Book VIII

Prologue

Of dreuilling and dremes, quhat doith to endite
For as I lenit in an ley, in Lent this last nycht
I slaid one ane swennyng, slomerand ane lite
And sone ane selkouth sege, I saw to my sycht
Swownand as he swelt wald, mare woful ane wycht
Was neuer wrocht in this warld, mare woful ane wicht
Ramand resoun and rycht, ar rent be fals ryte
Frendschip flemyt is in France, and faith has the flicht
Leyis lurdanry and lust, ar our laid sterne
Pece is put, out of play
Welth and welefare away
Luf and lawte, bayth tway.
Langour lent is in land, al lichtnes is loist
Sturtin study has the stere, dystroyand our sport
Musing merris our myrth, half mangit almoist
So thochtis thretis in thra, our breistis ouerthort
Baleful besynes, bayth blis, and blythnes gan boist
Thare is na sege, for na schame, that schrynkis at schorte
May he cum to hys cast, be clokyng but coist
He rakkys nowthir, the richt, nor rekles report
All is wele done, god wate weild he his wyll
That berne is best, can not blyn
Wrangwis, gudis to wyn Hys lust to fulfil.
Quhy fuld he spare for ony syn
All ledis langis, in land to lauch, quhat thame leif is
Luffaris langis only, to lok in thare lace.
Thare ladyis lufely, and louk but lett or releuis
Quha sportis tham one the spray, sparis for na space
The galȝeard grume gruntschis, at games he greuis
The fillok hir deformyt, fax, wald haue ane fare face
To mak hir maikles, of hir man at myster mycheif
The gude wyffe gru••ing, before god gretis eftir grace
The lard langis eftir land, to leif to his are
The preist for ane personage
The seruand eftir his wage Langis ful sare
The thrall to be of thirlage
The myllare mychis, the multure wyth ane meiskant
For drouth had dronkin vp, his dam, in the dry ȝere
The cageare callis furth, his capyl wyth crakkis wele cant
Calland the colȝeare ane knaif, and culroun full quere
Sum schipherd slais the lardis schepe, and sais he is ane san•
Sum grenis quhil the gers grow, for his gray mere
Sum sparis nowthir sprituall, spousit wyffe nor ant
Sum sellis folkis sustenance, as god sendis the fere
Sum glasteris and thay gang at, al for gate woll
Sum spendis on the auld vse
Sum makis ane tume ruse To fars his wame full
Sum granys eftir ane guse
The wrache walis and wryngis, for this warldis wrak
The muke rare murnys in his mynd, the meil gaif na pryce
The pirare peissis to peil, the peddir his pak
The hasartouris haldis, thame haryit, hant thay not the dy•e
The burges bringis in his buith, the broun and the blak
Byand besely and bane buge, leuer and ane byce
Sum ledis langis on the land, for luf or lak
The sembyl with thare chaftis, and set apoun syse
The schipman schrenkis the schour, and settes to the schore
The hine crynis the corne
The broustare the bere schorne Couatis ful ȝ•re
The feist, the fidler to morne
The railȝeare rekkinnis na wourdis, bot ratlis furth ranys
Ful rude and ryot ressouns, bayth roundalis and ryme
Sweyngeouris and skurriouris, swankyis and swanys
Geuis na cure to cun craft, nor comptis for na cryme
Wyth be•rdis as beggaris, thocht byg be thare banys
Na labour list thay luke, tyl thare luffis ar bierd lyme
Get ane bismare ane barne, than al hyr blys gane is
Sche wyl not wyrk thocht sche want, bot waistis hir tyme
In thiggin as it thryft war, and vthir vane thewis
And slepis quhen sche suld spyn
Wyth na wyl, the warld to wyn And sycschire schrewis
This cuntre is ful of Cayn kyn
Quhat wykkitnes quhat wan, thryst now in warld walkis
Bale has banist blythnes, boist grete brag blawis
Practis ar repute to policy, and perrellus paukis
Dygnite is lade doun, derth to the dur drawis
Of trattillis and of tragydyis, the text of al talk is
