrowis licht
Or like ane duchty compioun, in to fyacht
With bustuous bastoun, darren stryffe or mais
Lat euery man addres him, to this place
And make him reddy agan, the samyn day
For till optene, and bere the price away
Anherd herto ilk man, richt fauorably
And do ȝour hedis, with fresche be wis array
And sayand this, he gan his templis tuay
Couir with myrthus, that is his moderis tre
The samyn wise, did grete Helenus perde
Richt so him self, king acestus the auld
Rycht so the child, ascaneus so bald
Quhom followis al the laif, in like manere
The Prince Enee, from the counsel in fere
With mony thousandis, walking hym about
Went to the tumbe, amyd the thekest rout
Quhare first eftir thare pagen ryte and gyse
Twa flakkouns, ful of wyne in sacrifice
Apoun the erd he ȝet, and vther tu ane
Ful of new mylkit mylk, and syne agane
Tua full of hate blude, was of the offerandis
And purpour floures, strowis with his handis
Syne said hale haly fader, hale agane
ȝe assis cauld, ressauit all in vane
Vmquhile contenit, my faderis saul and goist
Alace was it not lefull thou vnloist
The boundis of Italie, with the and fatale landis
For to haue socht, and eik vnto the strandis
Of tiber in ausonia, quhare euer it be
Arriuit sound, in fallouschip with the
Skars sayd hethus, quhen of the holl graue law
Ane great eddir slidand, can furth thraw
In seuen loupis linkit, and times seuin
Circulit the tumbe, about sueitly and euin
And glidand syne amang, the altaris anone
Of flekkit sprutillis, all hir bak schone
As goldin mailȝeis, hir skalis glitterand brycht
Like to the rane bow, amangis cloudis licht
Draw and alwayis, forgane the son clere
Ane thousand collouris, of diuers hewis sere
Eneas of the sycht abasit, sum deile
Bot sche, at the last, with lang fard fare and wele
Crepis amang the veschell, and coupis all
The drink and eik, the offerandis grete and small
Suokis and likis, syne ful the altaris lest
And but mare harme, in the graif enterit est
Quharfor Enee, begouth agane renew
His faderis hie saul, queinth for he not knew
Quhidder this was genius, the god of that stede
Or the seruand, of the faderis dede
Fyue twinteris, britnyt he as was the gyis
And als mony swine, and tydy qwyis
Wyth hydis blak, and in to cowpis syne
In grete plente, ȝet furth the hallowit wyne
Rowpand the saul, of grete anchises gone
And his goist fled, from the flude Achero•e
His feris eik euery man in thare degre
Of sic thyng as chay mycht get plente
Blythlie thare offerandis, addres to inbring
Chargis the altaris, and bryinys stirkis ȝing
Sum vthir perordour, caldron••s gan vpset
And skatterit endlangis, the grene the colis het
Vnder the spetis, swakkis the roste in threte
The raw spaldis ordanit, for the mulde mete.

Cummyng be this, was the defyrit day
The nynte morow, vpspringis fresche and gay
And Pheton can his faderis chare furth drife
The fame of this triumphe, can sprede belife
That for wourschip of antestes thare kyng
All folkis enuiroun, did to the coistis thring
Gladly occupiand al the strandis about
Sum to behald, Eneas court and rout
And sum also to strife, for the maistry
At the begynnyng, the wageouris, by and by
And the rewardis, in myddil of the feild
Before thare ene, war set that all beheild
The gilt tristis, and the grene tre
The Laurere crounis, for the price and gre
With palmes schene, in takin of victorye
Fare armouris of triumphe, and mych glorye
The robbis fyne of Purpoure richely dicht
Sere talentis eik, of gold and siluer bricht
Thare wyth the trumpet blew, as bene the gyse
Apoun ane hicht, declaris and notifyis
The gamniys, to be exercit that day
With airis quhare the bargan gan assay
Foure galayis, first chosin of al the flote
The swift pistris, with spedy routh fute hote
Furth steris the sterne, Minestheus anane
Quhilk efter become ane Lord Italiane
Of quhais of spring, and genologye
The pepill ar discend clepit menny
The bustuous barge, yclepit Thymera
Gias wyth fellounfard, furth brocht alsua
Sa huge of birth, ane ciete semyt sche
Quham ane grete nowmer of ȝing troiane menȝe
In thrynfald ordoure, causis furth to glyde
The airis rollis, thre rawis on athir syde
The thrid schip yclepit centaurus
Furth haldis, with patroun sergestus
Quham fra the famil, come hate sergia
The souir se schip, tho namyt Stilla
Cloanthus gydis, eftir quham ȝit syne
In Rome the people, bene callit Claentyne
Wele fer from thens, standis ane roche in the se
Forgane the fomy schore, and coistis hie
Quhilk sum tyme, with the boldimād wallis quhite
Is by the Iawpe, of fludis couerit quyte
Quhen the south est wynd, in the winter tyde
Gan wyth his stormy cloudis, the sternys hide
As in the calme, or loune weddir is sene
Aboue the fludis hie, ane fare Plame grene
Ane stādyng place, quhar skartis with thare bekkis
Forgane the son gladly, thaym prunȝeis & bekis
In this place stikkit hiech, the prince Enee
Ane mark or wattir of ane grene aik tre
In terme and takin, vnto the marinaris
Quharfor to turne agane, as thaym efferis
And set about thare lang cours thay mycht knaw
By cuttis and perordour, al on raw
Thare place, thay chesit at the coistis bay
The patrouns, in the est castell fresche and gay
Stude al in gold, and purpour schynand bricht
The remanent of the rowaris, euery wicht
In popill tre branchis, dycht at poynt
With spaldis nakit, schene of oile anoint
Apoun thare setes, and coistis al atanys
Thare placis hint, arrayit for the nanys
Wyth armes reddy atoure, thare airis fald
Abidis liftand, the takin to behald
Thare hartis on flocht, smytin with shame sum dele
Bot glaid and ioly, in hope for to do wele
Rasis in thare breistis, desyre of the renowne
Syne but delay, at the first trumpis soune
From thare marchis, attanis furth thay sprent
Vpsprangithe clamour, and the rerd furth went
Hie in the skyis, of mony marinare
The fomy stoure of seyis, rays thare and here
Throw fers bak drauchtis, of fere gardis square
Thay seuth the fludis, that seuthand quhar thay fare
In sunder slidis, ouer weltit eik with airis
Fra thare forestammes, the bullir brayis a rarias
Neuir sa forcely, in feild nor in barrere
The double ȝokkit cartis, in fere of were
Or for triumphe, furth of thare stabillis can rusche
Nor neuer so thyck, with mony lasche and dusche
The cartaris smate thare hors fast in tene
With renȝeis slakit, and sweate droppand bedene
For throw the gild and rerd, of men sa ȝeild
And egirnes of thare fryndis thaym beheld
Schoutand row fast, al the woddis resoundis
Endlang the coistis the vocis and the soundis
Rollis inclusit, quhil the meikle hillis
Bemes agane, hit with the brute so schil is
Amyd the preis, thus as the rerd vpwent
Before the laif Gias schip furth sprent
Ouer slidand wallis, croppis beselie
Quhom Cloantus, folowis nixt on hye
Mare sle in routh, thoch sum dele slaw was sche
For that hir hal was, of sa heuy tre
And eftir thaym elike, furth in euin space
Pistres and centaure, straif for the first place
And now has pistres the fordel, and syne in hye
The big centaure, hir werris, and slippis by
Now glaid thay bayth, togidder furth in front
Southand salt fame, with thare lang kelis blont

With this thai gā toward the meith approche
And war almoist cumin vnto the roche
Quhē that the patroun, gias amid the flude
Wenyng him self, victor, thare as he stude
Callis on his sterisman, hecht menate by name
quhiddir gois thou so on slereburde, fy for schame
Frawart me thou haldis set thy cours innermore
Seik hard on burd endland, fast by the schore
And suffir that the palmes of our airis
Hirssil on the crag almaist ilk routh and waris
