Book VII

Prologue

As bricht Phebus, schene souerane heuinnis C
The opposit held, of his chymes hie
Clere schynand bemes, and goldin sumeris hew
In lattoun cullour, altering all of new
Kything no signe, of heit be his vissage
So nere approchit, he his wynter stage
Reddy he was to enter, the third morne
In cluddy skyes vnder, capricorne
All thocht he be the lampe, and hert of heuin
For feblit wox, his lemand gilty leuin
Throw the declinyng, of his large round spere
The frosty regioun, reging of the ȝere
The tyme and sesoun, bitter cald and pale
Thay schort dayis, that clerkis clepe brinnale
Quhen brym blastis, of the northyn art
Ouer quhelmyt had, neptunus in his cart
And all to schaik, the leuys of the treis
The rageand stormes, ouer walterand wally seis
Reueris ran rede, on spate with wattir broun
And burnis hurlis, all thare bankis doun
And landbirst rumbland, rudelie with sic bere
Sa loud neuir rainyst, wyld lyoun nor bere
Fludis monstouris, sic as mereswynis and quhalis
For the tempest law, in the depe deualis
Mars occident retrograde, in his spere
Prouocand stryffe, regnit as lord thar ȝere
Rany orioun, with his stormy face
Bywauit oft the schipman by hys race
Frawart saturne, schil, of complexioun
Throw quhais aspect, derth and infectioun
Bene causit oft, and mortall pestilence
Went progressiue, the greis of his offence
And lusty heb Iunois, dochter gay
Stude spulȝete of hir office, and array
The sole ysowpit, in to wattir wak
The firmament ouercast, with rokis blak
The ground fadit, and fauch wox al the feildis
Mountane toppis, slekie with snaw ouer heildis
On raggit rolkis, of hard harsk quhyn stane
With frosyn frontis, cald clynty clewis schane
Bewty was loist, and baren schew the landis
With frostis hare ouerfret the feildis standis
Thik drumly skuggis, dirkinnit so the heuin
Dym skyis oft furthwrappit, fereful leuin
Flagis of fyre, and mony felloun flaw
Scharp soppis of sleit, and of the snyppand snaw
The dolly dikis war al donk, and wate
The law valis, flodderit all wyth spate
The plane stretis, and euery hie way
Full of fluschis, dubbis, myre and clay
Laggerit leys, wallowit fernis schew
Broun muris kithit, thare wissinnit mossy hew
Bank bray and boddum, blanschit wox and bare
For gurl weddir, growit beistis hare
The wind maid waif, the rede wede on the dik
Bedowin in donkis, depe war euery sike
Ouer craggis and the frontis, of the rochys sere
Hang grete yse schokkis, lang as ony spere
The grund stude barrane, widderit, dosk and gray
Herbis, flouris and gerssis, waylowit away
Woddis forestis, with naket bowis blout
Stude stripit of thare wede, in euery hout
Sa bustuouslie boreas, his bugill blew
The dere full derne doun, in the dalis dre•
Small birdis flokand, throw thik ronnys thrang
In chirmynge and with cheping, changeit thare sang
Sekand hidlis and hirnys, thame to hide
Fra ferefull thuddis, of the tempestuus tyde
The wattir lymnys routis, and euery lynd
Quhislit and brayit, of the southand wynd
Pure lauboraris, and bussy husband men
Went weet and wery, draglit in the fen
The cilly fchepe, and thar litill hird gromes
Lurkis vnder lo of bankis, woddis and bromes
And vtheris dantit, greter beistial
Within thare stabill sesit in thare stall
Sic as Mulis, Hors Oxm or Ky
Fed tuskit baris, and fat swyne in sty
Sustenit war be, mannis gouernance
On herbis and Someris puruiance
Widequhare with fors so Eolus schoutis schill
In this congelit sesoun, scharp and schill
The callour are penetratiue, and pure
Dasing the blude, in euery creature
Made seik warme stouis, and bene firis hote
In doubill garmont cled, and wylecote
With mychty drink, and metis confortiue
Aganis the sterne, wynter for to striue
Repatirrit wele, and by the chymnay bekit
At euin be tyme, doun in ane bed me strekit
Warpit thy hed, kest on claithis, thrynfald
For to expell, the perrellus, persand cald
I profit me syne, bownit, for to slepe
Quhare lemand throw the glas, I did tak kepe
Laconia, the lang irksum nycht
Hir subtell blenkis sched, and watry lycht
Full hie vp quhirlit, in hir regioun
Till phebus richt, in opposicioun
In to the crab, hir propir mansioun draw
Haldand the hicht, althocht the son went law
The horned byrd, quhilk we clepe the nichtoule
Within hir cauerne, hard I schout and ȝoule
Laithely of forme, with crukit cam scho beik
Vgsum to here was hir wyld, elrische skreik
The wyld geis eik claking, by nychtis tyde
Attour the cietie, fleand hard I glyde
On slummer I slade full sone, and slepyt sound
Quhill the horisont vpwart, can rebound
Phebus crounit bird, the nichtis orlagere
Clappin hir wingis thryis, had crawin clere
Approching nere, the greking of the day
Within my bed, I walkynnyt quhare I lay
Sa fast declynys, Synthya the mone
And kayis keklys, on the rufe abone
Palemeades birdis, crowpand in the sky
Fleand on randoun, schapin lyk ane I
And as ane trumpit rang, thare vocis soun
Quhais cryis bene, pronosticacioun
Of windy blastis, and ventositeis
Fast by my chalmer, on hie wisnit treis
The sary gled qwislis, with mony ane pew
Quharby the day was dawing, wele I knew
Bad bete the fyre, and the candyll alicht
Syne blissit me, and in my wedis dicht
Ane schot wyndo onschot, ane litel on char
Persauyt the mornyng, bla wen and har
Wyth cloudy gum, and rak ouerquhelmyt the are
The sulȝe stiche, hasard, routh and hare
Branchis brattlyng, and blaiknyt schew the brayis
With hirslis harsk of waggand, wyndil strayis
The dew droppis congelit, on stibbill and rynd
And scharp hailstanys, mortfundyit of kynd
Hoppand on the thak, and on the calsay by
The schote I closit, and drew inwart in hy
Cheuerand for cald, the sesoun was sa snell
Schupe with hait slambis, to fleme the frosin fell
And as I bounit me to the fire, me by
Baith vp and doun, the house I did espy
And se and virgill, on ane letteron stand
To wryte anone I hynt, my pen in hand
For till performe the poet, graif and sad
Quhen sa ferfurth, or than begun I had
And wox anoyit sum dele, into my hert
Thare restit vncompletit, sa grete ane part
And to my self I sayd, in gude effect
Thou mon draw furth the ȝoik, lyis on thy nek
Within my mynd compassing, thoche I so
Na thing is done quhil, ocht remanis, ado
For besynes quhilk, occurrit on case
Ouer voluit I this, volume lay ane space
And thocht I wery was, me list not tyre
Full laith to leif our, werk sa in the myre
Or ȝit to stynt for bittir, storme or rane
Here I assayit to ȝoik, ouer pleuch agane
And as I culd, with ane fald diligence
This nixt buke followand of profound science
Thus has begun, in the chill wynter cald
Quhen frostis dois ouer flete, baith firth and fald
The Proloug smellis, new cumin furth of hell
And as our buke begouch, his werefare tell
Go wele according deulie, bene annext
Thou drery preambil, with ane bludy text
Of sabill bene thine letteres, Illimynate
According to thy proces, and thy state.

Book VII

Caieta thou nuris of Enee
Thou has also that tyme quhen thou can de
Vntill our coist, or fronters of Itale
Geuen the brute and fame perpetuale
quhill this day, the ilk place and stede
Obseruis the renowne eftir thy dede
Thy tumbe and banis, markit with thy name
In grete hesperia, witnessing the same
Gif that be ony glore, now to the
The reuthfull than and deuote prince Enee
Performed dewly, thy funerall seruyce
Apoun the sepulture, as custome was and gyse
Ane hepe of erd, and litill moit gart vprayis
And with bent sale, syne furth his vayage tayis
Eftir that assuagit was the depe see
Thay leif the coist, and sped on thare iorney
The pypyng wynd blew, in thare tale at rycht
For the schene mone, hir cours and clere lycht
Has not denyit, so that the haw stremes
Couth schyne and glitter, vnder the twynkland glemes
The coist endlang, the Ile of Cirtea
Thay sweping fast, by hard on burd the bra
Quhar as the ryche sonnys, douchter Certe
Thay schawis quham to repare, nane aucht to be
With hir ythand sueit sang, and karoling
Causis alway for to resound, and ring
And in hir proude place of beddis, all the nycht
The wele smelland Cider, birnis bricht
With subtell •lais, and hir hedeles flee
Riche lenȝe wobbis naitly weiffit sche
From this land reddy, on fer myche thay here
The grete rageing of lyouns, and the bere
Quhilk thay did mak, refusing to be in band
In sylence, all the lait nycht rummisand
The birsit baris, and beris in thar flyis
Faring all wod furth, qubrynis and wyld cryis
And grete figuris, of wolfis eik infere
ȝouland and ȝammerand, griflie for to here
Quhilkis all this cruell, goddes hicht Cirte
Be enchantment and forcy, herbis sle
Had furth of mannis figure, and estate
In to wilde beistis scharpe, and forme translate
Quhilkis monstruus transmutations, for the nanys
Ne happin mycht, vnto deuote troianis
Gif thay arriuit, in thay partis nyse
Thay cursit coistis, of this enchante rise
That thay not suld do, enter ne thame fynd
Thare salis all with prosper, follow and wynd
Neptunus fillit, and made sale tham swiftlie
All dangeris and gra schaldis, caryit bye