Lordis are left landles, be vnlele lawis
Burges bryngis hame the bage, to breid in thar bawggis
Knychtis ar Cowhubyis, and commouns plukkis crawis
Clerkis for vncunnandnes, mysknawis ilk wycht
Wyffis wald haif al thare wyl
yneuch is not half fyl In erd haldin rycht
Is nowthir resoun nor skyl
Sum latit Lattoun, but lay lepis in lawde lyte
Sum pynis furth ane pan boddoum, to prent fals plakkis
Sum goukis quhil the glas, pyg grow al of gold ȝyt
Throw cur•e of quentassence, thocht clay muggis crakkis
Sum wernoure for this warldis wrak, wendis by hys […]
Sum treitcheoure crynis the […], and kepis corne stakkis
Sum prig penny, sumpyke thank, with preuy promit
Sum Iarris with ane ged staff, to iag throw blak Iakkis
Quhat fenȝete fare, quhat flattry, and quhat fals talis
Quhat mysery, is now in land
How many crakkit, cunnand Nor selis aualis
For nowthir, aithis nor band
Preistis suld be patteraris, and for the pepyl pray
To be papis of patrymone, and prelatis pretendis
Ten teyndis ar ane trumpe, bot gyf he tak ma
Ane kinrik of parisch kyrkis, cuplit with commendis
Quha ar wirkaris of this were, quha walknaris of wa
Bot incompetabyl cleregy, that cristindome offendis
Quha reiffis quha ar riotus, quha rekles bot thay
Quha quellis the pure commouns, bot kyrkinē wele kend is
Thare is na state of thare style, that standis content
Knycht, clerk, nor commoun
Burges, nor barroun
All wald haue vp that is doun
And as this leid at the last, liggand me seis
With ane luke vnlussum, he lent me sic wourdis
Quhat berne be thou in bed, with hede full of beis
Graithit lyke sum knappare, and as thy grace gurdis
Lurkand lyke ane longe oure, quod I, loune thou leis
Ha wald thou fecht, quod the freik, we haue bot few swerdis
Thare is sic haist in thy hede, I hope thou waldneis
That brangillis thus wt thi boist, quhen bernis wt the burdis
Quod I churle go chat the, and chide with ane vthir
Muse the not so hie than
Gyf thou be, ane gentyl man Myne awin leif brother.
Or any curtesy can
I speik to the into sport spel me thys thyng
Quhat likis ledis, in land, quhat maist langis thou
Quod I smaik, lat me slepe, sym skynnar the hing
I wene thou biddis na bettir, bot I brek thy brow
To me is myrk myrrour, ilk mannis menyng
Sum wald be court man, sum clerk, and sum ane cath kow
Sum Knicht, sum Capitane, sum caser sum king
Sum wald haue welth, at thare wil, and sum thar waime fo••
Sum langis for the leuer ill, to lik, of ane quart
Sum for thar bontay, ar boune I tel the my part
Sum to se the new mone
I lang to haif, our buke done.
Thy buke is bot br•bry said the, berne than
Bot I sall lere the ane lessoan to leis, al thy pane
With that he raucht me ane roll, to rede I begane
The royetest ane ragment with mony rait, rime
Of all the mowis in this mold, sen god markit man
The mouing of the mapamo••id, and how the mone schan•
The pleuch and the poles, the planettis began
The son the seuin sternes, and the charle wan
The elwand, the elementis, and arthuris huffe
The horne, and the hand staffe
Prater I hone, and portiaffe And kow weris clufe,
Quhy the corne, has the caffe
Thir romanis ar bot […], quod I to that Ray
Leid l•re ane vthir lessoun, this I the like
I persaif syr persoun, thy purpois perfay
Quod he and drew one doun, derne in delf by ane dyke
Had me hard by the hand, quhare ane hurd lay
Than priuely the pe•mys, begouth vp to pike
Bot quhen I walknyt, al that welth was wiskit away
I fand not in all that feild in faith, ane be bike
For as I grunschit at that grume, and glisnyt about
I gryppit graithlie the gil
And every modywart hil Or penny come out
Bot I mycht pik thare my fyl.