Lat the vtheris hald furth, the deip sey large
quod Gias bot Menethes, for his barge
Of the hid rokkis, blynd sum dele efferit
Towart the depe fludis, hir steuin thay sterit
quhare dyismale, wil thou now can gyas cry
Hald to the crag agane, menet fast by
And therwith lo Cloanthus, he did behald
Hard at his tale, that gan the nere way hald
For rycht betuir the Rolk, and the gyas schyp
On bawburd fast, the inner way he lete slip
And wan before the formest schip in hy
Now is he past the wattir, and rollis by
The roche, and haldis souirly throw the se
Bot than god wate, quhat pane in hert can dre
The ȝounge Gyas him thocht, at brint his banys
The wattir brist from baith his ene attanis
Forȝet was wourschip, and his honeste thare
Forȝet was of hys falouschip, the wele fare
The antient treuth, of meneyt forȝettis he
And swakkit ouer schipburd, in the se
Him self as skippare, hynt the stere on hand
Him self as maister, gan marynaris command
And threw the rudder, to the coistis syde
Be than the auld meneyt, ouer schipburd slyde
Heuy and all hys weide, sowpit with seyis
Skars from the wattir ground, vpboltit he is
Syne swymmand held, vnto the craggis hicht
Sat on the dry rolk, and him self gan dycht
The troianis lauchis fast seand him fall
And him behaldand, swym, thay keklit all
Bot maist thay making gam, and grete riot
To se him spout salt-wattir, of his throt
He first gude hope arrais to the tua last
That is to knaw, mynestheus and sergest
Gyas schip thare by, to ouer cum wenyug
That taryis sum dele for lak of gude stering
Tho sergest, gan the first place occupy
With schip approcheand, towart the roche in hy
And netheles hale, before wan sche nocht
Bot thrang hir foreschip, formest as sche mocht
So that pistris, hir weriour al the way
Hir forrestam, by hir myd schip haldis ay
Than rowmyng to and fra, his schip ouer al
Mynyscheus gan his feris, exhort and cal
Now now ȝe valiȝeand feris, of wourthy hector
Haile stoutlie vp ȝour airis think on ȝour glor
Think how the lattir, rewyne of troy ȝou I
Haue walit and brocht, with me in cumpany
Now schaw that strenth, now schaw that hie curage
Quhilk on the schaldis, of affrik in stormes rage
ȝe dyd exerce, and the ilk force I wys
ȝeschew betuix scilla, and caribdis
Quhare that Ionium, clepit is the se
And als forgaue, the stif stremes of male
As to the first place, now bid I not to craif••
Althoche I be mynescheus, wont to haue it
Nor I bid not to striffe, and wyne the gre
Howbeit wald god, it war ane glore to se
Do lat thaym bruke, the mastry and the price
Quham to Nemptune, list grant at his deuyse
Bot grete lak, war for to returne al thare last
Dere frendis defend ȝou, fra that cankert cast
And do ouerset, sa schameful hard myschance
With al thare force, than at the vterance
Thay pingil airis, vp to bend and hale
With sa strang rouchis apoun athir wale
The mychty caruel, schudderit at euery straike
Doun swakand fludis, vndir, hir brade bilge of aike
So clappis the breith, in breistis with mony pant
Quhil in thare dry throttis, the end wourth skant
And swete doun triglis, in stremes ouer al quhare
Betid ane chance, that ilk tyme fell tham fare
And grantit thaym, that honour thay desirit
For as sergest with fers mynd, al infyrit
Turnit his steuin towart the rolk ouer nere
Vntyl ane wikkit place, his schip did stere
Quhil on the blynd craggis, myscheu••slye
Fast stikkis scho, choppand hard quhy••is in hye
And on the scharp skellyis, to hir wanhap
Smate with sic fard, the airis in flendris lap
Hyr forschyp hang, and sum dele schorit throw out
The marinaris stert to giddir, with ane schout
Cryand bide how, and with lang bolmes of tre
Pykit with irn, and scharp roddis he, and he
Inforsis oft, to schowin the schip to saif
And brokin airis gadderit, on the streme thay haue
Now quha was blith, bot ministheus full ȝore
Quhilk for his chance, mare egirly than before
Wyth swift fard of airis, and wynd at wyll
The reddy way, held ouer the fludis schill
And frakkis fast, throw out the opin see
Als swyft as the dow, affrayit dois fle
Furth of hir holl, and richt derne wynyng wane
Quhare hir sueit nest, is holkit in the stane
So feirsly in the feildis, furth scho spryngis
Quhill of hyr fard, the hous rigging ringis
And sone eftir, scherand the lownyt are
Doun from the hicht discendis, soft and fare
Not bissy wyngit, bot playand eselye
So slaid mynystheus, throw the sey in hy
Sa followis pistris, was langeyr al thare last
Wyth felloun fard, furth swepand also fast
And first sergest, behynd sone left was he
Wreland on skellyis, and vndeippis of these
With brokin airis, lerand to haist agane
And cryand help, bot that was al in vane
Syne gyas schyp, the felloun chimera
Persewis he fast, quhilk gaif him place alsua
For sche was spulȝett, of hyr sterisman
Thare restis na ma bot, Cloanthus than
Quham finalie to persew he addrest
And pingillis hir, vnto the vttermest
The noyis and brute, tho doublis loud on •ycht
For on the coistis syde, fast euery wyght
Spurris the persewaris, to role besely
Set on him now, haue at him thare thay cry
That huge clamour, fordynnyt all the are
The formest thocht, thare awin wourschip sa fare
And had disoane, bot thay thare honour saif
To bruke it, quhilk so hard wynning thay haif
Or thay thar lawde suld lois, or vassillage
Thay had fer lewar, haif, lest thare life in wage
The sauorabyll fortoun, and thare happy chance
So gan the breistis, of the vtheris awance
Thame thocht, thay mocht haif wyn with labour licht
Becauis it semyt to thame, that so thay micht
And parauentnre, with equale steuynnys atanis
The price thay suld, haue baith taucht for the nanys
War not Cloanthus, in the fludis cald
Wyth deuote prayers, bayth his handis gan hald
And on the goddis quhais fludis I ryne throw
Beyng in danger, and perril to help now
Vnder ȝour empyre, reuling the large se
I sall glaidlie, on this coist syde quod he
Ane quhite bull offir, in ȝour sacryfice
So I my wou, may bruke and wyn the pryce
The entrellis eik, fer in the fludis brake
In ȝour reuerence, I sall slyng and swake
And ȝet tharin, the scieit liquoure of wyne
And he his wordis, warren broucht to fyne
Law fra the boddum, of the seyis depe
His prayeris war accept, tharto tuke kepe
The nymphes all, cleped nereides
And thay that followis, phortus al the preis
The maid also, quhilk panop•a hate
The fader of heuinnis porcunus, al the gate
With his byg hand, schot the schip furth hir went
That swyfter than the south wynd, on scho sprent
Or as an fleand arrow, to land glade
And in the depe porte, enterit but a bade

Anchises son Eeneas, than full wyse
Callis tham afor him al, as was the gise
And wyth ane herald loude, voce gan declare
Cloanthus victor was, and on his hare
Gart set ane crowin, was of the laurere grene
And bad vnto thare schippis, bere bedene
Thre ȝoung Oxin, vnto euery barge
Presentis of wyne, and of syluer ane charge
Bot principaly to the capitanis, he gayf
Honorabyl rewardis, as tham efferit to hayf
To the victor ane mantil, brusit with gold
Wyth purpour seluage, writhing mony fold
And all byrunning, and loupit lustelie
As rynnis the flude, meander in thessale
Quharon was weyff, in subtell goldin thredis
Kyng troyus son, the fare gamynedis
Vnder the thyk wod, bewis of Ida
The swyft hartis, chasand to and fra
And with his dartis, baldly tham can bete
He semyt porturit, pantand for the hete
Quhaw with ane suris, swistly Iouis squyare
Claucht in hyr clewis, and bare vp in the are
The eldare huntaris, and his keparis than
Clappand thare luffis, and thar handis, ilk man