Tho gan the sey, of bemes waxin rede
And heich aboue, doun from the heuenly stede
Within hir rosy cartis, clerelie schane
Aurora vestit, in to broun sanguane
Efter the wyndis, lowned war at wyll
And all the blastis pacifyit and styl
Out ouer the calme streme, of marbil gray
With airis palmis, swepe thay furth thare way
And suddanlie herifra, the stablit see
Ane large semely schaw, beheld Enee
Amyddys quham, the flude he gan espy
Of tyber flowand, soft and esely
With swirland welis, and mekill ȝallow sand
In to the sey, did enter fast at hand
The birdis sere, of mony diuers hewis
About the wattir aboue vp, in the cleuis
On bankis weilby knaw, and fludis bay
With werblis swet, and myrthfull sangis gay
Gan meis and glad the heuynnys, and the ace
And throw the schaw went, fleand ouer alquhare
To turne thare course, he gan his feris command
And steuin thare schippis, to the samin land
Ioyfull and blyith, thay entering in the flude
That Derne about skuggit, with bewis stude
Now now, my muse Erato I the pray
Do schaw me this, that I may scharplie say
Quhat kynd proces of time, was and quhat kingis
In ald Latium, and in quhat state all thingis
Quhen first this strange armye or fallouschip
In Italie gan arriue, euer Ilk schip
I sall declare all, and reduce futehate
From the beginninge, of the first debate
O thou sueit goddes, o thou holy wicht
Conuoy and teiche thy poet, to say richt
I sall the horribil battellis schaw and tel
The bluddy oistis, and the feildis feil
How throw thare curage, douchty kingis •ere
As dede corps becummyn war, and brocht on bere
The power hale, of all tuskany
And all the grete routis, of Italy
Assemblit in to armes on the land
Perordoure now, thare risis apoun hand
Fer largear materis, for to trete and write
Ane greter matter, begin we to endite
Thay boundis, with thare lusty ciete all
By lang proces of peace in state riall
The kinge latynus, held in gouernyng
Or than full agit was, this nobil king
Quham as we haue herd tald, full lang agone
By kyng fawnus, engenderit was apoun
The maid of Nymphe, of laurent marita
And this fawnus, fader was alsa
Picus the king, quhilk doith represent
Saturnus for his fader, and parent
Thou was the first, gan al thare bl•de begyn
Thou first foundment, and cheif stok of kyn
By disposicyon, of the goddis diuyne
Son nor man child, nane had kyng latyne
For als mekill, as his ȝoung son ane page
Deceissit was, within his tendir age
The kyngis palace, and all that rial hald
All hir allane, ane douchter did withhald
Now reddy for ane man, and come to age
In grene ȝeris, to complete mariage
Ful mony nobillis, into lacium
Askit hir to wife, throw Italy al and sum
T••us hir askit, cum myn of he parage
Aboue al vthir, maist gudly personage
And tharto, rich of freyndis and mychty
Of eldaris grete, and rial ancestry
Quham king latyne spous, quene Amita
With diligence, did procure day be day
That he adionyt war, thare son in law
Bot ferefull signes, gan the goddis schaw
And sundry terrours, gan therto ganestand
Amiddys of the place, clois did stand
With blythfulbewis, ane farer grene laurere
Haldin in drede and wourschip, mony ane ȝere
Quham this ilk prince, and fader latinus
Did consecrate and hallow, to Phebus
For that he fand it growand, in the feild
Quhare he his riall palice, first did beild
The induellaris of the ground, eftir this tre
Laurent es vnto name, clepit has he
Betyd ane wounder, takynning for to say
The grete flicht of beys, on ane day
Caryit ouer the se, hie throw the moyst are
With loud bemyng, gan alicht and repare
On the hie top, of this forsayd laurere
In till ane cloud full thik, togidder in •ere
Thare fete al samin knyt, efter there gyse
Ane swarme or any wist, how or quhat wyse
Hang from ane flurist branche, of this ilk tre
Incontinent, the speymen cryis we se
Ane strange man to cum in to thir partis
With ane grete rout, and fra the samyn artis
Quharfra, ȝone beis come, sall hidder seik
Quhilk for his bounte, and his theuis meik
Sal weild his palice, and hie senȝeorie
Aboue this ilk, betid ane mare ferlie
As king latynus, kindyllis on there gyse
Apoun the altaris, for the sacrifice
The clere chidis of the dry fyre brandis
Quhare that also, by hir fader standis
Lauinia the maid, his douchter fare
Ane selcouth thing to se in hir hare
It semyt the hate fyre kindillit bricht
And hir gay cleithing, all with lowis licht
Gan glete and sperkilland, birn vp in ane bleis
Hir ryal, tretsis inflambit euil at eis
Hir crownell picht, wich mony precius stane
Infirit all, of birnand, flawis schane
And eftir that semyt this gudlie wicht
To be inuoluit in ȝallou reky licht
And furth ouer all the place, the rufe on hie
The fyre blesis, thame semyt skatterit sche
Cirtis this was reput, with ȝoung and auld
Ane grislie thing, and wounderis to behald
For the diuynys declaris, by and by
Quhat is this ferefull takin, did signify
That is to knaw, that is ilk made suld be
Of fame excellent, and felicite
Bot to the pepill, pronos•icatioun clere
Of suddane batall, and mortall were
Bot than the king thochtfull, and all pensiue
Of sic monsteris, gan do seik beliue
His faden faunus oratoure, and ansuar
Quhilk couth the fatis for to cum, declare
And gan requiring, responsiouns alsua
In the schaw, vnder hie albunea
Quhilk is the cheif grete forest, as thay tell
And namyt from, ane haly routand well
Quhare from the erth, in derne wentis here and thare
Ane strang fleure, wentis vp in the are
Thidder •ail the pepill, of Italia
And all the land, eik of Onotria
Thare doutsum asking, turs is for ansuere
And thare peticiouns gettis, assoilȝet here
The kingis offerand, and riche sacrifice
The preist thidder gart bring, as was the gise
And vnder silence, of the dearke nycht
On schepit skynnys weil spred, and couchit richt
Quhilk slane war, in the sacrifice that day
He strekis him adoun, and theron lay
Dem and sweuynnys, and visiouns tyll appere
On maruellus wise thir fleand schaddois sere
And figuris nyce, dyd he se, and espy
And diuers vocis herd he, eik fast by
And gan the goddis carping, bruke and Iois
With speche of thay spretis, that bene yelois
In Acherone, the depest pyt of hell
And thame that fer doun, in auernus did duell
The king also that tyme, attour the laif
Here wald him self, his answere ask and craif
Ane hundreth wollit wedderis, weill ganand
In sacrifice he brittynys, for offerand
On qhuais soft flesis wele, and deulie spred
The kinge doun liggis, for that nychtis bed
And suddanly furth, of the schawis close
Sayand him thus thare, come ane haisty voce
O thou my child cummyn of my stok
Addres the neuir to knyt, in to wedlok
Thy dochter till ane man, of latine land
Lippin not to ȝone allianee, reddy at hand
To be thy mauch sall cum, ane alienare
That of his blude, sall gener sic ane are
Quhilk fal our name aboue, the sternes vp bring
Of quhais stok the neuois, and of spring
Vnder thare feit and lordschip, sal behald
Al landis sterit and reulit, as thay wald
Als fer as that, the son circuland we se
Behaldis baith the eist, and vester se.

The king thir ansueris, and of his fader faunus
And admoniciouns be nycht, geuin thus
Ne hidis not nor closis, in his mouth
So that the fame thareof, waxis ful couth
Ouer al the citieis, of Italy wide quhare
Quhen as the ȝounkeris of Troy, arriuit wa•
And at the schore, vnder the gresy bank
Thare Nauy can thay anker fast, and hank
Eneas and vtheris, Chistanis glorius
And the fresche lusty springald, Ascaneus
Vnder the branschis, of ane semelie tre
Gan lenyng doun, and rest thare bodyis fre
And to thare dinnare, did thame al addres
On grene herbis, and soukis of soft grees
The floure skonnys war set in, by and by
With vthir meissis, sic as was reddy
Syne brade trunscheouris, did thay fill and charge
With wilde scrabbis, and vthir frutis large
Betid, as was the will of Iupiter
For fault of fude constrenyt, so thay war
The vthir metis all consumyt, and done
The paringis of thare bred, to moup vp sone
And with thare handis breik, and chaftis gnaw
The citistis and the coffingis all, and raw
Ne spare thay not at last, for laik of mete
Thare fatale foure nukit trenuscheouris for til eite
Och quod Ascaneus, how is this befall
Behald we eit our tabillis vp, and all
He saide no more, bot this halfe dele in bourd
Thame thocht thay hard ane fatall, voce or word
Quhilk was as fatall end, of thare vayage
His fader first of all, with glade curage
The word reft from his mouth, as he that spak
And followis on the ansuere, stupefack
Alhale thou ground, and land quod he in hy
By the fatis, and to me destany
And ȝe our traist, penates said Enee
Alhale our natiue goddis, wele ȝe be
Here is our duellinge place, quhare we sall leynd
For to remane, here is our cuntre heynd
Certis new I remember my fader, anchises
Sic secrete takynnyis, of fatis on this wise
Schew and rehersit, sayand thus to me
Son Quhen in sic hunger, thou stad sal be
As thou art caryit, til ane strange coist
That all the meissis consumit ar, and loist
Thou art constrenyt, thy burdis gnaw and fret
Than thou all irkit, may than beleif to get
Ane sober dwellyng stede, perpetually
Remember in that place, or nere fast by
To found the first cietie, with thy hand
Dicht with fowseis, and wallys hie standand
This was that hunger, taryit vs sa lang
This sal makend, of our mischeuis strang
Quharfor to morow, airlie I ȝou pray
First as the son vprisis, we gladlie may
Serche and inquire, quhat place and landis this
Or quhat manere of pepil, tharin dwellis
And of this kyth, quhar standis the cheif cietie
Lat vs seke sundry wayis, fra the se
Now make we mery, away dolf hartis dull
Now skynk and offer, Iupyter cowpis full
And in ȝour prayeris, and orisonis in fere
Do call apoun anchises, my fader dere
Bryng wyne agane, and set therof plente
And sayand thus, with ane greue branche of tre
He did inuoluend array his hede
And genius the god, of that ilk stede
He did wourschyp, and gan to prayeris call
Erth the grete moder, and first god of all
The Nymphes and the fludis, ȝit vnknaw
The nycht syne, with hir signis al on raw
And Iupiter, Ideus of Ida
And Cybele the moder, in Phrigia
He gan alswa veseik, quhare that thay duell
Aythir of his parentis, baith in heuyn and hell
The fader than almichty, with clere lycht
Gan thunder thryis doun, from the heuynnys hycht
And schakand in his hand, quhare as he went
Ane byrnand cloud, schew from the firmament
With fyry sparkis, lyke to goldin beames
Or twynkland sprayngis, with thare gilty glemes
And tho belyue, devulgate round about is
The noyis and rumour, throw the Troiane routis
The day was cummyn, and the place quhare thay
Thare cietie promyst, suld beild and array
For ioy thay pingil, than for to renew
Thare bankettis with al obseruance dew
And for ther tithingis, in flakoun and in skull
Thay skynk the wyne, and wauchtis cowpys full.

The nixt morow, with his goldin lamp brycht
As the clere day did are, and erth alycht
Thay boundis coistis, and the cheif cietie
Diuers spyes send furth, to serche and se
And fand ane stank, that flowit from ane well
Quhilk Munitus was hait, and eik thay tell
This was the flude of tyber, thay had found
And strang latyne pepyl in habyte this ground
Thare wich Anchyses son, the wyse Enee
Perordoure chosin, of euery degre
Ane hundreth gay ambassiatouris, did wale
To pas vnto the kingis stede, riale
And bare the prince rewardis, for the nanis
And him beseik, for peace to the troyanis
With freche garlandis, and branchis al thay be
Arrayit with the olyue, of pallas tre
And but delay, as he thame chargit had
With swyft pais thay on thare, message glade
And he in to the menetyme, fast canspur
Bot with ane small seuth, or ane litill fur
To mark the foundament, of his new ciete
And first by the ilk coistis, sydes of the se
His first mansioun manere, as it had bene
Ane oist of tentis, stentit on the grene
With turettis foufy, and erd dikis ilk dele
He gan addres, to closen wounder wele
By these the ȝoung men, send forth in message
Sa fer has sped fordwart, thare vayage
That thay the touriz, and the turettis hie
Of king latyne, the cheif chymes gan se
Vnder the cietie wall, chylder and page
And lusty spryngaldis, al of tender age
Thare hors and thare stedis, did assay
And dantit cartis, in the dusty way
And sum thare byg bowes, did bend and draw
Sum wt thare armes, let trimblanddartis thraw
Baith with swift cours, and schuting so thay wirk
Ilkane besy, his party for to irk
Than caryit on the hors, ane messingere
Brocht tithinges, to the anciant kyngiz ere
Ane grete menȝe, of sturdy m•n war cum
Cled in ane strang habyte, all and sum
The king bad bring thame in his palyce sone
And set him self in myddis, his eldaris trone
Thare stude ane grete tempill, or sait ryall
Of laurent cietie, sete impereall
Belt with ane hundreth stately pillaris hie
Of kyng Picus, the chymmes cheif to se
With semely schawis, cirkulit and lang hald
In wourschip and reuerence, be faderis ald
Quhare was statute, be the consent commoun
The king […]
And of iustice vthir, […] s•re
And thare the baner, first […] for the were
In this tempill, held thay court on raw
That was the sete eik, by thare gentyll law
Deput for hallow feist, and maniory
And here ful oft at burdis, by and by
The heres war wount, togydder sit al same
Quhen brytnit was, efter the gyse the rame
And ferder eik perordour, mycht ȝe knaw
Within the cheif, deambulatour on raw
Of forefaderis, grete ymagis dyd stand
Of auld Cedir, caruit wyth crafty hand
Kyng Italus, and fader Sabynus
That fyrst the vyne tre, plantit stok or bus
The crukit huke, vnder his wede held he
The ancient kyng saturne, thar mycht thou se
And Ianus stature eik, with double face
With vthir princis, porturit in that place
From the begynning, of thare fyrst discence
Quhilk of thare natyue cuntre, for help and fence
In marciall battell, sufferit woundis sare
Apoun the postis also, mony ane pare
Of harnes hang, and cart quheles grete plente
From Inemyis war, wonnyng in melle
The bowand axis, helmes with hye crestis
Of riche cieteis ȝettis, stabyllis and reistis
Grete lokkis slottis, massy bandis square
Dartis and scheildis, hyngis here and thare
And stalwart steuynnys, bayth of Irne and tre
Reft from thir schippis, fechtand one the se
The ymage porturit was, of kyng Py•us
Danter of hors, in thare sete gloryus
Cled in ane ryall rob, auguriall
And in his hand ane sceptoure wand, riall
And in his left hand, haldand ane buklere
Quham reuest for his luf, throucht vennymis sere
Certes his spous smate, with ane goldin wand
And in ane byrd him turnit, fut and hand
Wyth spourtlit wyngis, clepit ane specht wyth vs
Quhilk in latyne, hate Picus marcius