Than wox I tene, that I tuke to sic ane truffuris tent
For swewinnys and for swyngeouris that slumberis not wele
Mony maruellus mater neuer merkit nor ment
Wil segeis se in thare slepe, and sentence but feal
War al sic sawis, suthfast with schame war I schent
This was bot faynt fantasy, in faith that I feil
Neuer wourd in verite, bot al in vaist went
Throw riotnes and rauing, that made myne ene reil
Thus lysnyt I as losingere sic lewdnes to luke
Bot quhen I saw name vthir but
I sprent spedily on fute Begouth this aucht buke
And vnder ane tre tre rute

Book VIII

Als swyith as turnus, ouer the maister toure
Of Laurentum his banere, quhite as floure
In signe of batel, did on brede display
The trumphis blast, and hornis made deray
And sterne stedis stamping, for the dyn
The clamour clatteris fast, ilk man can ryn
Incontinent togidder, with myndis amouit
Al Latyum, assemblit sone contru•tt
Ane coniuratioun, or haisly conuyne
As in fereful effray, thare land to tyne
And wod wroith, wox thir ȝoungkeris he and he
With birnand hartis, feirs to the melle
The first chiftanis for assay, or defence
The grete mesapus, and the strang Vfens
With mezentius, of goddis contemnare
The routis for supple, bayth nere and far
Compellis to assembil, with thare poweris
And large feildis, laid waist of lauboreis
And venulus, also was send an Greke
To grete Diomedes, ciete to beseik
Supple and help, and to schaw al and sum
How Troianis war discendit, in latium
Enee with nauy arriuit, vp at hand
And brocht his vinquest goddis, in thare land
Sayand at by the fatis, and destany
The thidder callet was, as King to be
And that he suld, eik to Diomedes schaw
That mony pepil, war adionit and draw
Vnto this ilk forsaid strangear knycht
For he was cummyn, of Dardanus the wicht
And wide quhare ouer al partis of Italye
His name begouth, to spred and multiplie
And sen he had begun, sic thing on hand
Quhat syne he etlyt, mycht be vnderstand
That is to knaw, gif fortun war sa heynd
By auenture of were, to be his freynd
Mare euidentlie, he couet to procede
Aganis his ancient Inemy Diomede
Than to ouerset the ȝoung Knicht turnus
Or ȝit ouercum the auld king Latynus
As this conuine, and ordinance was made
Of latyum throw out the boundis brade
Quhilk euery poynt, this troiane Lord anone
Cummin of the hous, of King Leamedone
In heuy curis flowand, all on flocht
Au•sing wele quhou al this thing was wrocht
And haistely in mynd on euery sydis
Now for thys purpois, now for that prouidis
Now here now thare, reuist in sondry partis
Now seirsis turnand, to and fro all Artis
Like as the radious sonnys bemes, brycht
Or than the glimmerand, monys schaddow lycht
Reflexit from the brasin veschell, we se
Fillit wyth wattir, to the cirkyl on hye
Ouer all the hous reboundis, and dois sprede
Schynand and seircheis, euery stede on brede
Quhill in the ayre vpgois, the twynkland lycht
Glitte rand on euery spar, and rufe on hicht
The nycht come, and all thing leuand ceist
Wery of werk bayth byrd, and brutel beist
Ouer all the landis, war at rest ilkane
The profound swouth, of slepe had thame ouertane
Quhen thys ilk prince, Eneas all on flocht
With mynd soupis in cure, and hewy thocht
And for this sorowfull, batel richt vnglaid
A poun the ryuer bank, him selfe doun laid
Vnder the cald fyrmament, for the nanys
And gaifschort rest, vnto his wery banys
Quham to the god, of that stede dyd appere
Tyberynus furth, of the still riuere
A myd the braunschis, of the popyll treis
As agit man semyng, him self vpheis
Ane lenȝe wattry, garmond did him wail
Of cullour fauth schape, like ane hempyn sail
And leiffy redis dekkis, wele his haris
To meis Eneas thochtis, and hys saris
Thus he be begouth, to speik and said but dyn
O gentyl gett cummyn, of the goddis kyn
Quhilk from thy fais, to vs with mekyl ioy
Has hydder brocht, the grete ciete of troy
And pargama the troyane, wallis wycht
Eternaly conseruis, throw thy mycht
Desyrit maist of lang tyme, now welcum
Vnto the ground, and sole of Laurentum
And all the feildis, eik of latyne land
Here is thy sikker, duellyng place at hand
And souir ferme, habitacion for ay
Wythdraw the not, fra hyne pas not away
Nor drede na thyng, the boist of this batale
The rankour all, of goddis I the tell
And boldynand wreth, appesit ar almaist
And so thou wene not, that my wordis be waist
Nor fenȝet dremes, doto the appere
Vnder sauch treis, by thir bankis nere
Anone thou sall do fynd, ane mekyll swyne