Sare awounderit, gan the sternes I behald
For houndis squest, it semyt the lift ryffewald
Vnto him syne Eneas, geuin has
That his vertw wan the secnud place
Ane habi rgeoun, of birnist mailȝeis bricht
Wyth gold ouergilt, clowit thrinfald ful rich•
Quhilk he sum time, with his strang handis tua
Tiruit and rent, of bald demolea
Quhan vnder troyis, wallis vincust he
Quhare symois rinnis, swiftlie in the see
This wirschipfull gift to mynestheus he gaif
That was his beild in armes, him to saif
Sa pasand was this cote, that scharsly mycht
Phegeus and Sagaris, tua seruandis wicht
Bere on thare nek, chargit many fold
Bot tharwith cled demoled ryn fast wold
Chasand the troianis, skatterit fer on brede
The thrid gift sine Eneas, gaif in deid
Tua grete caldronus, of bras forgit hote
Tua siluer coppis, schapin like ane bote
Punsit full weill, and with figuris engraif
And thus thar giftis, gottin all thay haif
Apoun sic wyse, full proude of thare reward
Ilk ane of thaime furth pransand like a lard
Arrayit wele the templis of thare hede
With purpour garlandis, of the rosis rede
Quhā from the scharp rolk s•airslie with grete slicht
Sergestus gan vpwreile, his schip euil dicht
Of brokin airis, febilly with ane raw
Mokkit and schent scho, cummis hame full slaw
Like as oft happinnis, the eddir amed the way
Lurcand or glidand, in the hote someris day
Quham the heuy schod cart, quheil dois ouertak
Pressand hir doun, and riffand hir reuch bak
Or with smert dynt, or stane cast, half dede nere
Or cut in tua leuis, the trauellere
Sche preisand, fle all for nocht beselye
Lang wrynkis makis, oft with hir body
The to part feirs and fell, with birnand ene
Strekand hir nek, with hissis loude in tene
The tothyr part lamed clynschis, and makis hir byde
In loupis thrawin, and lynkis of hir hyde
With siclyke routh, this schip slawlie furth went
Syne maid sale at the last, and therwith bent
Enteris in the hauin, and Sergest Eneas
Rewardis wele, as that his promys was
For glaid he was, the schip, was sayf vnloist
And brocht his ferris, haleskarth to the coist
To him ane seruand woman, hait Pholoa
Was gif, and soukand hir, hir twynnys tua
Of trete as to hir kynrent, borne was sche
And in craft of weuing, wonder sle

Gentill Enee, this sport endit and done
Ontill ane fare plane, grene, passit sone
Quhilk was muiround, all with hillis hie
Schaddowit with woddis, rank and mony ane tre
Amyd the wail, in manere of cirkyll round
Ane plaing place, was markit on the ground
Sic, as that clepit bene ane theatry
Togidder he thare, with mony thousand can hy
And euin amydwart, in his trone grete
For him arrayit, takin has his sete
Quhare with rewardis sere, he did prouoke
The grene curage, and myndis of ȝoung foke
Sic as likit, swiftlie on fute to ryn
Cum bere the price away, and wage oure wyn
Ane vthir half, than gaddris he about
Of troianis samyn, and sicilianis ane rout
And first come Nisus, and the fresche Eurilly
Eur••lius in grene ȝouth, and l••f sylly
Maist eligant of persoun, for quhays frendschip
And tendirnes, come Nisus in fallowschip
Quhom followis nixt, nobyl diores the gude
Cummyng of the stok of nobyl, Priamus blude
And eftir him, thare followis sone anone
Twa vthiris samyn, Salyus and Patrone
Of quham the tane, borne of Epiria
And the tothir was, of Archadia
Cummyn of the blude, of Tigia that ciete
Tua vthir ȝoung men, syne of Cicille
Helinus, and Panopes, bayth feris
Vnto the kyng Acestus, auld of ȝeris
Hantit to ryn in woddis, and in schawis
Sere vthir come eik, quhais name vnknaw is
For that thay war of law, state and degre
Amyddis of thame, al thus said Enee
Tak tent frendis, remember quhat I say
Mark this in mindis, glaidly and bere away
Neuir ane of al this, fallouschip (quod he)
Schal vnrewardit, hyne depart fra me
I sall ȝou geiffin, ilk man as efferis
With bricht hedis, wrocht in crete, tua scharp speris
Ane siluerit ax also, to bere in hand
For ȝou all equale, sall be sic presand
The thre formest, sall bere the price and gre
Thare hedis crounit, with grene olyue tre
Quha cummis fyrst, and vyctour ouer the laif
Ane hors with precious, harnessyng sall haif
The secund ane arrow case, of amasoun
Full of arrowis of trace, sall haue anon
Richt swiftly on thare rasis, can thay tak
The stand thay leif, and flaw furth with ane crak
As wyndis blast, ettland to the renkis end
Before thame al furth, boltis with ane bend
Nisus ane fer way, stert mare spedely
Than thud of weddir, or thundir in the sky
Nixt vnto him bot not, nere be fer way
Follawis salius, and ane space eftir tham tuay
Eurialus was the third, quham sine in fere
Followit Helinus, quham to followit euer nere
Diores quhidderand, at his bak fute hate
His tayis choppand, on his hele all the gate
Writhād with his schulder, to haue thrung him by
And had he anis won, mare roume tho in hy
He suld ful sone haif, skippit furth before
And lef in dout, quha come fast to the skore
Be this thay wan, nere to the renkis end
Irkit sum dele, before the mark wele kend
Quhen that Nisus, fallis vnhappely
A poun the glouit blude, quhar as fast by
The stirkis, for the sacrifyce per case
War newly brytnit, quhareof all the place
And the grene gres, bedewit was and wet
As this ȝoungkere, hereon tred and fute set
Ioly and blyith, wening him vyctour round
He slaid and slummerit, on the sliddry ground
And fell at erd, grufelingis amid the fen
Or beistis blude of sacrifyce, ȝit then
Forȝettis he not Eurialus, luf perfay
Bot kest him euin, ouerthortoure salius way
Grufling as he micht, apoun the s•iddry grene
Maid him licht windflaucht on the ground vnclene
Furth sprent Eurialus, formest and by supple
Of his freynd Nisus, the first place wan he
With rerde and fauorabyl halsingis, furth he sprang
As oft befallis sic times, commouns amang
Helinus nixt vnto the stand, is cumming
The thrid place, now and gre, Dior has wounnyn•
Th• salius f•llis, al the court about
With loude ramyngis, and with many ane schout
And gan the presence, of the nobillis pray
Restore his honour by dissate, stollin away
Th• fauour defendis, Euryalus of his feris
And of his bristing, e•ethe semely teris
S••ed for disdane, he suld sa lois his price
The vertue mare gracius, at all dewyse
Was haldin that come, of sa semely persoun
That helpit meikle, and Diores euir anon
Chides for him fast, for als mekle as he
The thryd place, had wonnyng and the gre
Bot all for not, may the last price bel•••
Gif that to Salyus, the fyrst reward beis geif
Than the reuchful Eneas, spak and said
ȝour interpryce, childring beis blitht and glaid
Remanis souir, to ȝon for out of were
As fyrst was set the pryce, sall no man stere
It moist be to me lefull, reuch to haue
Of my freyndis, myschance his lak o• saue
Quhilk on his awin defalt, tynt not the gre
And sayand thus, to salyus gayf he
Ane bustuous, Lyoun skin of gitulye
With goldin clewis, lokkerit and wechty
Ha than quod Nisus, gif sic reward salbe
Geuin vnto thame that fallis, and tynis the gre
Gyf the lest rew on syc, quhat gift condigne
Will thou gif Nisus, ran swyft in ane ling
And wourthy was, the fyrst croun to haue caucht
War not the samyn, mysfortoun me ouer raucht
Quhilk salyus betid, and with that wourd
His face he schew, besmottrit for ane bourde
And all his membris, in mude and dung bedoy•
That leuch that riall prince, on him to goif
And bad do fethe, ane riche scheild wrocht quently
Sum tyme by ane, Didymane maist crafly
And by the grekis also, doun was ding
Of neptunus tempill post, quhare at did hing
This wourthy ȝoung man, with that gift souerane
Rewardis he, af sic gere as mycht gane.