In sic ane temple of goddis, Latyne kyng
Amyddis his faderis sete, ryall syttyng
Gart fethe the troyianis, to his presence here
And as thay entrit, and before him were
Wyth glaid semblant, and vysage full benyng
Thir wourdis fyrst, to thame carpis the kyng
Say me troyanis, quhat ȝe desyre quod he
Ful wele we knaw ȝour lynnage and ciete
It is also cummyn to our eris
ȝe set ȝour cours ouer se, thir mony ȝeris
Schaw for quhat caus, or quhat necessite
ȝour schippis ouer sa, teil haw siremes of se
Bene hidder to this, coist of Italy
Caryit or dryue, or quhiddir ȝour nauy
Has errit by thare cours, and fer gane will
Or ȝit by force of storme, cachit hiddirtyll
As oft wyl happyn, by the frawart tyde
To marineris on fludis, depe and wyde
Gyf ȝe syc wyse, within our reuer bankis
Be enterit or remanit, with our thankis
In to our portis or heuinnys, fast here by
Wythdraw ȝou not, nor fle not ouer herbry
Nor mysknaw not the, condiciouns of vs
Latyne pepyll, and folkis of saturnus
Vnconstrenyt, not be law bound thertyll
Bot be our inclinacion, and fre wyll
Iust and equale, and but offensis ay
And reulit eftir the auld, goddis way
As touching eik ȝour, discence and of spryng
Wele I remember that, I haue hard sum thing
Bot that is past or now, sa mony ȝeris
Almaist the fame forȝet is, and efferis
Agyt men, of the ciete armita
Wyth grete auant, forsoith than hard I sa
Of this mater, syr Dardanus ybore
Throw out the se socht, fer and ferthermore
Tyll samo fyrst in trace, the nerrest gate
Quhilk samathracia, now to name is hate
Syne socht he, to the land of phrigia
And cieteis set, in the wod of Ida
The goldin palyce, now with sternes brycht
Of heuyn in sete ryall, wythhaldis that wycht
That vmquhyle, fra hyne to tuskany
And corith ciete, standis oure coist nereby
That now ane god is clepit, ouer al quhare
And to thar nowmer, ekis his altare
Thus said the kyng, and Ilioneus but bade
Vnto his wourdis, thys wyse ansuere made
Mayst ryall prynce, cummin of hye parage
Of god fawnus, nowther the scis rage
By force of dyrk tempest, has vs dryue
Vnto ȝour realme, and therat made arryue
Nor ȝit the laid sterne, from our cours bywauit
Nor strange coist, of this regioun dissauit
Bot by assent commoun, and of fre wyll
And set purpois, we socht this ciete tyll
As folkis slemyt, fra thare natyue cuntre
Vmquhile the maist, souerane realme trayst me
That euer the son, from the fer part of heuyn
Wyth his bemes ouer schane, or man couth neuin
From Iupiter, did our linnage begyn
And all the of spring, of syr Dardanus king
Of Iupiter thare forefader, gan reiose
Of Iowis stok in hieast, gre moist Iois
Our king Discend, the strang troiane Enee
In message, send vs here to thy ciete
How grete tempest, of batal and debate
Ouer troiane feildis wide, has walkit late
By cruel Grekis, hidduous confluence
Quhat fatal bargane, mare made and defence
Athir part knawis, of the warldis twa
That is to say Ewrope, and Asia
And gif thare ony, forther regioun be
Diuidit by the streme, and octiane se
Fra the ferme land, therof thay haif hard tel
And thay also, gif any thare may duel
The sonnys myd cirkil remanis vnder
Hait Torrida, zona dry as ony tunder
Quhilk is amyd the heuynnys situate
Amang foure vthir plagis temporate
Fra that diluge eschape, and fereful spate
Caryit throw fell haw large stremys wate
Ane litil stede or mansioun, we beseik
Grant to our natiue kyndlie, goddis •eik
The bare se coist, hurtand na mannis rycht
With are and water, commoun to euery wicht
Na manere lak, to ȝour realme sal we be
Nor na repruf tharby, to ȝour renowne
Be vs nor nane vthir, sal neuer sprede
Sall ony tyme in til obliuioun slide
Nor Italy with hir braid boundis, and wyde
Sal neuer repent, that sche the folk of troy
Has ressauit, nor therof think ennoy
Be al Eneas destaneis, I swere
His traisty fayth, nor rychthand into were
Sa vailȝeant at vnset, and defence
And by hys lang vse, and experience
Of armes quhilkis, he has in batal hantit
Ful mony pepil, victorious vndantit
Desirit vs in freyndschip, and allly
And to be Ionit in thare senȝeory
Not lithlie, not for thy our freynd proffir
Quhil of oure fre wil vnrequirit we offir
With wourdis of requeist and, of tretye
The taikynnis in oure handis, borne vp hie
For oft the fatis of, the goddis sere
Has vs compellit, by thare strang powere
Vnto thir landis, and thir coistis seik
Schir Dardanus, borne of this countre eik
Desiris hidder, to returne agane
And with commandementis, strate ful mony ane
Appollo chargit vs, to spere bedene
To tyber flowand, in the se tirrene
And to the fontane, and the stryndis clere
Of Munytus, the hallowit fresche riuere
And forther eik, our prince, has to the sent
Of his auld fortoun, bot ane smal present
The sobyr leuingis reft from troyis fire
In to this coup of gold, Anchises hys syre
At the altare was wount, to sacrify
And of the grete king priame, maist douchty
This was the cheif dyademe ouer the laif
With quhom he crounit sat and domes gaif
His sceptoure als, and eik his tyre hat
Hallowit quhare with, at sacrifice he sat
And this was eik his precius rob ryal
By troiane ladyis wrocht, and brosit al
Herand sic wourdis of Ilioneus
Ful stil his visage haldis Latynus
His sicht vnmouit, to the erd did he prent
With ene rolling, and eris richt attent
The brusit purpour, mouis him na thing
Nor Priamus sceptoure, so fer as steris the king
As that he musis, thocht ful gretumlie
Apoun his dochteris spousage, and allie
And in hys mynd, gan compace oft in fere
His fader Faunus, respons and ansuere
Thinkand this ilk Eneas femyt to be
The self strangeare, quham fatal destine
Signifyis to cum furth, of vncouth stede
To be his son in law, and for to lede
Equale dignite, with him in that ring
Ful of souerane vertu, quhais ofspring
By thare power, suld ioys and occupy
The hale warld, vnder thare senȝeory
And at the last, eftir ful lang musyng
With Ioyus chere, on this wyse sayd the kyng
The goddis ȝour begynnyn, further and spede
And thare pronosticatioun, manifest in de•e
I grant thyne asking, troiane messingere
And ȝour rewardis resauis, in thank for here
ȝe be all hartlie welcum, traistis me
Sa lang as leuis, king latyne in this countre
The riches of maist plentuous, fertil ground
ȝe fal not want, that in this realme is sound
Nor ȝit nane vthir welch, welefare na ioye
Quhilk ȝe war wount to bruke, and haue in troy
Bot at the leist, ȝe caus ȝour prince Enee
Gif that sa gretelie, he desiris to be
With vs confiderit, in till alliance
Or gif he langis, but langare discrepance
Within our palice, to entir before vthir
And be clepit our companȝeoun, or brother
Duel no langare, but cum hidder in haist
Ne faar not at his freyndis, face as ane gaist
For the maist part of our conuene, and band
To me sall be to twich, ȝour kingis hand
And now agane, ȝe sal curnand ȝour went
Bere to ȝour prince, this my charge and commandēment
I haue ane douchter, quham responsis schaw
Furth of our faderis, oratry law
And mony fereful taikynnys, of the heuyn
Be diuers wayis schewin, and fyry leuin
Will not suffer, that sche in wedlok be
Geuin vntil ane man, of our countre
But al the spay men, declaris by and by
Thare suld cum to remane, in Italy
Fra strange coistis, to be our son in law
Ane dochty man, vncouth and vnknaw
Quhilk of hyslynage, and posterite
Our name aboue, the sternes sal vp hie
Gif that my mynd can ocht, •magin rich•
I wene that he sal be, the samyn knycht
And glaidlie wald with al my hartis desyre
The weirdis thareto, callit that rial syre
This beand said, the king latyne but fale
Gart cheis of al his stedis, furth the wale
Thre hundreth mylk quhite hors, and fare had he
Sefit and fed in stalwart, stabillis hie
For euery troiane, perordour thare the kyng
With purpour houssouris, bad ane cursoure bryng
Thare brusouris trappouris and patrellis reddy boun
With goldin bruchis, hang from thare breistis doun
Thare harnessing of gold richt derely dicht
Thay rang the goldin mollettis burnist brycht
Vnto Eneas als, thare prince absent
Ane rial chare richely, arrayit he sent
With twa sterne stedis, therin ȝokit yfere
Cummyn of the kynd, of heuinlye hors were
At thare neis thyrl•s, the fyre fast furth s•• ring out
Of the quhilk stok, and stud spryn•ing but dout
Quhilk certis crafty, and ingeny•s
And mare subtyl, than euer was dedalus
Be ane quent way, fra hir awin fader staw
Makand his ••edes belepe meris vnknaw
That be ane sle consait, and wyly mynd
Syc maner hors, engendrit of bastard kynd