Wyth thretty hede ferryit, of grisis fyne
Of cullour quhyte, thare lugeing on the ground
Hyr quhyte brodmell, about hyr pappis wound
That is the place, to set vp the ciete
Quhilk of our labour, souir rest sall be
Quhare that as thretty ȝeris, by rune and gane is
Ascaneus sall do beild, of lyme and stanys
The ciete hat, fare Alba of delyte
Berand his name fra, the fare cullour quhyte
Thu• I declare the, nane vncertane thing
Bot werray soithfast, taikynnys, and warnyng
Now harkis bot, ane lytyl I the pray
I sall the lerne, in quhat wordis, quhat way
Thou may cum spede, and haue the hale ouerhand
Twiching this instain, mater now at hand
Thare bene pepyll, of Archade from theryng
Cummyn in this land, distend of pallas kyng
Quhilk with Euander, kyng in cumpany
Followand the signes, schaw has fast hereby
Chosin ane stede, and beildit ane ciete
Amang the knollis round, or motis hie
Efter thare forefader, of nobil fame
Pallas Palenteum, to name
Continuelly, thir folkis euery ȝere
Agane the latyne pepil, ledis were
Adione to thir, the hoist in fallouschip
Do mak with thaim, ane lyig and bynd frendschip
I sal my self conuoy the, the richt way
Betuix thir brayis, vp the fludis gray
So that agane the streme throu help of me
By airiz routh, thidder caryit sal thou be
Haue done get vp thou son, of the gdddes
First as the sternes, derlines the addres
I mene into the dawing richt airly
Dewile to Iuno, se thou sacrily
Hir wraith and, al sic manance til ouerset
With deuote supplicatiouns, made of det
And quhen thou has, optenit victorie
To me thou sal do, wirschip by and by
I am god Tybris, wattry hewit and haw
Quhilk as thou seis, with mony iawp and iaw
Bettis thir brayis, schawing the bankis doun
And with ful flude, flowing fra toun to toun
Throw fertil feildis, schering thare and here
Vnder the list, the maist gentyl Reuere
Here is my habitacioun, huge and grete
Of mychty cieteis, cheif and souerane sette
This beand sayd, this ilk god of the flude
Vnder the depe, can douk doun, quhare he stude
And socht vnto the wattir, ground anone
So dernlye hid, none wist quhare he was gone.

The nycht •led, and the slepe left Enee
On fute he stertes, and anon gan he se
Furth of the orient, and brycht mornyng
The sonnis heuenlie beames, newly spryng
And in the holl luffis, of his handis quhare he stude
Dewly the wattir hint he fra the flude
Syne to the heuin this wise his, prayeris made
O nymphis al of fludis, blytht and glade
And o ȝe holy nymphis, of laurentum land
Quham fra the fresche riueris, and euery strand
That flowis rynnyng, as we do say clere
Has thare begynnyng, furth of sowrssus sere
And o thou haly fader tyberyne
With tybris eik, thy blissit flude diuine
Ressaue Eneas to ȝou vnbekend
And now at last, from all perillis defend
And gif thou takis, of our grete skaithis
Here I au ow, and promittis with aithis
Quhare euer thy louch, or fountane may be found
Quhare euer, so thi spring, is in quhat ground
O flude maist plesand, the sal I ouer alquhare
Hallow with honorabill, offerandis euermare
Hornit riuere ringand, as lord and kyng
Ouer al the fludis into the Italie ryng
Be in our help, now at last I requyre
Efter sa fell perrellis, and dangeris sere
Conforme thy promys, and orakill in hy
Quhen this was sayd, furth of all his nauy
Tua galeyis, did he cheis the ilk tyde
With doubill raw, of airis on athir syde
And for the rollyng wele, graithit thame has he
Syne for the were, instrukkit his menȝe
Bot lo in haist, before his ene he saw
Ane meruellus and wounders thing to knaw
Ane mylk quhite sow within the woddis lay
Apoun the grene watteris bank, and his way
With his littir new ferryit, in that stede
All of ane cullour, grysis thretty hede
Qham the deuote Eneas, on this gyse
Vnto gretest Iuno, in sacrifyce
Britnis and with hir flok, and followaris
Has set and offerit vp, on the altaris
Tyber hir swelland fludis of that mycht
How lang that euer it was, quhil dayis lycht
Stabillis and calmis at his awin wyl
The streme bakwa•tis, vpflowis soft and still
Of sic wise mesand, his wattir that be
Ane standand stank, semyd for to be
Or than a smoth pule, or dub loun, and fare
So that thy airis, mycht findin na contrare
Therfor Eneas can, his tyme espy
And haistis on this wayage besely
Wyth prosper cours, and sobir quhispering
The pikkit bargis, of fir, fast can thring
And slidis throw the schaldis, stil and clere
The watter ferlies, of thare farde and bere