Efter thir rasis done, and giftis geue
Now cummis here sais Enee, quha list preue
To streik thare armes furth, and heys on hicht
For mais or burdoun, arrayit wele at rycht
Quha has thereto, reddy bald sprete lat se
For athir partie, the price ordaint has he
For the victour, and all his hede
Of goldin schakeris, and ros garlandis rede
Buskit full well to him, vincustalsua
Ane riche helme, and ane fyne swerd baytht tua
Set for his solace, than but delay darhes
With bustuous fors, schew his face in the preis
As he vpstert anone grete rumoure rais
Amang the commouns sayand, lo quhare he gais
Allane was wount agane paris debait
ȝone sam is he, quhat the tumb fute hate
Quhare berut, was Hectour of maist renowne
The campioun Butes ouercome, and bet doune
All flat him speldit, on the dun sand
And in the dede thrawis, quhilk butes to vnderstand
Fra bebrity come, of stature huge and rude
And him auancit of king Amytus blude
This ilk Darhes berand, his hede on hie
Reddy for batall schew furth, that all mycht se
His schulderis brade, and swakkis here and thare
His armes straucht, and with grete flappis in the are
Ane vthir matche to him, was socht and sperit
Bot thare was nane, of all the rout that sterit
Na durst presume, mete that man on the land
With mate or burdoun, to debate hand for hand
Ioly and glaid therof, baith all and sum
In to bargane wenyng, for to ouercum
Before Eneas feite stude, but delay
The bull he grippis, be the hornys tua
With his left hand, and said apoun this wyse
Son of the goddes, gif na man will ryse
Ne dar him self, auenture in bataill
Quhy stand I thus, how langefferis me duell
Command me leid away, the price all fre
The Troians with him sammyn, he and he
Murmerit and bemyt, on the Ilke wyse
R•ik to the man the price, promyst all cryise
Tho gan the graue Acest, with wordes chide
Eutellus sat on the grene sonk, him besyde
Eutell quod he vmquhile, the fortiest
Of campiouns clepit, and the wourthiest
In vane that name, thou beris I dare say
Gif thou sa thoilmude, sufferis lede away
Sa grete ane price, but derene of batell
Quhare is he now, grete Orix as they tel
Our ged renownit and maister all for nocht
Quhare now that fame, ouer all Cecill on flocht
Quhillum diuulgate is becum, and gane
Quhare ben the spulȝe, triumphale mony ane
Within thy hous hingis on euery post
The tothir answerd, nouthir for drede nor boist
The luf of wourschip, nor honoure went away is
Bot certanly the dasit blude, now on days
waxis dolf and dull, throw myne vnwildy age
The cald body has mynyst my curage
Bot war I now, as vmquhile it has bene
ȝing as ȝone wantoun woistare so strang thay wene
ȝe had I now, sic ȝoutheid traistis me
But ony price, I suld all reddy be
Na lusty bul, me til Induce suld lede
For nouthir I suld haue crauit, wage nor mede
Quhen this was said, he was but mare abade
Tua kempis burdonus brocht, and before thayme laid
With al thare harnes, and braseris by and by
Of wecht ful huge, and scharpe vnmesurably
Quharewith vmquhile, the sterne Eri• was wount
To fecht in bargane, and gif mony dount
In that hard bellan, his brawais to enbrace
Al wox astonyst, behald thaym in that place
So huge wecht, and so huge quantite
Thay w•r that weill, thair semyt for to be
Of corbulze cor•yn, seuin grete oxin hydis
Stif as ane burd, that stud on athir sydis
Stuffit and coutchit, full of Irne and lede
Aboue all vtheris, darheis in that stede
Tham to behald, abasit wox gretumly
Tharwith to mel, refusing aluterlie
Bot full of magnanymyte, Eneas
Pasis thare wecht, als lichtlie as an fas
Thare hidduous brasaris swakkand to and fro
Sic wourdis gan the auld, rehersing tho
Quhat wald he haif said, that perchance had he
Hercules burdoun, and wappins here quod he
And on this Ilk coist, the sorowfull bargane
Thir sammyn wappynnys, Erix thy br•thir germane
Was wount to bere, behald thame smottin quite
Of his rede blude, and harnys theron out smyte
With thir agane, grete hercules stude he
With thir I was wount, to mache in the melle
Quhil my fresche blude, mare force and strenth me lent
Or that vnfrendlye eild, has thus by sprent
My hede and halffettis, baith with canus hare
Bot gif that troiane darhes, refusis thare
With thir our cuntre wappinnis, in feld to pas
And eik it likis, the curtes Eneas
So that alcest, my souerane that appreue
Be not efferd, darhes, na thing the grewe
E•x ma•s, to the on syde dyd lay
And now thy troiane, burdoun also do I
With equale wappynnys, lat vs go to sone
And with that word, of his shulderis has done
His doubill habit, and his lymys square
Baith big bones, and brawnis made al bare
Syne stiflie in the sand, vpstandis he
Of hidduous stature, and of quantite.

The prince Anchises son, Eneas than
Tua euinly burdouns, walis, as commoun man
And equale armour, but diuersite
On schulderis, and thar gardyis buklit hie
And athir gan contrare, vthir stith stand
With fingeris fast, fakand thare mace in hand
Syne hie aboue thare hedis, in the are
Vnabasitlie rasit, thare armies square
And from the strake, thare nek drew far abak
Now hand to hand, the dynt lichtis with ane swak
Now bendis he vp, his burdoun with ane mynt
On syde he bradis, for to eschew the dynt
He ettlis ȝounder, his awantage to tak
He metis him thare, and charris him with ane chak
He watis to spy, and strikis in his micht
The tothir keppis him, on his burdoun wicht
Thay foyn at vther, and eggis to bergane
Lichter on fute, and agyll was the tane
And in his lusty ȝouth, sum dele ensuris
The tother of limmis, bygger & corps mare stureis
Bot his feint schankis, gan for eild schaik
H•s goistly coist, and membris euery straik
The feble breich, gan to bet and blaw
Thir hardy kempis, all in waist let draw
Athir to vthir, mony rutis grete
Qn hale •ydis, feill double dintes gan bete
And on thare breistis, lichtis with huge sound
Oft in the are, about thare hedis round
Thare handis wauerit, and thare handis went mys
Hard haffettis clappit, oft vnder the dynt I wis
Eutellus standis stiff, and graue of cors
Not mouing from his first stand, in a fors
And with his body onlie, and walkrife
The strakis on fer, enchewis and keppis he
Bot darhes walkis about, rycht craftelie
Of his first purpois frustrate, to espye
Sum avantage, with diuers assaltis algate
Him vmbeset, and sare him handland hate
Lyke as be the grete enginis, quha sa wald
Ane strang ciete assaile, or stalwart hald
To wyn that strench, or ȝit by crastis sle
To mynd the castell, on the rochis hie
Lurkand in harnes, wachis round about
Now is to cum, now by that way gan lout
Quhare best he may cum, to his purpois sone
Twisand wele the place, maist oportune
Eutellus raxis him, and hewis on hicht
Ays richt hand, for to smyte in all his micht
The tothir seand, he dint cum gan prouyde
To eschew swiftlie, and sone lap on side
That al his force, entellus can apply
Into the are so, that his graue body
Al him allane, with huge wecht and sare
Ruschit flatlingis, to the ground with ane rare
So as quhilom, the mekil tosche fir tre
On Erymanthus, the mont of archade
Or in the wod of Ida, with ane sound
Vp by the rutis rent, ruschis to the ground
The ȝounkeris tho, of troy and Sicilly
Gan stertin al, on fut deliuerly
The clamoure rais, quhil al the heuin did ring
And fyrst to hym, than Acestes the kyng
And for compassioun, has vphynt in feild
His freynd Eutellus, vnto him euin heild
Bot nowthit astonist, nor abasit hereon
Mare egirly, the vailȝeant campion
Agane to bargane, went als hate as fyre
His strenthis now, in•rescis al of Ire
For schame also, and for that wele he knew
His auld prowes, his force doublit and grewe
And ardently with furie, and mekle boist
Gan darhes catche, and driue ouer al the coist
Now with the richthand, now with the left hand he
Doublis dyntis, and but abade did •le
That nowthir rest, nor quiet may he tak
Als fast as rane schoure, •appis on the thak
So thik with strakis, this campioun maister strang
With athir hand, fele syis at darhes dang
And draif him to and fra, with mony rout
The prince Eneas, than seand this dout
No langar suffir wald, sic wraith procede
Nor feirs Eutellus Mude, thus rage and sprede
Bot of the bargane, maid end but delay
And wery darhes, has wyth drawin away
With wourdis him to mesing, thus he said
Vnsilly wicht how did thy mind inuaid
Sa grete wodnes, felis thou not ȝit (quod he)
Othir strench or mannis force, has delt with the
Seis thou not wele, thy selfe that thou art fey
Tharfor to god thou ȝeild, the and obey
The powir of goddis, ar turnyt in thy contrare
Obey to god and, at that wourd but mare
The bargane he dissoluit, and than derhes
His trew companȝoun, ledis of the preis
Harland his wery limmes, dolf as lede
For sorow schakand, to and fra his hede
And scheddis of blude, furth spittand throw his lippis
Wyth bludy gammis, led him to thare schyppis
The helme, and eik the swerd with thame has tane
And thay commanddit war, and left all ane
The bull vnto Eutellus, sa was defynd
He victour than, and aboue in his mynd
Proude and reiosit, of this bull gan say
Son of the goddis and troyanis, I ȝou pray