With syc giftis, Eneas messingeris
Of the king Latyne, with Ioyful ansueris
Returnis, montit hie on hors ilkane
Of peace and concord, bodwerd brocht agane
And lo the spous, of Ioue, cruell Iuno
The self tyme can returne, fra arge tho
The quhilk cuntre, of nobyl brute and fame
From Inathas the kyng, has take his name
And has caryit out, throw the are pure
Quhilk is hir proper, regioun as sche fure
Doun from the skyes, on fer gan do espy
Of the hie land, Pathynnis in Cicilly
Beheld the troyane nauy, stand on, raw
And Eneas blyith, and glade sche saw
Of the ioyus bodward, vnto him brocht
That besely, with all the hast he mocht
Inforsis thare herbry, and strencht to beild
Than all assurit, of his land and feild
And thare schippis, left desolate and waist
In extasy sche stude, and mad almaist
In suddane dolour, smytyn wounder sm•rt
Can schaik hir hede, with harmes at hir hert
And of hir breist, thir wourdis wrappis in hy
Och kynd of pepill, haitfull and vnwourthy
For all the wylis, and the fatis troyane
Bene to our myndis, and destanyis euer agane
Mycht thay not all bene, slane in troy feildis
Mycht thay not all haue, swelt vnder thar scheildis
Ar thay not vincust, and ouercummin Ilkane
Quhat may not thare, presonaris agane be tane
Has not troy all infyrit, ȝit thame brynt
Na all syc labour, is fornocht and tynt
Haue thay not found, for to eschape away
Threw myd fyre, and myd oistis […] way
So traist I now at last, my force and mychtis
Lyis dolf and Irkit, be ȝone catyue wychtis
Insaciat of haitrent, I rest in pece
That was sa bald afore, and neuer wald ceis
Quhen thay ware chasit, of thare natyfe land
To flurt them on the strome, fra hand to hand
And to persew thay flemyt, wauyngeouris
Throw al the seyis, my self ilk tyde and houris
Agane troyanis, consumy are by me
The strenth of al the heuinnys, and the se
Quhat proffitit me, certis that soukand sand
Or ȝit Scilla, the swelthis ay routand
Or quhat awalit, Caribdis bisme huge
Al thay not stakit at rest, and wel• luge
In the desyrit sand, of tybrys bay
Assouerit of the s•y; and has na fray
Of me ne of my malice, and fant thocht
The sterne pepill, lapithos bring to nocht
And quite distroy mycht mars for his offence
Was it not eik, grantit in recompence
To Diane be the fader, of goddis Ichone
To werk hir greif, in anciant Calidone
Quhat falt made the lapithos of trespas
Or Calidore, that sa sare […] was
Aboue mesure forsuth, thay chaistyit war
Bot I the spous, of the grete Iupiter
Quhilk sa vnhappy, alwayis I mycht fyn•
Tham tyl ennoy consate, left not behynd
Quhylk has my self, in propir person eik
Turnit and writhit, all wentis I couth seik
I am now vincust, be ane man this Enee
Bot gif my power, not sufficient be
Or grete yneuch, quhy suld I drede or spare
To purches help forsoith, attour alquhare
Gyf I may not the heuinly, goddis inclyne
To my purpois, I sall seik forthir sine
To tham that fer doun, into Acheron fell
I sall them moue, the depest pit of hell
And put the cais, that I may not optene
From latyne land, thaim to expell all clene
Bot by the fatis, Immouebyl destany
Lauinia remanis, spous to Enee
ȝit at leist thar may, fall stop or delay
In sa grete materis, for ane ȝere or tway
And lefull is it, ȝit of athir kyng
The retinew in batall, doun to dyng
Lat the eldfader, and mauch knyt vp frendschip
Be price of thare pepyll, and fallouschip
Wyth grete effusioun, of the blude troyane
And samyn of the, pepyl retuliane
Thow sall be sesit, madin to drowry
Bellona goddes, of batall sall stand by
To be conuoyare, of thy mariage
Neuir heccuba of, Cisseus lynnage
Quhilk bund with fyre, dremyt sche had furth bring
Ane glede of fyre, or hait brand licht birnyng
Was deliuer of syc flambis but fale
As thou sall vere, and fyris coniugall
And forthir eik, this venus proper byrth
And secund paris, Enee lityll wyrth
Sall rays and kendill, dedely flamb agane
Of hait fyre brandis, amang the wallis troyane
Fra this wes said with, horrybyl mynd in haist
Doun to the erth sche socht, and the layth gaist
Furth of hir sete, and myrk dungeoun of hell
Sche did prouoik, and callis with ane ȝell
Ane of the sory furius, sisteris thre
Alecto quhilk causis, all myscheif to be
And euermare desyris, of hyr kynd
And has full grene, emprentit in hyr mynd
The dedly batellis, and the dolorus were
Strif and dissate harme, and discordis sere
This freyndlich hellis, monstour tartariane
Is hatit wyth hyr, vthyr sisteris ilkane
And pluto eik the fader, of hellis se
Reputtis that bisming, belch hatefull to se
In to sa mony grisly, formes sere
Sche dois hyr self translate, and of sic fere
Bene hyr cruell schappis, and vysage
Sa foule and laithlie, all hyr personage
That for hyr pilis, and in stede of hare
Feil snakis springis, ouer hyr body alquhare
Quhilk fury quent, of kynd sa perrellus
Iuno tyistis to myscheif, sayand thus
Do to me vyrgine, douchter of the myrk nicht
Thys ane seruice, thy propir werk by rycht
Do me thys laboure, quhylk is thyne of det
That our honouris, and fame be not ouerset
Na ȝit subdewit, in to sic ane place
As with ȝone troianis, standis vode of grace
Lat neuyr Enee, sa proudly to optene
The spousage of latinus, douchhter schene
And by na way, lat neuer his feris weild
Ane fute brade of Italiane ground nor feild
Thou can brethir of ane assent mony ȝeris
Aganis vthir enarme, in mortal weris
Thou may ouerturne, with haitrēt and with striffe
The hale houssald, the man aganis the wyffe
Thow mai skurgeing andstraikis in lugeing rais
And thou of freyndis, may mak mortal fais
And dedly f•re brandis kendil in thak and rewis
Ane thousand names, thou has that na man lustis
Ane thousand wayis, folkis to ennoy and schent
Knok on thy brudy breist at myne entent
Breik and cast doun, thare concord made of new
Causis of strif, and battell I wald thou schew
Gar al the power, and euery stoute ȝonkere
First in thare myndis, desire to moue the were
Syne cry and ask armes, and battel al
And rusche tharto forcelie, gret and smal.

This cruel monstoure Allecto on ane
Infect with fel venom gorgonyane
Socht first to lat••m, and in the chimes hie
Of Laurentyne the kingis cheif ciete
And priuely begouth to wach and loure
About his spous quene amatais bour
Quhilk al inflammyt, in Ire and wyffly thochtis
Of this new toune, of troyanis al on fllocht is
The bissy cure of turnus mariage
Skaldyng hir breist, and mynd al in ane rage
This wikkit goddes, towart hir als fast
Ane of hir slymy serpent haris did cast
Depe in hir bosum let inslip, with slicht
Amyd hir hart pipis, or precordialis licht
That be this ilk, monstouris instigacioun
Wod wraith sche suld, pertroubil al the toun
This eddir slyding ouer, slekit bodyis soft
Of thyr ladyis, amang thare wedis oft
Went thrawin so, that nane wist quhar she glidis
The furius quene, dissauyng on athyr sydis
And in hyr mynd gan blaw, and kendyl syne
Ane felloun greif, ouer curage serpentyne
The grisly serpent, sum tyme semyt to be
About hyr hals, ane lynkit goldin chenȝe
And sum tyme of hyr cursche, lap with ane wai•
Become the seluage, or bordour of hyr quaik
Sum tyme in hyr hedelace, for to knyt hyr hare
Ful slyd sche slyppys, hyr membris ouer alquhare
Sone as the fyrst infectioun, ane lityl we
Of slymy benoun, Inȝet quently had sche
Than sche begouth, hyr wittis to assale
And depe amid hyr banis, for to skale
And multiply of rage, the byrnand furie
For ȝit not all, in hyr breist cruellie
The sprete has felt, the flamb freneticall
Quharfore the mare sobyrlie, furth with all
Eftir the commoun custome, and vsage
Of auld matrouns, in thare auld dotage
With huge complant, for hyr douchter and regret
And troyane wedlok, contrare hyr consate
Thus said sche weping, and that ful pyteously
Of fader kyng latyne, quhy wyl thou quhy
Quhat sall our child, lauinia the may
To banyst men be geif, to lede away
Nouthir has thou, of thy tender get, pyete
Nor ȝyt compassyoun, of thy self nor me
Hyr moder quham sa sone, full desolate
ȝone fals sey reuer, wyl leif in sturt god wate
And cary the made, ouer the depe fludis haw
Als sone as euer, the first north wynd dois blaw
Was itnot euin be sic, ane fenȝet gird
Quham paris furth of Phrige, the troyane hird
Socht to the ciete, lathes in spartha
And thare the douchter of Lidea, stal awa
The fare heline, and to troy cursit raith
Quhat sal auale ȝour faith, and hallowit aith
Quhat of ȝour ancient puruiance, sir king
That ȝe had of ȝour freyndis and of spring
Quhat of ȝour rycht hand, hald so gloryus
Sa feil syith geuin to our cousyng Turnus
Gyf that thou fekis, ane alienare vnknaw
To be thy mauch, or thy gud son in law
And has that thyng determyt in thy hede
Constrenit thareto be the command and rede
Of thy fader Fawnus, as to that gate
Here ane lytil my fantasy, and consate
All cuntre vnsubiectit, vnder our wand
It may be clepyt, ane vncouth strange lande
And all that ther in duellis, alianaris bene
Of sic strangearis, the goddis spake I wene
And gif we list seik, forthirmore ȝit than
To compt the first begynnyng, of turnus clan
Inathus and achrisius, but were
Twa kingis of Grece, his forefaders were
Thus is the greke, to compt his greis a pece
And cummin of myce, the myddis realme of Grece
Eftir that the Quene, with sic wourdis al for nocht
Assait had the kyng latyne, as sche mocht
And fand that he resistit, hir intent
The furius poysoun, than of the serpent
Depe in hir breist, and entrillis swiftly ȝede
And did ouer al partis, of hir body sprede
So that forsoith, cachit vnhappelie
With hidduous monstouris, can sche ryn and cry
Throw out the large ciete, in wilde dotage
But ressoun strikin, with the nymphis rage
As sum tyme sclentis, the round top of the tre
Hit with the twynit quhip dois quhirle we se
Quhen childer driuis besy at thare play
About the clois, and vode hallis al day
Sche smytin with the tawis dois rebound
And rynnys about, about in cirkil round
The witles sort of forsaid babbyis ȝing
Studyis a wounderit, of sa nyce ane thing
This turnit tre, so al that berdles rout
Ferlyis to se sua slepe, and quhirl about
And al thare mynd settis, it to cache and driue
Na slawar went Amata, the kingis wyfe
Throw out the myd cietis of latyne land
And throw the feirs pepil, fra hand to hand
And forther eik, vnto the woddis grene
The swift fard catchis, furth this quene
Fenȝeand the rage of bachus, and grete mycht
Ane mare myscheif, for to contrufe and slicht
And greter furie swyith, sche gan begyn
Hir douchter hid, thir woddy hillis within
Thareby the troyane, spousage to delay
Stop and prolong, thare feist and bridel day
Sche schoutis hie, how Bachus god of wyne
Thow onlie art wourthie, to haue our virgine
And thus with loude voce, cryis and schautis sche
To the bachus, sche rasit eik on hie
Grete lang speris, as thay standartis were
With wyne tre branchis, wippit in thare manere
To the sche led ring sangis, in karoling
To the hir hare addressit late doune hing
The fame herof, wide ouer al did sprede
Quhil at the last, the samyn fyry can sprede
In al the matrouns breistis, of the land
Cachit with force thay flok, fra hand to hand
Thare hous thay forhow, and leuis waist
And to the woddis socht, as thay war chaist
And lete thare nekis and hare, blaw with the wind
Sum vtheris went ȝelland, vnder the lynd
Quhyl al the skyis, of thare skrik fordynnys
And sum war cled, in pilchis, and foune skynnis
Into thare handis rasit apoun hie
The lange stourys, wound with the sweit wine tre
Amyd thaym al, quene amata gais
And feirsly dyd ane birnand fir tre rais
And of hir douchter eik, and turnus ȝing
The weddyng sangis, and bal•atis did sche sing
The bludy ene rolling, ful thrawartlye
Oft and rycht schrewitly, wald sche clepe and crye
Out Harro matrouns, quhare soeuer ȝe be
O latyne wyffis herkis now to me
Gif ony fauouris, and frendschip ȝit remanis
In ȝour deuote breistis, amang thir planis
Of the vnhappy, moder Amata
Gif ony thocht, remordis ȝour mind alsua
Of the effectuous piete, maternale
Lous hede bandis, schaik doun ȝour haris al
Walk in this wod, here karelling with me
Sing bachus sangis, sen na bettir may be.

Alecto thus amang, the woddis derne
Mony wylde beistis den and depe cauerne
In to sic rage this ilk quene Amata
With bachus fury cachis, to and fra
And eftir that this wikkit, fals goddes
Thocht sche had scharpit, weil yneuch I ges
The first furie, of sa dolorus rage
For to distrub il, the foresaid mariage
And quyte peruert, or tu ruit top ouer tale
Latynus houshald purpois, and counsale
But mare delay, with wallowit wyngis sche
Wiskis from thyne, vnto the wallis hie
Of the curagius, Rutuliane Turnus
Quhilk ciete the dochter, of Acrisius
Fare Danae foundit for hir men, and hir
Dreuin to that coist, with the south wyndis bie
Quhilk was sum tyme clepit, Ardea
Fra Ardea ane foule, ȝit namyt sa
And to this day, the foresaid ryall hame
Be fortoun brukis of ardea, the name
Within thay hichty boundis, turnus richt
Lay still and rest, amyddis the dirk nycht
Alecto hir thrawin visage, did away
All furius membris lade a part, and array
And in hir schape transformyt of ane trai
Hir forhede skorit with runkillis, and mony rai
And with ane vaile, ouer sprede hir lyart hair
Ane branche of oliue, thare to knittis yare
Of Iunois tempil, semyt scho to be
The Nun and trattes, clepit Calibe
Before the visage, of this stout ȝonge knycht
Present hir self, with thir wourdis on hicht
Turnus will thou suffir, this vndocht
Thy lang trauell, and laubour be for nocht
And thy scheptour, and croun deliuerit be
To ȝoung banist new cumin, troiane menȝe
The king Latyne, the spousage of lauine
And thy dowry bocht, with thy blude and pyne
Denyis for to grant, the or ellis ocht
And to succede in his realme, has besoucht
Ane alienar borne, of ane vncouth land
Pas now thy way, and set the to gane stand
Thir perrillis but all thank, and gane ȝeild
Sen thou art mokit, go doune bett in feild
The oistis of Ethruria, and syne
Defend in pece and rest, the folk latyne
Almychty Saturnus douchter, aluterlie
As thou be nicht, thus doith at quietly
Bad me schaw planlie, all thir thingis to the
Haue done tharefore, assembil this cuntre
Addres thy fensabill men, in thare array
Enarmed glaidlie, moue and hald ȝour way
Towart the portis, or hauynnys of the seye
And set apoun, ȝone troiane menȝe
Drife thare chiftanys, of this land but hone
Thare payntyt caruellis, birne so to be done
The grete pouer, of heuinlie goddis diuyne
Commandit has decrete, and determine
Lat king Latynus, to his awin harmes
And haue experience of the turnus, in armes
Bot he the grant to wyfe, his childe lauyne
And kepe to the his promys, and conuyne
The ȝoung man mokand, at the prophetes
Herand sic speche answeris, with moucht expres
It standis not so as thou wenys, but weris
The messingere, is not gone by myne eris
Full lang or now, how that ane strange nauy
Arriuit in this tybris streme, fast by
Fenȝe na caus, me for till affray
Wene not me lest, my purpoos leif no way
Nor riall Iuno, quene of realmes all
List our querrell forȝet, nor thole we sall
Bot o auld dame, thy vile vnweildy age
Ouer set with hasart bare, and fante dotage
Quhilk vode is of all treuth, and verite
In sic curis in vane, occupyis the
And the dissauis as prophete, be fals drede
That geuis thy mynd tharon, thou has na hede
As for to trete of battall, betuix kingis
Thyne occupatioun standis, on vthir thingis
Quhilk suld haue cure of, not alanerlie
Bot goddis tempillis, and ymagis to spie
Thole men of peace, and were carp and reherce
Quham to partenis, the battell to exerce
At sic wourdis alecto, haite as fyre
Brynt in hir fury rage, and felloun ire
So that the ȝoung man, spekand suddanly
The trymbling hynt al membris of hys body
His ene stude abasit, in hys hede
This hellys monstoure, ful of wrath and fede
Hissit and quhislyt, with sa feil eddir soundis
And hir figure sa grisly, grete haboundis
Wyth glourand ene, byrnand of flambis blak
Turnus awondering, styntis and drawis abak
And as he purposit, mekyl mare to say
In stede of haris, sche rasit vp serpentis tuay
And of hir scourge, the sound scho made him here
Wyth rageand mouth, syne sayd and felloun bere
Behaldis this my vyle, vnweyldy age
Ouerset wyth hasaed hare, and fanat dotage
Quhen eild vode of al treuth and verite
Be fals dede, dissauis sa quod sche
As for to trete of battel, betuix kyngis
Behald gif it so be, consyder thir sygnis
Lo me present, ane of the systeris thre
Infernale furyis, of ferful hellis se
Se I bere in my handis and powere
The dede of battels, and the mortall were
And sayand thus, at this ilk feirs ȝoung knycht
Ane hait fyrebrand, kest scho birnand bricht
And in hir breist, this furius lemand schide
With dedely smoik, fyxit depe can hyde
The huge drede, with this dissoluit his slepe
Ouer al his body, bristyng furth did crepe
The warme swete, throw euery lith and vane
And al enragit, gan efter harnes frane
Armour al witles, in his bed sekis he
Armour ouer al the lugeing, law and he
The grete curage, of irne wappinnis can wade
Crewell and wylde, and al his wit muade
In wikkit wodnes, battal to desire
Quharon he birnis, hait in felloun ire
Lyke as quhen that the ingil, of stikkis dry
With blesand found, is laid to by and by
About the sydis, of the pot playing
The liquour sparkis, for the heit buling
Within the feruent bullir, violent
Of wattir, making reky froith vpsprent
So swellis vp the skun, and bellis bedene
The veschel may no more, the broith contene
Bot furth it poplis in the fyre, here and thare
Quhip vp fleis the blak stew, in the are
And for als mekil as turnus, thus was stad
The gretest of his chiftanis he bad
To king latyne, and declare him but were
The peace was brokin, and he wald moue the were
To graith thare armour, fast commandis he
To defend Itale, and of thare awin cuntrye
Thare Inemies expel, and dryue as ȝit
He was yneuch for baith, he lete thame wit
Baith to recounter the latynis and the troianis
Quhen this was said, and on sic wise as ganis
The goddis callit to be in thare helpyng
Than besely, rutilianis ouer al thing
Can ather vthir, fast exhort and pray
On the best wyse, for werefare to puruay
Sum the maist semely farrand personagē
Tyistis to the feild, to proue his grene curage
Sum on his ȝouth hede, and his theis gude
And sum is mouit throw his riall blude
For his progenitouris, nobil kyngis were
And sum war eik indueit to the were
For the proues knawin, in eik landis
And dedis wrocht, maist knichtly with his handis

Quuhil turnus on this wise about all partis
In the rutilianis, rasys hardy hartis
With hir infernall wyngis, furth can cary
Alecto towart troianis, but mare tary
By ane new flicht, ane place spyit has sche
Quharfor the tyme, by the coist of the se
The ȝoung semely Ascaneus, at solace
Dyd hunt the wyld dere, following the chase
Thare suddanly, this hellys wenche infest
Ane haisty fury, on his houndys kest
Thare neis thyrlis, with ane sowir sent
Scho fillys so, that besely thay went
Efter the fute of ane tame hart, quhilk thyng
Was the first caus, of the werefare and fechtyng
And first steris the wyld fosteris fell
To moue debait, or make them for batall
This hart of body, was bayth grete and square
With large hede, and tyndis birnist fare
Quham chider of ane thirreus, thame amang
Reft from his moderis palp, had nurist lang
Thireus thare fader, was hie maister and gyde
Of stedis folkis bowis, and hirdis wyde
As storour to the kinge did kepe, and ȝime
Of the large plane, all trust was geuen to him
Full dantit and full tame, at thare command
Was so becum this beist, that but command
Silma thare sister, with all diligence
Arrayit him with flouris sweit, of sence
Oft plet scho garlandis, for his tyndis hie
The dere also full oft tyme kame wald sche
And fele syis wesche, in till ane fontane clere
Full wele sufferit hir handis, the tame dere
And was accustumyt so, quhen he liest eit
At his awin maisteris burd, to seik his mete
Querall the woddis wald, he raik ilk day
And at euin tide, turne hame the strecht way
Till his lugeing, wele bekend fute hait
All by him selfe, war the nicht neuer so lait
This hart errant, fer from his ressett
Ascaneus wod, hundis vmbesett
As that percaise, for the hait sonnys gleme
He held doun summand the clere ryuer streme
To cule his hete, vnder ane gresy bra
Ascaneus the child, him self alsua
Birnyng in desire, of some notabill renowun
With nokkit bow, byuent all reddy boun
Wenand him wyld, lete sone ane arrow glide
The goddes wes, all reddy fast besyde
Thus can his hand addres, but wauering
The flane flaw fast, with ane sprang fra the string
Throw out the wambe, and entrellis all but stynt
The scharp he did schaft, duschit with the dynt
The dere so dedelie woundit, and to lame
Vnto his kynd resset, gan fleing hame
And enteris in his stall, and that anone
All blude besprent, with mony grank and gron
And like ane man besocht, help and supple,
With his plenyng, all the house fillis he
Silma the eldest sister with ane schout
Hir handis clapping fast, hir schulderis about
Cryis efter help, and gan togidder cal
The landwart folkis, and doureforstaris all
Thay tho assemblit, to the fray in hy
And flokkis furth rycht, fast vnwarnistly
For the ilk furie pestilentiale, that houre
Ful priuely, in the derne wod dyd loure
To cast on thame flely, hyr fereful rage
That, furth with vpstertis, baith man wife and page
He with ane burdoun, of ane lang stif tre
The poynt scharpit, and brynt ane lityl we
He with ane knotty club, and knorry hede
Quhat ilk man fand, first reddy in that stede
Sekand ane swerd, now rinnand fra the pleuch
Thate greif made that thing, wappyn gud yneuch
Thirreus the maister, storour in ane rout
The karllis assemblit, him al about
Quhare as percase, besy with wedge is he
Stude schidand ane foure, akyn squarit tre
with mony pant with felloun hanchis and quaikis
Als oft the ax reboundis, of the straikis
This cruel goddis, feirful alecto
For til ennoy, hir tyme espyes tho
And spelys vp ful sone, as scho war wod
Apoun ane heith stabyl, quhare that beistis stude
Richt bustuously, apoun the rufe on hie
The hirdis ensenȝe, loude vptrumpis sche
And in ane bowand horne, at hir awin wil
Ane feyndliche hellis voce, scho schoutis schill
At quhais sound all trymblit, the forest
The derne woddis, resoundid est and west
The blaw was hard, thens mylis mony ane
At the depe loch of triuia, ar Diane
The dyn was hard, eik ellis quhare full far
At the sulphureus quhite ryuer, callit Nar
And at the laik or fontane, of velyne
Baith to and fro, or all the cuntre syne
Wemen and moderis, effrayit of this case
Thare ȝoung children fast, to thare breiflis did brase
Than spedely with haist, and besy fare
The lauborars vndantit, here and thare
Hynt wappinnis, and assemblit, on euery syde
Towart the sound, quhare as the trump that tyde
With dedlye voce blew, this ferefull syng
The Treiane power, also can furth thring
With hale routis ascaneus, to reskew
The battellis war adionit, now of new
Not in manere of landwart folkis, bargane
With hard blokkis, ruschand all ouer ane
Not blunt styngis, of the brissillit tre
But with sharp scherand wappinnis made melle
The ground blaknyt, and ferefull wox alsua
Of drawing swerdis, sclentyng to and fra
The bricht mettell, and vthir armour fere
Quharon the son blenkis, betis clere
Elitteris and schane, vnder bemes brycht
Castis ane new twynkling, or ane lemand lycht
This stoure sa bustuous, begouth to rise and grewe
Like as the fey changeit, first his hewe
In quhite lipperis, by the wyndis blast
Syne pece, and pece the stude boldnys sa fast
Quhil finalie, the wallis vprisis mare
That fra the grounde, it warpis vp the are
At the first compter, in to this bargane
Almon tirrheus eldest son, was slane
Ane fare ȝong springald, quhilk caucht dedis wound
Throw dynt of arrow, schote with felloun sound
That smate him rycht, in at the hals bone
The lopperit blude, stoppit his aynd anone
And closit in, of life, the tendir sprete
About him fell doun dede, and loist the swete
Mony of the hird men, amangis quham was ane
The elder galesus, as that he allane
Offerit him self amyd the oistis, tua
To trete concord of pece, and the fra
Quhilk was the iustest, of ane rurel man
And mychtiest in his tyme, leuand than
Ouer al the boundis, of Ausonia
His fiue flokkis fosterit, to and fra
Fiue bollis of ky, vnto his hame reparit
And with ane hundreth plewis, the land he arit