Behald and knaw, by this takin and sing
Quhat strench was in my cors, quhen I was ȝing
Se fra quhat dede, darhes is sauit vnslane
Quod he, and standand the bullis face forgane
Quhilk of thare dereyne, was the price and gre
His sterne burdoun, behynd his bak on hie
With his richt hand, taisand the mesur sa
It smate him euin, betuix the hornes tua
Persit the harne pan, draif out the brane in •y
Doun duschit the beist dede, on the land can ly
Spreuland, and flychterand, in the dede […] rawis
And he aboue, him furth warpis sic sawis
For darhes dede, Erix lo thus quod he
Ane fer mare ganand saule, I offer the
And victour eik, my traist and wappinnis sare
Vprendis here for now, and euermare

A None Eneas, induce gan to play
With arrowis for to schute, quhay wald assay
The price therfor ordanis, and syne but let
With force of mennis handis, vp hes set
Amyd the grene sergestus, schippis mast
Apoun the top therof, gart fessyn fast
Ane fleand dow, in tyl ane cord quhare at
Than suld thare arrowis, schute the men with that
Conuenit to giddir, and in ane helme of steile
Thare cauillis, haue they cassin fare and wele
And first of all with frendly noyis, and sound
Hipocaon the first place, his has found
That was kinrent, cumin fra hircatus
Quham nixt eftir, followis mynestheus
Victor afore amang, the schip bargane
The grene Oliue, about his forhede schane
The thrid cauill, betid Euritius
Thy broder, O maist douchty Pandarus
Quhilk vmquhile, for to brek the trewis command
On the grekis fyrst set, with spere in hand
And of the helmes, boddum all thare last
The antiant kyng Acestes, cauil furth past
Quhilk for Eneas, saik durst anys assay
Wyth his awin hand, ȝoung mennis sport and play
Than euery man accordyng, thare strenth ful mete
Ther big bowis, can bend and at thare fete
Did schaik anone thare arrowis of thare case
ȝoung hippotaon, quhilk had the fyrst place
Ane quhidderand arrow lete spang fra the string
Towart the heuin fast, throw the are dide thryng
The mastis top it hit, and therin stak
Quhill all the tre trymblit, with the schaik
The foule affrayit, flichterit on hir wingis
Of grete rumoure, thar all the feildis ringis
Nixt scharp mynestheus wer, and awysee
Vnto the heid, has halit vp on hie
Baith arrow and ene, etland at the merk
Bot it was reuth, the foul, for all his werk
Ne mycht he twiche, and netheles ȝit quite
The bandis and lyames, in twa did he smyte
Quhare with be baycht the feit, thare fast was sche
Attaichit at the mastis top, on hie
Sche in the are, and dirk skies flaw onone
With arrow reddy nokkit, than Euritione
Plukikit vp in hy his bow, and maid ane wow
Vnto his brothir pandare, with that the dow
Hie in the lift full glaide, he gan behald
And with hir wingis sorand, mony fald
His arrow he threw, vnder the cloudis blak
And persit hir quite, out throw the bak
Hir life scho loist, hie vp in the are
Doun fallis dede, and has brocht with hir thare
The arrow brochit, out throw hir body
Acestes now, allane stude reddy
To schu•e, quhen that the price was tynt and woun
And netheles, to schute he was begun
And threw ane arrow, in the are on hycht
Sche wand his craft, and his big bowis micht
That lousit of the takill, with ane spang
And sone betid, and in thar sichtis sprang
Ane felloun grislie monstoure, and wondring
As wele was knaw, syne at the ending
The ferefull spaymen, therof pronosticate
Schrewit chancis to betide, and bad estate
For quhy the schaift, fleand in the moist are
Brint in ane bleis, and in the randoun all quhare
With low and flammis, gan do notify
And all consumed, vanist in the skye
As dois oft sterne schot, fallin fra the heuin
Drawand thereftir, ane tale of fyry leuin
Astonist in ther mindis, abasit stude
The folk of Cecill, and all the troiane blude
And netheles, maist dochty Eneas
Refusit not, the takin bot gan enbrace
Acestes glaidlie, and riche giftis him gaif
Syne said him thus, tak fader myne ressaif
Sic fauorabill aspectis, beneuolent
As the grete king of heuin, has to the sent
That list with vncouch signes, honour the
Thou sall haue here, this reward and degre
Ane coup of gold, engraue with figuris sere
Ane present vmquile, of my fader dere
Anciant anchises, quham Syssius of trace king
In remembrance, him gaif an luf taikynnyng
And saynd thus, his templis all but were
He gan inuolne, and belt with grene laurere
And syne has causit, all the vtheris before
Proclame Acestes, and declare victore
Nor gentill Euritioun, his glory inwyis nocht
How beit that he onelie, the foul doun brocht
And in the skyes smat hir dede, ȝit than
The secund place he tuke, as curtas man
Nixt eftir quham, the wageoure has ressaue
He that the lesche, and lyame in sounder draue
And last rewardit was, he that his flicht
In to the mast top, fessinnyt on hycht

Eneas syne the dereny, not al done
Epitides to him, has callit sone
Maister and gyder, of ascaneus ȝoung
Quhais secrete haris warren ȝit vnsproung
And in his traisty ere, thus preualy
He rownis say and pas, thy way in hy
Se gif ascaneus, has now reddy dycht
His fallouschip of childer, and hors licht
Arrayit for the renkis, and the play
Bid him bring hidder, his rowtis to turnay
And do his gra•tser honour, and renowne
In his harues schaw him self, reddy boun
Said Eneas, and tharwith gaif command
About the court, the pepill on roume to stand
That al the feild within, fuld be patent
Than sone the childer within arrait fare and gent
Enterit in the camp, al sammin schynand bricht
On stedes pransand, in thare faders sycht
And quhare thay went, al the galandis of Troy
And Citil wounderis, with grete brute• and Ioy
Thare haris al war towkit, vpoun thare croun
That bayth with how and helme, was thristit doun
Twa iawelling speres, with blunt hedes sum bare
Doun on thare schulderis, ane case with dartis fare
The bruce of gold or, •hene, loupit in ringis
About thare hals, doun to the breist hingis
Thay war in nowmer, cumpanyis thre
O• hors ridand, and for ilk menȝe
Ane captane walkis, reuland all his rout
Twis sex childer followis, ilkane about
In thare persementis, arrayit in armour bricht
The chiftanis warren, equale of ane hicht
Ane ward thare was of children quhom full ioyus
Berand his grantscher name ȝoung priamus
Led and reulit, quhilk thy genology
Opalites plantyt, in Italy
Apoun ane hors of trace, dappill gray
Herand, quhais formest feit bayth tuay
War mylk quhyte, and his crest on hicht bare be
With bawsand face, ryngit the forthir E
The secund Atis, on ane cur•oure bay
Fra him the latyne lynnage, to this day
Actii bene nemmyt, and this litil atis
With child ascaneus, wel belouit is
Lusty Iulus, in bewtie did al excede
Come last montit on ane sydone stede
Of cullour quhyte, quham Dido the fair lady
In hir remembrance, gaif him in luf drowry
The remanent of the fallouschip, euery one
Sicil hors gan, swiftlie ran apoun
That from the auld acestes, purchese were
With reuele blythnes, and ane manere fere
Troyanis resauis thaim, and rycht gladlie
This visage gan behald, and did espy
The prent of faderis facis, in childer ȝing
Eftir thay had al circulit, in ane ring
On hors hale the place, and feild about
Ioyusly behaldyug, al the rout
All reddy hufand, thare cursouris for to tak
Epotides on fer ane sing can mak
Smate with ane clape, and criis togidder
Than ran thay samyn, in paris with ane quhidder
The routis thre brak, ilkane chesit his fere
And quhen thay by war runnyng, thare hors they stere
And turnis agane, incontinent at commandis
To preif thare hors, with Iauillingis in thare handis
Syne went abak in sounder, ane fer space
Ilkane at vther, rynnyng with an race
Syndry coursis, and returnyng made thay
Fast atheris sort, gan vtheris rout cunray
And gan exerce, by semblance vnder scheild
The similitude of batall, or ane feild
Sum tyme the bak thay turne, as thay wald fle
Sum tyme at vthir threw dartis, he and he
And sone eftir assembil wald, with ane crak
Thare handis schaik, and pece togiddir mak
Sa as thay say, vmquhile the hous in Crete
Hate lauborynthus, with mony went and strete
Had wrinklit wallis, ane thousand slich••s wrocht
For to dissaue, all vncouth therin •rocht
To wauer and er, thare vnreturnably
The subtel throw• angis, follow and sa quentlie
Nane vthir wayis, in coursis mony ane
Quhilkis thare trace, the ȝing childer troiane
Thay louk togiddir, and conterfetis ane chace
In manere of bargane, makand mony ane race
And sere derenȝeis, in thare sport and play
Als swift as Dalphyne fysche, swymmand away
In the wak sey of Egip, or lyby
Peirsand the wallis, that playis Iolely
Thir manere of reukis, and iupperiyis of batall
Ascaneus hantit and broucht first in Itale
Quhen he with wallis closit lang albay
And taucht the auld Latinis to hant sic play
The samyn gise, as he ane child now wrocht
And vthir troiane childer, with him brocht
The albannis taucht, thar childer the samyn way
And mychty rome, sine eftir mony ane day
Sic vse ressauit has, and gan vphald
In wourschip, of thare antecessours auld
Aud new children hanting, sic gam and Ioye
Bene troiane routis, namyti and were of troy.