And as the bargane, on this manere ȝede
In plane feild, and euery battall stede
The hellis goddes, Iosing at hir will
Hir promys quhilk scho hecht, for to fulfil
Als sone as was the grete melle begun
The erth littit with blude, and al ouer run
And the first slauchtir, was committed and done
In dedely were than Italy, als sone
Sche leuis and with swift, fard gan do fle
Throw out the skyis, to the heuins hie
Haifand hir purpois, said with voce full proud
Vnto Iuno thus spak scho throw ane cloude
Lo now discord, perfurnist as thou wald
Wyth schrewit battall, and carys mony fald
In tender freyndschyp, lat thame now conuene
Knyt vp alyance, and fallowschip bedene
Sen that I haue the troianis, al by sprent
With blude of the Italianis, or I went
And gif thy mynd, be ferme therto wyth me
I sal this mekil eik, to my werke quod sche
For til induce the cieteis, adiacent
Vnto the barne, or that I hyne hent
With schrewit rumouris, I can amang thame male
Thare myndis so, I sal inflambe alhale
By wod vndantit, feirs desyre of marte
Thay sal forgadder, to helpe from euery art
Quhil battellis, armouris, sweirdis, spere and scheildis
I sal do saw, and strow ouer al the feildis
Than ansuerit Iuno, at haboundance thare is
Of thy dissaitful slycht, and fraud iwys
And eik of ferefull terrour, and deray
Weil at perfurnist causis, of this were perfay
That fecht togidder, mydlyt on the land
Bayth face for face, with drawin glauis in hand
And new sched blude, lettis thare armour clere
Quhilk thay be fortoun, taucht has first in were
ȝone wourthy squyar, of venus blude and kyn
And kyng latynus now lat thame begyn
Sic wedlok to contract, and spousale feyst
Bot the grete fader of heuin, at my requeist
Wyl suffer the at large, no langar here
To walk and tary, aboue the skyes clere
Withdraw the of this place, for thy wele sone
Gif ony chance restis, mare to be done
I sal my self, that matter reule and gy
Thir wourdis spak Iuno, and scho therwith in hy
Hir doubill wyngis, with eddir sounde did bete
Leuand hir heuynnys, socht to hyr hellis sete
Amyddis Itale, vnder the hillis law
Thare standis ane famous stede, wele beknaw
That for his brute is namyt, in mony land
The vale ausanctus, hate on athir hand
Quham the sidis, of ane thik wod of tre
Closis all derne, with skuggy bewis hie
Ane routand burn, amydwart therof rynnis
Rumeland and soundand, on the craggy quhynnis
And eik forgane the brokin brow, of the mont
Ane horribill caue with brade, and large front
Thare may be sene ane throll, or aynding stede
Of terribill Pluto fader, of hel and dede
Ane rift or swelth, so grislie for to se
To Acheron reuin doun, that hellis sye
Gapand with his pestiferus goule, ful wyde
At quhais bissing, the fury gan doun slyde
This huttit goddes, and by that discence
Deliuerit heuin, and erd of hir presence
And netheles during, the mene sesoun
The quene hir self, saturnus gett anone
Set to hir hand, and vndid the batel
Of hirdmen al the routis, with ane ȝel
Ruschit fra the feild, to the ciete but tary
The slane body away, with thaim did cary
Almon the child, and dede galesus als
With blude by sparkit visage, hede and hals
Thay thig vengeance, at the goddis and syne
Thay rame and cry, fast on the king Latyne
Turnus was by, and amyd this deray
This hate fury of slauchter, and fell affray
The terrour doublis he, and fereful drede
That sic forloppin troianis, at this nede
Suld thankfully be resset in that ryng
Or phrygiane blude, confideryt with the kyng
And he furth of thay boundis to be expellyt
The felf tyme eik, for the matrons that ȝellit
And roundis sang, so in thare wylde dotage
In the derne woddys, smytten with bachus rage
Grete routis dyd assemble thidder in hy
And roupit efter battell, ernestfully
Thare detestabyl weris, euer in ane
Agane the fatis, all thay cry and rane
Contrary ansuerys, and disputa youns all
Of goddis for the were, thay clepe and call
Led by the power, and frawart godhede
Of cruel Iuno, with auld remembrit fed
Ful fast thay thryng, about the kyngis palyce
Bot thys ilk latyne, knawand thare malyce
Resystis vnmouyt, as ane roik of the se
quhen with grete brute, of wattir smyte we se
Hym self sustenis, by his huge wecht
Fra wallis fel, in al thare bir and swecht
Iawpyng about his skyrtis, with many ane bray
Skellyis and fomy craggis thay affray
Rowtand and rarand, and may nocht empare
Bot gyf thay sched fra his sydis the ware
So efter that the kyng, mycht not resyst
Thare blynd purpois, for as euer Iuno lyst
The mater went, all set to crueltie
Full mony goddis, and the heuynnes hie
To wytnes drew he, as was by his wyll
Bot all for not, nane tent was tak thare tyll
Alace he sayd, we are to broik and ryue
By the fatys by storme, cachit and dryue
O ȝe wretchit pepyl gan he cry
with cruell pane, fu•ldere he sall aby
This wilful rage, and with ȝour blud expres
The wrangis of sic sacrilege, addres
O turnus turnus, ful hard and heuy wraik
And sorouful vengeance, ȝit sal the ouer taik
Quhen al to late, in thy helping thou sal
With prayeris on the goddis, clepe and call
For I had fund my rest and eis, quod he
Now at the dur, deth reddy bydis me
Quhare now of happy pompis, funerall
I spulȝit am, and sic triumph rial
Na mare saying, with that word futhet
Ful clois within his palice, he him schet
Of all sic thingis, gaif ouer the cure and charge
Sen na bettir micht be, to go at large.

The manere than was, and the auld custume
Within the land, of ancient latyum
Quhilk blissyt vsage, eftir mony ane day
The cieties and faderis of alba, kepit ay
Now the grete maister, souerane ciete dyng
Of Rome kepis and hantis, the self thyng
That is to knaw, quhen first euir thay moue or stere
The martial ensenȝeis, for the were
Quhidder so thay list, to set with oistis plane
On the gethis pepil, tartareane
with dolorus, and with ful lamentabyl were
In hircany or Arraby to stere
Or for to ettil, in to Inde furth eik
Towart the dawing, and son rising to seik
Or ȝit to ask and reduce, hame agane
Thare standartis, from the doure pepyl persane
Twa portis ben of battayl, and debayt
So thay war clepyt, to thare name and hayt
Haldyng in religioun, of haly reuerence
Of martis cruell dede, and his offence
Ane hundreth brasin hespys, thame claspyt queme
And strenthy Irne slottis, thay did seme
To be eternal, and in consumptyue
Nor Ianus kepare, of this entre of stryue
Was no quhile furth, of this ilk hallowit hald
Bot quhen the ferme sentence, of faderis ald
Was any tyme determyt, to moue were
Than he that was chefe duke, or counsellere
In rob rial vestit, that hate quyryne
And ryche purpoure, efter the gyse gabyne
Gird in ane garmont, semelie and fute syde
Thir ȝettis suld vp opin, and wrap wyde
Within that gir gand hirst, also suld he
Promyse the new were, battell and melle
Quhen all the fensabyl men, suld follow fast
Wyth plane assent, and brasin trumpis blast
The kyng latyne furthwith, command thay than
On this manere, as prynce and gretest man
To proclame were, and decrete the melle
Agane troianis, thydder cummyn wyth Enee
And wrap the sorowful ȝettis, vp on brede
The prince refusyt, to do so vyle a dede
Ne lyst not anys, thame tweche nor brek his hest
So aggreuyt planely, ganestude thare request
And in this secrete closyt, him with drew
Than from the heuyn, doun quhirland with ane quhew
Come quene Iuno, and with hir awin handis
Dang vp the ȝettis brak, but delay the bandis
This cruell dochter, of the auld saturne
The mekil hirst, can welter and ouerturne
And strang ȝet chekis, of werfare aid battell
Skaik doun and rent, the grete Irne postis fell
Vnsterit lang tyme, and vnmouit Itale
Now birnis in to fury, bellicall
Sum grathis thame on fute, to go in feild
Sum hie montit on hors bak, vnder scheild
The dusty pouder vpdriuand, with ane stoure
And euery man socht wappinnis, and armoure
Thare schynand scheildis, sum did burnis wele
And sem polist, scharp spere hedis, of stele
To mak thame bricht, with fat chreische or same
And on quhite stanis thare axis scharpis at hame
To bere pynsellis it gladis thame, vp and doun
And ar reiosit to here, the trumpettis soun
Fiue of the gretest, and maist cheif cieteis
Thare wappinnis to renew, in all degreis
Set vp forgis and stele, steddyis fyne
Riche Eil na, and the proude Tiburine
Ardea the ciete, and Crustumerye
And eik Antene, with strang towris hie
And werelie wallis, battellit about
The sikkir helmes penys, and forgis out
Thare targis bow thay, of the lith sauch tre
And bos bukkellris couerit, with corbulze
Sum steile haubrekis, forgis furth of plate
Birnyst flank ertis, and leg harnes fute hate
With lacit sowpyl siluer, well ammellyt
Al instrumentis of pleuch, graith Irnit and stelit
As culturis, sokkys, and the sowmes grete
With syithis and all hukis, that scheris quhete
War thidder brocht, and tholys tempyr new
The lust of all sic werklomes, wer adew
Thay dyd thame forge, in sweirdis of mettal brycht
For to defend thare cuntre, and thare richt
Be this armour grathyt, and thare gere
Th• draucht trumpet blawis, the brag of wire
The sloghorne ensenȝe, or the wache cry
Went for the battall, all suld be reddy
He pullis doun his sellat, quhare it hang
Sum dele affrait of the noyis, and thrang
He driuis furth, the stampand hors on raw
Vnto the ȝoik, the chariotis to draw
He clethis him with his scheild, and semys bald
He claspis his gilt habirihonne, thrinfald
He in his breist plait, strang and his birnye
Ane souir swerd, beltis law doun by his thie.