Thus Hiddirtillis warren, dereynes fere
Exercit in wourschip, of his fader dere
And in this tyme, gan fortoun first remoue
Fra thaym agane, hir fickyl fayth and loue
For as troianis dyd hallow on this wyse
Be diuers gammes, as was tho the gyse
Solempnitlie, the seruice anniuersare
Besyde Anchises graue, furth of the are
And heuynnys he, Saturnus get Iuno
That can of wraith, and malice neuer ho
Nor satyfyit of hir auld furie, nor wroik
Rolling in mynd, full mony Cankirrit block
Has send adoun, vnto the troiane nauy
Iris, and that sche suld go spedely
The prosper wynd, gan eftir hir enspire
The virgine sprent, on swiftlie as ane vire
And throw the cloudis, hir trace quhar sche went
Schape like ane bow, of diuers heuis ment
Sone slade doun, vnsene of ony wye
Grete confluence of pepil, did espye
Sche walkis about, the coistis of the see
Hauinnis and flote, left desolate fand sche
And al the troiane wemen, did sche ken
Sittand on the schore, secrete fer fra men
The grete lois of Anchises, regreting sare
And al togidir, gan to wepe and rare
Behald and the deip seyis, sorowfully
And with ane voce, say and alhalely
Allace behald, sa mony stremes gray
And of thir salt, fludis sa brade ane way
Remanis ȝit, for to ouer slyde and sale
By vs wemen irk it of lang trauell
Thay all besocht god, send thame sone ilkane
Ane ciete or ane toun, for to remane
And tedius thocht, the seyis laubour to bare
Iris herefor espyis hir tyme, best thare
As sche that was, in mischeif maist expert
Amyddis of thame, all in gan sche stert
Hir godly figure, and hir weid laid by
And became agit heroes, in hy
In manere of schape of similitude, and face
That was doroclus spous, borne of trace
Quhilk vmquhile was, of hie genelogy
Of grete renowne, and childer had mony
And on sicwyse, among the matrouns troiane
Transformit enteries, sche, and in is gane
O wofull wretchit wemen, all quod sche
Quhilk to the deth, vnder the wallis hie
Of our natiue ciete, and kynd landis
War not in battell harlit, be grekis handis
O pepill vnhappy, to quhat mischeuus •nd
Fortoun reseruis ȝon, of this warld to wend
Lo sen the fall of troy, and dolorus were
Byrunning is, the seuint somer and ȝere
Sen that so mony seyes, and alkin landis
Sa huge wylsum rolkis, and schald sandis
And stormes grete ouerdreuin, and sufferyt haue we
Lo thus saland, out throw the mekle se
Quhare that we chace Italie, that fleis ay
And we ly wrappit, on the wallis gray
Here bene the bredirly boundis, of Erix stou•
Our frend Acestes, is our Oist but dout
Quha will vs warne, to bend vp wallis hie
And to our cietezanis, set here ane ciete
O natiue landis, and kind goddis al in vane
Reft from our fais sall neuir nane agane
Troiane wallis bene namyt, nor vpbeild
Sal I neuer se allace, in al my eild
Hectoriane fludis, exanth and symois
Haue done tharfore, and now with me I wys
Thir fey vnhappy schippis, all bedene
Lat vs go birn, for in my sleip ȝistrene
The figur, of Cassandra prophetes
Gaif me birnand fyre, brandis, and said expres
Here suld we rest, had vs seik troy na forther
Here was our duellyng place, for euermare
Now is the tyme ganand, our werk to spede
To tary ma fatail singis quhat suld nede
Lo ȝounder bene four altoris, birnand schire
Neptune the god, thir hate brandis of fyre
Distributis to vs, and also hardyment
And say and thus, to performe hir entent
The perrellus fyre, first hint sche forsably
With flambis schinand, on fer thay mycht espy
Hir richt hand rasit, the blesis in to cast
Of troiane wemen, the myndis worth agast
And al thar hartis, sum dele stupifak
Quhen ane the eldest, amang thaym al spak
Clepit Purgo, the quhilk had bene feil syis
To mony of King Priamus childer, nurys
O matrouns, ȝone was neuer beroyes quod sche
Borne ane troiane, and doriclus spous trast me
Consider of hir bewtie, signes diuine
Behald so bricht, as baith hir e•e doith schyne
Quhat sucit sauour, and smel from hir springis
Quhatkin visage, has sche, how think ȝe ringis
Hyr vocis soun, or quhat pais, gois sche now
My self left beroyes, as I come hiddir richt now
Lyand sekand at hame, ane ful anoyit wicht
That sche anone, suld want, this royall sycht
And as sche wald micht not, make sacrifyce
In anchise honour, and funerale seruice
Thus said pirgo, bot than the matrouns all
Stude fyrst in dout, quhat thing th•y do sall
And with euyl will, euin the schippis behaldis
On houir, betuix wretchit desyre thame haldis
For to abide, within that present land
And of the fatis, on the tothir hand
That vnto vthir realmes, dois tham call
Quhen to the goddis, in forme celestiall
Wyth equale wyngis, fleis vp to the heuin
And in hir went, schup vnder the cloudis euin
The fygure of ane ranebow, huge grete
Than principaly begouth, thare hartis bete
Of sy• wordis astonist, thay all in hy
Cachit with wordis, begouth rame and cry
And from the hallowit Ingill reft the fyre
Part spulȝeis altaris, of thare flambis schyre
And byrnand branchis, faggottis and fyrebrandis
In to the schyppis swak, thay wyth thare handis
The flambis vpkendlyng blesis, brade at large
Throw hetchis ouer loft ar, and payntit targe

Vntyll anchises, grayf and theatry
First brocht Ewmalus word / quhar the nauy
Was all infyrit, thay luke and gan behald
The fyre sparkis, fleand vp thykfald
In an blak sope of reik, and first ascaneus
As he on hors, playit with his feris ioyus
Als swyft and feirsly, spurris his stede fute hate
And but delay, socht to the trublit flote
His maister half dede, for affray and drede
Mycht not wythhald hym, thidder gan he spede
And cryit allace, O wrechit cytezanis
Quhat now wodnes be this, that ȝou ouer tane is
How now, how thou, quhat menis ȝe to do
ȝour Imymis flote, nor grekis schippis lo
ȝe birn not, but all hope of ȝour wele fare
Se this is I ȝour awin Ascaneus, are
Vnto my fader, and with that word his helme
Before thare fete, al wod doun, did he quhelm
Quhare within the derenis, cled was he
And counterfete, the manere of ane melle
Eneas than, and al the routis troyanis
Fast as thay mycht sped, thaym thidder attanis
Bot than the women al, for drede and affray
Fled here and thare, endlang the coist away
Socht to woddis and cauis, in euery rolk
Eschamed with thare dede, knew thar awin folk
Thare myndis chang it, fled the lycht, for dispyte
Al Iunois rage, smyte from thare breistis quite
Bot not for this, the flams and birnand bleis
Did stanche thare fors, vndantyt ne appeis
The tuffing kindillis, betuix the plankis wak
Quharfra ouer thrawis, the pikky smok coil blak
The hate fyre consumes, fast the how
Ouer al the schip, discendis the perrellus low
Thare was na strench, of vailȝeant men to wale
Nor large fludis, on ȝet that mycht auale
Reuthfull Enee, than of his schulders tway
The cloith has rent, and the goddis can pray
Vp bayth his handis heuand, in the sky
Almychty Ioue (quod he aluterly
Gif thou has not, al troianis at hatrent
Or gif thy reuthful clemence, takis tent
As thou was wount, to mennis trauell and pyne
Now haly fader, thi maieste inclyne
Erant that our nauy, thys fyre may escape
And from distructioun, delyuer and out scrape
The sobir trumpis, and meyne graith of troyanis
Or gyf I haue deseruit, with the remanis
Smyte all togidder dede, with fereful thunder
Lat thy richt hand here schaik vs, al in sounder
Skars was this said, quhen that ane blak tempest
Brayis but delay, and all the lift ouer kest•
Ane huge weit gan doun poure, and tumbill
Hillis and valis trimblit, of thu•di• rumbyll
The drumly schour, ȝet furth ouer all the are
Als blak as pyk, in bubis here and thare
Fillis the schippis, quhill thay flete ouer the walis
Wraingis half brint, bedyit in wattir salis
that all the force of fyre, was slokinnit out
And from the perrell saif, and out of dout
Was al the nauy out take, four schippis loist
And quhil he rowmes, vp and doun the coist
The fadir Eneas, smite with his smart case
Now here now thare, gan huge thing is compase
Rollyng in mind, quhidder he suld or may
Remane in Cecill, or thens pas away
Or gif he suld seik, ȝit to Italie
Like as he had forȝet, his destanye
Thus as he, musis stud in sikkin dout
Ane of the eldest heris, stude about
Clepit Na utes, quham the goddis mynerue
Ouer all the laif, instruk kit him to serue
And rendrit had ful scharp, and ripe of wit
Sic ansuere gaif, and plane declaris It
Quhat pretendis this felloun, goddis greif
And eike according thare fatis, quhat was releif
And confortand Eneas, thus gan say
Son of the goddes, lat vs follow that way
Bakwart or fordwart quhiddir our fatis driue
Quhat euir betid this is na bute to striue
Al chance of fortoun, Tholand ouer cummin is
Here is thy tendir frende, troiane I wys
Wourthy Acestes, of diuyne lynnage
Call him to the, in counsale wyse and sage
And weil willing, to thy purpoise to apply
Leif with him, al may not in thy nauy
Be tursit now, for lak of schippis loist
All sic has bene, ennoyit and irk almoist
Of thy grete purpois, the dedis and efferis
And thay that bene agit, past det of weris
Or al matrouns, wery of the sey
Wale out al thaym, bene waik and vnweildy
Or ȝit efferit bene, in ilk effray
Sic cummerit wichtis suffir I the say
To haif ane hald, and dueil here and in this land
The ciete sal be as was first cummand
Acesta clepit, eftir accstes Kyng
With sic wourdis, and prudent sermonyng
On hys wyse, agit freynd, than Eneas
On al sidis gan ythandly cumpas
Quhat was ado, and as the dirk nicht
Rollit his cart owrthwort the polis bricht
Eftir that al was went, to rest and pece
The ymage of his father anchises
Gan from the heuyn appere, and but abade
Vnto Eneas hiegh, thir wourdis said
O thou my child, derer so mat I thriue
Quhill that I leuit than myne a win liue
O son in troiane, fatis exercit sarely
Hidder at the command of Ioue cumin am I
Quhilk from thy nauy, stanchit the fyre quod he
And from hie heuin at last hecht reuch on the
Follow the counsale, is maist ganand and heynd
That agit nawtes gaif the, thy trew freynd
And chois ȝoung men of hert maist curagious
Turs in Itale, with the I tel the thus
Ane doure pepil, and of condicioun fell
The nedis in lacium, ouer cum in batel
Bot first of pluto, the infernale se
And deip regioun of hell, behufis the se
To cum and speke with me, myne awin son dere
Be not agast my son, and haue na fere
For I am not withhald, I lat the wit
In tartaurus, the sorouful hellis pit
Nor drery pottis deip of saulis pale
Bot in the hailsum rowtis, furth of bale
I duel amid the plane of Elisee
The chaist virgine sibil wil conuay the
The richt way thidder, quhilk that thou sal tak
By blude offerit, of mony beistis blak
Thare sal thou lerne al thy genology
And quhat ciete, is to the destane
Adew as now, •a langer duell I may
The donk nicht, is almaist rollit away
And the feirs orient wil, that I with draw
I feile the ending, of •is horssis blaw
Thus has he said, and with that word but mare
Vanis away, as reik into the ar
And when Eneas saw him past, he said
Quhidder bradis thou, sa fast without abaid
Quhat is the let, I may not the embrace
Quhidder haistis thou sa, quhy ••eis thou me allace
Thus sayand the assis, and couerit fyre •et he
The troiaue Ingill, and the cannois weste
Within his secrete closet, made reuerence
With hallowit floure, deuotlie and intence
Syne sone assemblit his feris al in preis
B•ot first of al the ancient acestes
The wil and plesure of Ioue schew thaym clere
And eik the charge, brocht by his fader dere
He tald thaym planly, his mind and desire
Thay tary not at counsel for this sire
Acestes was all reddy at command
Than al the folk, quhilk list byde in that land
For this new ciete, titil thay and writis
The matronus first, and sic as not delitis
Nor has in cure desire, of his hie renowne
Thay deput, and thay ordand for this toun
Thare hetchis, and thare ouerloftis syne thay bete
Plankis and geistis grete squere and mete
Into thare schippis Ioynand with mony ane dint
In stede of thaym, war with the flambis brint
Thare cabillis now, and thare hede towis reparis
And gan to forge, newlie waydgis and aris
In nowmer war thay but ane few menȝe
Bot thay war quyk, and valȝeant in melle
In the meyn tyme Eneas, with ane pleuth
The ciete crculit, and markit be ane seuth
Be cauillis sine, the tenementis did depart
Here ordanis Ilioun, and in the ȝounder art
Of troy commandis beild vthir memorialis
Of this new ciete, and thare freyndly wallis
Glaid wox the troyane ace••es, and but mare
Did mak proclame, thare merkettis and thare fare
And al the hedis men gadderis and set doun
Stabillis thare lawis, and statutis for that toun
Syne on the top of Erix, the montane
Ful nere the lyft thay found of merbil stone
Ane tempil to ventis of Idalia
And about anchises, sepulture alsa
Ane hallowit schaw, on brede as sanctuare
Plantit thay haif, and stabillit prentis thare

Be this as al the pepil euery hyne
The feist continewit, fully dayis nyne
And on the altaris as was tho the gyse
Thare offerandis endit, and hie sacrifyce
The stabill aire has calmyt wele, the se
And south pipand windis, fare on hie
Challantis to pas on burd, and tak the depe
Bot quhen thay maist depert, lord how thay wepe
Quhat huge waling, rais al the co••tis bay
Brasand and halesand, thay duel al nicht and day
And now the moderis, and thay vnweldy men
Quham till vmqhuile, for til behald and ken
The seyis figure, was abhominabil
And eik the force therof intollerabill
Now wald thay wend, for all the seyis rage
Reddy to thole all trauel in vayage
Quham curtes Eneas, with wordis freyndlie
Comfortis, and sine, wepand ful tenderly
Betaucht vntill Acest his cousing dere
Thre velis tho, as was the auld manere
In wourschip of Erix, he bad doun quel
And ane blak ȝow, to god of tempestis fel
Syne chargit all thare cabillis vp beliue
His awin hede warpit, with ane snod oliue
Hie in ane schippis, fore castel did stand
Haldand ane coup of golde, in til hys hand
The beistis entrellis, in the sey can swak
And ȝet the clere wine, furth in fludis brak
From the est schip, vprais anane the wind
And followit fast the sey, fa•aris behynd
Eik al the flote smate fast with airis the flude
Kempand to went ouer wallis as thay war wod
In the meyne sessoun venus al on flocht
Amyd hir breist reuoluand mony ane thocht
Spak to Nemptune, with sic pietuous regrate
Neptune (quod sche) the fel ire and consate
Of quene Iuno, with mynd insaciabil
Constrenis me to condiscend thus stabil
In al manere of request, and prayeris
The quhilk Iuno nowthir lang dayis nor ȝeris
Nor nane diuyne sacrifice, may appeis
Sch• restis neuir, nor may sche leif at eis
Al beit the power and charge of Iupiter
Resistis sche wat, and fatis war hir contrare
Sche thinkis it not yneuch and sufficient
By wikkit malice, to doun bet and schent
And for euer put to distructioun
Maister of the pepill of Phrigia trois toun
And for to be wrokine be alkin panis