ȜE musis now sueit, goddis Itoȝne
Opin and vnschet, ȝour mouth of Elicone
Reuele the secretis, liand in ȝour mycht
Addres my stile, and stere my pen go richt
Intone my sang, and tyll endite me lere
Quhat kingis did remoue, furth to this were
Quhat routis followit euery prince in feld
With oistis brade, that dyd the plane ouer heild
With quhat maner of vailȝeand men, sic wayis
The happy ground of Itale, flurist thay dayis
With quhat kin armouris, it inflammyt schane
Furth schaw thlr ancient secretis, euery ane
ȝe blissit wichtis, forsoith remembris wele
All sic thingis, and quhare ȝou list may reuele
Thocht skarslie, for the proces of lang ȝeris
Be smal rumour therof come till our eris
First from the land, and coist hait thirrene
Vnto the battell hounis, sterne and kene
Mezentius the king, that in his day
Contempnare cleppit was, of goddis ay
The gyder of hys army, and his rout
Was his son lausus, vailȝeant and stout
Aboue al vthir quhilk, was maist semely wicht
Except the persoun of Turnus, the gentil knicht
Quhilk was the floure, of al the Laurentis
This lawsus wele, taucht at al degreis
To dant grete hors, and as him self arreist
Hunt and doun bet, the dere and ilk wild beist
Ane thousand men, he lat of his conuyne
From Corire, the Ciete Agilline
Wourthy he was, to reule ane great Empyre
And to be cummin, of sum happy sire
Than of mezentius, banist and inding
Bot to haue bene, sum Empriouris son or Kyng
The lusty Auentynis, nixt in preis
Him followis the son, of wourthy Hercules
Throw grisly planis, his chare with Palme ryall
Was rollit furth, by hors vyctorial
Quhilk in his musturis, schew in the feild
His faderis takinnis merkit, in his scheild
Ane hundreth edderis, and vthir snakis in sete
Lynkit about of larne, the serpent grete
Quham the Nun Rea, and woman diuyne
In the derne wod, of the mont Auentyne
Bare and brocht furth, vnto thys warldis licht
Ful priuely vnknaw, of any wicht
The woman mydlit, with the god went bound
Eftir this ilk Hercules, had brocht to the ground
And Vincust Gerioun, with proude bodyis thre
Syne in the feild besyde, Laurent citie
Was enterit as him list, to take his rest
His spanȝe oxin, quham him liket best
Did baithin and refresche, to make thaym clene
In Italie strandis, at the coist Thirrene
This Auentynus followis in thir weris
Bare in his handis lance, staiffis, and burel speris
And dangeris faschouns, in to the staifis oftre
With round stok swerdis, faucht they in melle
With poyntalis or with, stokkis sabylyne
Thare capitane this ilk strang, auentyne
Walkis on fute, his body, wymplit in
Ane felloun bustuous, ane grete lyoun skyn
Terribil and routh, with lokkerand tatty haris
The quhite tuskis, the hede and cluuys thare is
And on sic wyse, grym and awful to se
Within the kingis grete Palice, enteris he
Ouer his schulderis, hingand as said is plane
His faderis talbart cote, herculiane
Twa bretherne, to thys batal followis syne
Furth of the walli• ciete, Tyburtyne
Leding thay pepil, namyt ane and vthir
Fra Tyburtus, that was thare eldest brother
And thay war clepit, the tane Catillus
The tother Choras, strang and curagius
Stout ȝoung men, Grekis borne of arge bayth twane
Before the formest oistis, in the plane
Amyd ane bus, of speris in rade thay
Generit of the cluddis, like to Centaures tway
Quham fra the montane top, of honolane
Or snawy ottrym hyl, doune to the plane
Wyth felloun farde, and swift cours he and he
Gan to discend, leuand the holtis hie
The large wod makis placis to thare went
Buskis withdrawis, and branchis al to rent
Gan ratling and resound, of thare deray
To red thare renk, and rowmes thaym the way
Nor seculus was not absent, traist me
The foundare of the cite preneste
Quham al eildis, repuris and schawis vs
Engenerit was, by the god vlcanus
And by the fyre syde, fund ane ȝoung fundling
Ouer landwart beistis, syne wolx lord and kyng
Ane hale legioun, in ane rout followes hym
Of wyld wod men, quhilk dois thare catal ȝym
Al thay pepil, one brede hayth he and he
That inhabit, the heigh toun Preneste
And that occupyit the grete feildis also
Of gauyne quhilkis, ar dedicate to Iuno
And thay that duellis, langis the schil ryuere
Of Anyen, and thay also in fere
Amang the dewy strandis, and craggis remanis
Of hernica, in the sabyne montanis
And thay also, that bred and fosterit be
In boundis riche, Anagania ciete
And eik thay pepil, duelling fare and bene
In Campanea, on the flude Amasene
Amangis al thir pepil, na brycht armyng
Mycht thou here sound, nor scheild ouer schuldir hyng
Nor cartis clattir, bot of thaym the maist parte
To schute or cast, war perfyte in the art
With lede pellokis, from Ingynis of staf slyng
By dyntis bla, thare famen doun to ding
Sum doubil dartis, casting in handis bure
And for defence, to kepe thare hedis sure
And ȝallow hat ware, of ane wolfis skyn
For thay wald be lycht bodin, ay to ryn
Tare left fute, and al thare leg was bare
Ane rouch rilling, of raw hyde and of hare
The tothir fut, couerit wele and knyt
Neptunus son, lift tho no langar sit
Hait Mesapus, bot bownis furth to gang
Danter he was of stedis wyld and strang
Quham na man, with stele wappin forgit bricht
Nor birnand fyre, vnto his dede mycht dycht
Now haistelie, in armes callis he
The rowtis of the pepyl, and menȝe
Quhilkis lang to fore, disusit had in were
Wyth curage dolf, that ydill lay thare gere
Thare swerdis new, and byrnist glauys gray
He made thame furth, to draw and oft assay
Wyth hym thay folk, in fallouschip led he
That inhabitis, fastinium the ciete
And the iust pepil, clepit falissy
And thame that duellis, in sarrate fast by
Ane strang ciete, and hie situate
Vnto the god, apollo dedicate
And thay that in flauinia, feildis duell
Or that wynnys besyde, the laik or well
Of Crymynyk, vnder the montane bra
Or ȝit amang, the schawis of Capna
In gudly ordour, went thay, and array
And of thare kyng, sang ballettis by the way
Sic wyse as sum tyme, in the skyis hie
Throw the moist are dois, snaw quhyte swannis flie
Quhen thay fra pasture, of feding dois resorte
To seik thare solace, and thare gyse to sporte
Wele sounding wriblis, throw thare throttis lang
Swouthing makis, in maner of ane sang
That of that brute resoundis, the ryuer
And al the laik of Asia, fer and nere
So in likewyse on the fer was, nane mycht ken
That rout had bene, ane oist of armyt men
Bot of the southand, swannys suld he wene
Ane sope fleand, in the are thay had bene
Quhilk chasit, or affrayit Iolely
Socht crowpyng, to the coist syde fast by

Lo clausus eik, that douchty was and gude
Discendit of the ancient, Sabynis blude
Ane mekil rout leadis, furth to the were
As grete men wourthy, sic ane oist to stere
Fra quham the clan, and pepil Claudiane
Is cummyn ouer al the boundis, Italiane
Eftir that Rome was geuin, and made fre
To the Sabinis, as thare propir ciete
Togiddir gan assembil, ane huge route
That fra the ciete, amaterne flokkis out
The ancient Sabinis, hait querites then
And of Enety, al the fensabil men
Of mytista, quhil now hecht tribule
Quhare growis of Oliue treis, grete plente
Al thay that duellis, in that moentyne
Or rosye feildis, besyde the laik velyne
Or on the scharp craggy, rochis hie
Quhilk for harsknes, ar clepit tetricye
With hingand hewis, and mony sloukand bra
Thidder held the ciete, of Casperia
That that inhabitis, ferales that toun
Or on the flude Hymella, vp and doun
Al thay that drinkys, of Tyber the riuere
Or Sauarus, that rynnys fresche and clere
And that wynnys, in Nursia sa cald
And of Ortyne, the nauy grete and bald
The latyne pepil also, and al thay
Quhare the vnhappy flude of Allya
Flowis throw the boundis, and bedyis thare land
Als thik thay gadder, and flokkys fra hand to hand
As euer the fomy, bullerand wallys hie
Is seme welter, on the large libiane se
Quhen the stormy orion, his hede schroudis
In wynter vnder the blak wattry cloudis
Now haistelie, in armes callis he
The rowtis of the pepyl, and menȝe
Quhilkis lang to fore, disusit had in were
Wyth curage dolf, that ydill lay thare gere
Thare swerdis new, and byrnist glauys gray
He made thame furth, to draw and oft assay
Wyth hym thay folk, in fallouschip led he
That inhabitis, fastintum the ciete
And the iust pepil, clepit falisty
And thame that duellis, in sarrate fast by
Ane strang ciete, and hie situate
Vnto the god, apollo dedicate
And thay that in flauinia, feildis duell
Or that wynnys besyde, the laik or well
Of Crymynyk, vnder the montane bra
Or ȝit amang, the schawis of Capna
In gudly ordour, went thay, and array
And of thare kyng, sang ballettis by the way
Sic wyse as sum tyme, in the s•yis hie
Throw the moist are dois, snaw quhyte swannis fie
Quhen thay fra pasture, of feding dois resorte
To seik thare solace, and thare gyse to sporte
Wele sounding wriblis, throw thare throttis lang
Swouthing makis, in maner of ane sang
That of that brute resonudis, the ryuer
And al the laik of Asia, fer and nere
So in likewyse on the fer was, mane mycht ken
That rout had bene, ane oist of armyt men
Bot of the southand, swannys suld he wene
Ane sope fleand, in the are thay had bene
Quhilk chasit, or affrayit Iolely
Socht crowpyng, to the coist syde fast by

Lo clausus eik, that douchty was and gude
Discendit of the ancient, Sabynis blude
Ane mekil rout leadis, furth to the were
As grete men wourthy, sic ane oist to stere
Fra quham the clan, and pepil Claudiane
Is cummyn ouer al the boundis, Italiane
Eftir that Rome was geuin, and made fre
To the Sabinis, as thare propir ciete
Togiddir gan assembil, ane huge route
That fra the ciete, amaterne flokkis out
The ancient Sabinis, hait querites then
And of Enety, al the fensabil men
Of mytista, quhil now hecht tribule
Quhare growis of Oliue treis, grete plente
Al thay that duellis, in that moentyne
Or rosye feildis, besyde the laik velyne
Or on the scharp craggy, rochis hie
Quhilk for harsknes, ar clepit tetricye
With hingand hewis, and mony sloukand bra
Thidder held the ciete, of Casperia
Thay that inhabitis, ferales that toun
Or on the flude Hymella, vp and doun
Al thay that drinkys, of Tyber the riuere
Or Sauarus, that rynnys fresche and clere
And that wynnys, in Nursia sa cald
And of Ortyne, the nauy grete and bald
The latyne pepil also, and al thay
Quhare the vnhappy flude of Allya
Flowis throw the boundis, and bedyis thare land
Als thik thay gadder, and flokkys fra hand to hand
As euer the fomy, bullerand wallys hie
Is seme welter, on the large libiane se
Quhen the stormy orion, his hede schroudis
In wynter vnder the blak wattry cloudis
Or how feile etheris of Corn thik growyng
Wyth the new sonnys hete, birssillit dois hyng
Or hermy feildis, in the somer tyde
Or in ane ȝallow corne, flattis of lide
Als monysche ildis clatteris, and Tergatis
That for dynnyng of thare fete, al the gatis
For stamping stedis, and for trumpis blast
The ground wox, al affrayit and agast
The Inemye to troiane name anone
The bastard son, of king Agamenone
Hecht Alesus, can with feits mude acquarte
Adione his hors, for to draw his cart
And in the ayd of turnus, and supple
Ane thousand feirs folkis, assemblit he
The quhilkis with rakis, ouer turnis euery bra
Fertill of wynes, in the mont Massita
Of thaym also duelland, in hillis he
Send from the auld faderis of Armyta citie
And thay that Duellis, hard on the bra
Besyde the ciete, of sydytma
Or come fra Cales, into champany
Wyth al thay pepillis, into company
Inhabitant the schauld, flude Vlturnus
And frawart folkis hait, Saticulus
Togidder eik, with the haile multitude
Of ostores that pepil, sterne and rude
Thir bare in feildis, of wappannis in the stedis
Round castyng Dartis, or Macis with pykit hedis
Quhilk in thare lede, clepit is ane aclide
And so it mycht, the more surelie abide
Vnto thare arme, it is knyt wyth ane teuch stryng
Quhare with thay do it, in thare face slyng
Ane balen pauis, couers there left sydis
Maid of hart skynnis, and thick or in hidis
And crukit swerdis, bowand like ane syith
Thay bare at hand, reddy to draw ful swyith
Nor now Oebalus, vnreknyt sal not wend
By our matir but louing, and commende
Quham king Telon engendrit as thay say
On sabetrudes, the lusty Nymphe or may
That tyme quhen he regnit, as Lord and kyng
Ouer cappreas, Ilis, and in the gouernyng
Led the pepil hait theleboes bald
Or than fer step in age, was he and ald
Bot his son o Oebalus, in his entent
Of his faderis boundis, stude not content
That lang afore, to his obeysance he
Subdewit had, the pepil sarreste
And al the large feildis, bonk and bus
Quhilk ar bedyit, with the riuer Sarnus
Thay that occupiit Rusa, and baculane
In champany riche, and strang townis twane
The planis eik, and sulȝe of Celene
Quhilk dedicat, ar vnto Iuno Quene
And thay behaldis, the werely wallit ciete
Of Nola with his stalwart towris hie
Quhare grete plente, of appillis, orange growis
Quhilk pepyl in thare werefare, had na bowis
Bot war accustomyt, for to thraw oft syis
The castyng speris, one the Duch mens gyfe
Quhais hedegere war of ful souir extent
Made of the cork or bark, fra treis rent
Buklaris thay bare, with bos or plate of steil
And schynand swerdis of mettall burnist weile
Thay pepill eik, that clepit bene Nursinis
Quhilkis in the strait, and hie montanis remanis
Send to the feild, ane chiftane of defence
Of wourthy fame, the renownit vfence
Happy in armys, and redputit was he
Bu•luons aboue all vtheris, his menȝe
The pepyl clepit, of Equyeola
That hard furris had, telit mony da
And al enarmyt labour, thay thare land
Thay hant ful oft, hunting in woddis at hand
Euer lyke thame to cache, and draw away
The recent sprech and frethe, and callour pray
And on spulȝe to leif, and on repyne
On to this battel bownis, the preist diuyne
Vmbro to name, the strenthiest ane man
Of al the pepyl, in Marrubia clan
Send from the kyng, Archippus with his feris
As thare chiftane, and reullare in the weris
Hys helme arrayit, with ane garland schene
Plet of the Olyue, happy branchis grene
Ilk kynd of eddir, and hilsand serpent fell
Wyth incantacioun, he couth gar ryffe or •well
Or cast a poun thame, sleping with his song
And wyth charmes, and his herbys strang
Thare wraith and vennom, couth he dant and meis
And hele thare stanging, and sic hurtis to eis
Bot he couth fynd na curis, nor remede
To saif him fra the troyane, speris hede
Hys slepy charmes, had no force no mycht
Nor herbys gadderit, on marsis montis hicht
To help thay hurtis, he caucht in the melle
O souerane preist, quhat reuth was it of the
For the, the woddis, wepit of augitus
The cristall strandis, murnit of sustynus
The bewalit clere laikis, and spryng wellis
Nymphis virginis matronus, and damisellis
Furth to the battall eik, suld virbyus
The son maist semly, of hipolitus
The cheif maternale, ciete ful of mycht
Arisia furth sent thys, wourthy knycht
In schawis schene, endlang the wattir bra
Of flude hymetes, by Ageria
That nymphe he fosterit, was ful tenderly
As quhare of manswete, Diane fast tharby
The altare eicht, for tyl appleis vpstandis
Oft ful of sacryfyce, and fat offerandis
For many haldis, opinioun sayand thus
By commoun voce, and fame ypolytus
Efter that he slane was, and to dede dycht
By fals diffait, of his stopmoderis siycht
And had eik sufferit, by hys blude and breith
The cruel panys, of his faderis wreith
As to be harlit with hors, that caucht effray
And skeithit at ane merswyne, by the way
ȝit neuertheles, for the luf of Diane
He was restorit, to his ilk lyf agane
And come to duel, vnder our heuin and are
That here aboue contenis, thir sternis fare
Quhilk cure was done, by Asculapius sle
Throw the mycht, of the rose pione
Than Iupiter, almichty fader he
Hauand disdene, ony mortall suld be
Rasit to lyffe, or ouir warldis lycht
From the dyrknes, of the nethir hellis nycht
The fyndare of this, crafty medicyne
Quhilk was beget, be the god appolyne
That is to knaw, this Asculapyus
Wyth thunderis dynt, baith fell and dangerus
Vnder the erth smat, doun for to remane
In hellis ground, and wattir stigiane
Bot than the thrinfald, Diane ful of blys
In secrete place, ypolitus with this
Hyd and betaucht, Agera the may
To be kepit in that ilk, forest gay
Quhare him allane, in woddis of Italy
Hys lyffe he led, vnknawin of any wy
And quhare he fyrst was, hate ypolitus
Changeit his name, yclepit virbyus
And be the self resoun, ȝit also
From the tempil, of Diane euermo
Thir borny hewit hors, bene debarrit
For samekyl as thay at the sey, monstour skarrit
And brak the cart, throw thare vndantit mycht
And furth swakkit, ypolitus gentyl knycht
ȝit netheles, hir son virbyus
The ardent stedis feirs, and cheuelrus
Throw out the plane feild, drawis al in sere
And furth harlis, his chariot to the were

Turnus him self, the cheif Capitane
Amyd princis, and grete chiftants ilkane
Enarmed walkis, turnand to and fro
Wyth corpis of stature, elygant that so
Quhare as he went, out throw the routis on hye
Abuf thame all, his hede men mycht wele se
Quhare on his helme set, ful richely schane
Wyth creistis thre, lyke ane lokkerand mane
Thareon as tymbrall, standand Chimera
That wounderus monstour, wyth wyde chaftis bla
Furth blawand fyre, and flawme sulphurus
Lyke birnand Ethna, that mont perrellus
The mare w•d wraith, and furius wox sche
Wyth sorowful fyre, blesis spoutand hie
Euer as the batel, wourthis mare cruel
Be effusioun of blude, and dyntis fel
Hys schynand scheild, was al of fyne gold bet
Quharin thare was, in stede of armes set
Io the wensche sum tyme, but hornis, now
Wyth hare ouer grow, transformyt in ane kow
Quhilk was grete argument, and probacioun
That he was of his blude, and gregioun
The kepare eik of thys, made Argus
Was porturit thare, and father Inathus
Furth of ane payntit pyg, quhare as he stude
Ane grete ryuere defoundand, or ane flude
Ane oist of fute men, thik as the hale schour
Followis this turnus, driuand vp the stour
Wyth scheildis schrowdit, many huge rout
Thyk forgaderis, the large feildis about
Thay ȝoungkeris, quhilkis of grekis war dyscend
The power of Armyta, thiddir send
The garnisouns also, of Rutulianis
And the ancient pepyl, hait Sitanys
Of Sacrane, the army bald in feldis
The Libitanis, eik wyth thare payntit scheildis
Quhilk telis on the bankis, tyber flude
Or ȝit endlang, thy gresy brayis gude
Of Munitus now, hallowit fresche ryuere
And thay that with scharp, cultir teile or schere
Of rutuly the hylly, knollis hye
Of Camy ege, and holtis fare to se
That Cyrteus, to surname clepit ar
Quhare auxurus, the berdles Iupiter
For patrons is hallowit, ouer the planis
And Iuno eyk, ful ioyously remanis
In Feronia hir sueit, schaw aye grene
Nere by the blak laik, clepit satureyne
Quhar as the schyl riuer, hait vsens
Sekis with narrow passage, and discens
A myd holl valis his renk and Ische
And hydis hym self wythin the tyrianese
Aboue al thir, the stout wensche Camylla
Of the famyl, and kinrent of wole a
Come led and armyt oistis, and sterne feildis
In birnyst plate, arrayit and schynand scheildis
Forsoith ane wourthy weryour was sche
Hir womanly handis, nowthir rok of tre
Ne spyndil vsit, nor brochis of Mynerue
Quhilk in the craft, of claith makyng serue
Bot ȝit this made was, wele accustumate
To suffar bargane doure, and hard debate
And throw the spede of fute, in hir rynnyng
The swift wyndis preuert, and bakwart dyng
Or than also so spedely, couth sche fle
Ouer the cornes, ouertred thare croppis hie
That with hir cours, na rede nor tendir stray
Was harmet oucht, nor hurt by any way
And throw the boldnand fludis amyd the see
Borne soueralie, furth hald hir way mycht se
The swyft solis, of hir tendir feit
Not twichand onys, the water hir to weite
Al ȝoung folkis, on hir for to ferlie
Furth of hous and feildis, flokkis in hie
Litil chylder and matronus, awoundring
On fer behaldis, hir stout pais in ane ling
So manfully, and baldly walkis sche
With sprete abasit, thay go hir for to se
Quhat wyse, hir •leki• schulderis war array
With kinglie purpoure, honorabil and gay
And how the hare was, of this damycell
Knit with ane buttoun, in ane goldyn kell
And how ane quauir clois, sche bare Alsua
Wyth groundyn dartys, wrocht in lycya
And ane hale syplyne, of ane grete myr tre
Quhilk hirdis mycht, ouerheild with bewis hie
In manere of ane spere, in hand sche bare
Hedit with forgit steil, ful scharp and square.