Apoun thare sary leuingis and remanis
Bot euer in ane ȝit stil persewit sche
The dede banis, and cauld assis to spulȝe
O sylly troy, quhilk is to rewyne brocht
Ane wounder how, sche may in til hir thocht
Of sa grete furoure, half the causis consaif
Thy self is witnes, how laitlie ouer the laif
Sa maisterful storme, amyd the libiane se
Sche rasit sone, quhil vp to heuynnys hie
The fludis cachit war, and sare opprest
Throw help of Eolus wyndis, and tempest
Sa grete wrang, in thy realme durst sche exerce
O this detestabil wikkitnes to rehers
Lohas sche not newlingis, sa schamfully
The troiane matrouns garrt byrnt thair nauy
Be hir wod rage, and ar for falt of schippis
In vncouch land, left from thare fallouschippis
In time cumin I the beseik (quod sche
Schaw thy michtis, that sayfly throw the see
It may be leful, thay thare salis set
Grant that thay may also, atteine but let
The flude tyber throw, laurent feildis slidis
Amit my asking, gif so the fatis gydis
Or gif that my desyre, may grantit be
Or ȝit we•d sisteris lift, gif thame that cuntre
Saturnus son Neptunus, tho I wis
That of the deip sey fludis, danter is
Ansuerd and said, Citheria the fare
It is resoun, and ganand euermare
Thou be assurit, to rest at thy liking
In my boundis, and out throw al my ring
Quharfra thou has, thy first oryginall
As thy kind ground, the cuntre naturall
In vthir placis als, furth of my land
I haue diss•ruit thankis, at thy hand
And oft times has, sa grete rage as thou knawis
Dantit ba•th of sey, and bustuous wind that blawis
To witnes draw I, of this that I say
Exanth and simois, troiane fludis tuay
That Ida les cure tuke, of thine Enee
To sauf him on the land, than on the see
For quhen the feirs Achil, parsewit sare
Chasand affrayis the troianis, here and thare
The grete routis, to the wallis thrimland
To fore his face halfe dede, for fere trimland
And monie thousandis, on the ground lai dede
The riuaris dittit, with dede corpsis lay rede
Vnder bodyis bullerand, for sic multitude
Of slauchter he maid, quhilk exanthus the flude
Mycht find no way to rin vnto the see
Than apoun case with achilles Enee
Machit in fecht nowthir of strencth nor micht
Equale be fer, nor ȝit sa wele at richt
Fauorit of the goddis as Achilles perfay
By ane dirk cloud I staw thy son away
How beit the ilk time my desire was set
Law from the ground, al troy for to doun bet
Thay manesworn wallis, biggit with my handis
As twichand Enee, how euer the chance standis
The samyn wyse ȝit, perseueris my mind
Haue thou na drede, I sal be ȝit als kind
Vnto thay hauinnis hie sal cum souirlie
As thou desiris and furthir him eik sal I
Vntil auerne clepit, the loch of hel
Ane sal alanerlie, be loist I the tel
Quham thou sal seke, amangis the fludis dede
For help of mony, thare sal be geuin ane hede
Eftir that with sic wourdis Neptunus
Had mesit the mude, of the god Venus
Tho can the fader, of the sey but mare
His hors ȝoik, to draw his cart or chare
With fomy bridil danting thay feirs beistis
Thare renȝeis and thetis, at thaym areistis
With his awin handis, lete do slip and slakis
And lichtlie ouer the fludis croppis frakis
His watry chare, furth fleand, with ane sound
Quhil al the wallis doukis to the ground
Vnder the brayand quhelis, and assiltre
The fludis strikes plane ouer al the see
The bubbis and windis cloudis here and thare
Gan fle anone furth of the large are
Than of his courte apperit, fyguris sere
The hidduous, quhailis and al the routis in fere
Of agit cloantus, wyth his canos hare
And palemon, Iunois son and aire
The swift •ritones with trump plaind thare spring
Phortus with al his fallouschip, and of spring
And on hys left hand, furth haldis thetys
With al the nymphes, hait nereydes
Sic as Melite, spio penopia
Cimodoce, nyse, and thalia.

Gladenes and comfort, than into sumparte
Begouth to kittil Eneas, thochtful hart
Heis hie the croce (he bad) al mak thaim boun
And fessyn bonettis beneth the mane sale doun
Than all samyn, wyth handys foit and kneis
Did heis thare sale, and trossit doun thare teis
Now the le scheyt, and now the luf thay slayk
Set in ane fang, and threw the ra abake
Bayth to and fra, al dyd thare nokkys wry
Prosper blastys furth, caryis the nauy
Before the laif, as ledsman and lard
And al hys salis, vp with felloun fard
Went palynure, and hale the remanent
Was chargyt hald, the samyn cours & went
Be than the donk nycht, had run almayst euyn
Hyrmyd cours, or methes in the heuyn
And euery marinere, but langar kepe
Thare bodyis restys, wyth the plesand sl•p•
Endlang the hecthys, liand here and thare is
Or in thare hard semys, lenand on ayrys
Quhen that the swyft god, of slepe gan slyd
Furth of the sternyt heuyn, by nychtis tyde
And dyd away the dyrknes of the are
Remouyng schaddoit skyis, mayd al fare
Vnto the palynurus, has he socht
And the all Innocent, sorowfull slepis brocht
Hie in the est schip, did this god appere
In figure of Forbanthus, ane marinere
And freyndlie gan warp, sic wourdis ou•
Iasyus son pallynure, luke about
The souir seis beris, sound our nauy
The wyndis blawis euin, and rycht makly
Thou may souirly tak, the ane howris rest
Lene doune thy hede, and slepe for it is best
Thy wery ene, thou priuely with draw
From langsum labour, and slepe ane litle thraw
And I my self, sall gladly in thy place
Bere thyne office, and stere ane litill space
To quham Palynure, skars liftand his ene
Answerd and said, quhat thing wald thou mene
Biddis thou me be sa nyce, I suld mysknaw
This calme salt water, or stabill fludis haw
Wilt thou I traist, this monstoure perrellus
Or quhat in wyndis, sa dissaitfull till vs
And this clere heuin sa eft has, trumpit me
Wald thou I lippynnyt, the maist nobill Enee
Sic wourdis he saide, grippand the helmestok fast
Lenand theron, and by no way nor cast
Wald part therfra, haldand his ene full euin
Ay to behald, the sternes of the heuin
Quhen lo this god smate, baycht the tempills twane
With ane full slepery, and bedyit grane
Wet in the myndles, flude of hell lithee
And sowpit in f•ix, the forcy hellis see
His glo•yt, and fordouerit ene tuo
He clos•t has, and sound, gart slepe also
Bot skars gan the first, rest of slepe
Or he was war, thus on his membris crepe
Quhen on him lened this god, and tho he kneild
And with ane swak, as that the schip gan heild
Ouer burd him kest, amyd the flowand see
Rycht altogiddir, with the helm•stock of tre
Than all for not apoun, his feris he cryis
This god flaw vp, and like ane bird in the skyis
And not the les, the schip held furth her went
As scho did are throw, the calme seyis sprent
But ony harme, and all the nauy sone
By the promys of the fader Neptune
Be this almaist thay, caryit war in fere
Vnto the rochis, and the skellyis wele nere
Of Syrene, that we mermadynnes clepe
Dangerus vmquhile, for ane mekill hepe
Of dede banys, lay tharof full quhite
So gan the salt iawpis, ythandlie smyte
The hell rol kis, and ane sound full hace
Quhen prince Enee, persauit by his race
How that the sichpdid, rok and tailȝeue
For lak of ane, gude sterisman on the see
Him self has than, •one hynt the ruder in hand
And throw the fludis, steris the schip to the land
Bewaland gretelye, in his mynde pensife
For that his freynd was fall, and loist his life
Allace ouer mekle thou, lippynnyt has (quod he)
In to the s•abillit heuin, and calmytse
Bare and vnerdit, in ane vncouth land
Paly•irus sall thou lie, on the sand