The forest not accustumate to se
Sic thyngis wounderis, quhat that thys suld be
As to behald, schynand scheildis on fer
On mennys sthulderis ay, cummand nere and nere
The payntit caruillis fleting throw the flud
Bayth nycht and day, ilk man as thay war woud
Can speid in rout, with irksum labouring
The lang stremes, and welis round swirlyng
Ouer slyding fast vpwartis the ryuere
Hid and ouerheildit with mony treis sere
Endlang the styll fludis, calme and bene
Thay seik and schere, out throw the woddis grene

The fyry son, be this ascendit eum
The myddil warld, and regioun of the heuin
That is to know, be than it was myd day
Quhen that on fer, the ciete wallis se thay
With towris, and the hous hedis on raw
Skatterit dispers, and bot ane few to knaw
Quhilk now the mychty power of rome town
Has vnto heuin, mad equale of renowne
The King Euander, of noblis not mychty
Held for that tyme, bot sobir senȝeory
In haist thidder, thare steuinnis can do stere
Eneas sort, and to the toun drew nere
This king Euander, borne was of Archade
Percase the self day, ane grete honour maid
Solempnit feist, and ful hie sacrifice
Vnto the grete Hercules, on thare gyse
That foster son was, vnto amphitrion
And to the vthir goddis, euery one
Before the ciete, in ane hallowit fchaw
Pallas his son, was thidder also draw
Togidder with the principallis, of ȝounkeris
The sobir senatouris, and pure officiaris
All samyn kest ensence, and with ane stew
Besyde the altare, blude sched, and skalit new
Beand lew warme, thare fulfast did reik
Bot ȝit als swyth, as thay persauit eik
The grete bargis slidand, thus on raw
And throw the derne woddis, fast thidder draw
So stilly bendand, vp thare airis ilk wicht
Thay wourth affrayit, of that suddane sycht
And euery man, thay left the burdis in hye
On fute gan sterting, from the maniorie
Quhen hardy pallas, did forebyd and defend
Thare sacrifice to brek, quhil it war end
He hynt ane wappin, with ane few menȝe
Thaym to recounter anone, furth haldis he
And ȝit wele fer, from ane hil or ane know
To thaym he callis, standȝing men how
Quhat caus has mouit ȝou, apoun sic way
Thir strang wentis vnknawin, to assay
Quhidder etil ȝe, or quhat kinrent ȝe be
Schaw quhens ȝe come, or quhilk is ȝour countre
Quhidder ȝe do bring, vnto oure boundis here
Boidworde of peace, or cummys in fere of were
Eneas tho, the fader of wourschip
Maid ansuere, fra the pulpit of the schip
And in his hand, straucht furth that he mycht se
In takin of pece, ane branche of Oliue tre
My freynd quod he, thou seis pepil of troy
To Latyne folkis, enemyis, man and boy
Quhilk flemyt of our realme newly agane
Thay ilk Latynis has socht, wyth proude bergane
Vnto the king Euander, al seik we
Him to require, of succours and supple
Bare him this message, and declare him plane
That chosin men, discend from king Dardane
Bene hidder cummyn, beseking his freyndschip
To knyt vp band, in armes, and fallouschip
Pallas astonist, of sa hie ane name
As Dardanus, abasit worth, for schame
Cum furth (quod he) quhat euer thou be berne bald
And say before my fader, quhat thou wald
And enter in our lugeing, the to rest
Quhare thou sal be ressauit, welcum gest
And furth anone, he hynt hym by the hand
Ane wele lang quhile, his rycht arme embrasand
Syne furth togidder, rakit thay on raw
The flude thay leif, and enteris on the schaw
Eneas tho, with freyndly commonyng
Spake curteslye, thus sayand to the kyng
O thou maist curtes, prince, and best in nede
That euer was byget, of grekis sede
Quham to fortonn wald I, suld cummin here
The lawlie to besekin, and requere
And wald also I suld furth reik to the
Wippit with bendis, the branche of oliue tre
In takin that, of thy supple I nede
Forsoith I caucht, no maner fere nor drede
Thocht thou ane capitane, of the grekis be
Yborne also, of Archade the cuntre
Of blude conionit, to the Athrides tway
I meane agamenone, and menelay
Bot myne aum vertew, and haly, or akillis
Of the goddis, be diuyne myrakillis
And our forbearis, al of ane kinrede
Thy fame diuulgate, into euery stede
Has me fermly, adioynit vnto the
The fatis eik, tharto inducis me
That wilfully, I obey thare commaund
Schir dardanus, the king first in our land
That belt the cietie of troy, and Ilion
Our cheif fader, as grekis grantis ilk one
Borne of Alectra, Atlas douchter ȝing
Caryit by schip, come first to troyis ring
And this alectra, grete atlas begat
That on his schuldir beris, the heuynnis plat
Marcury is fader, to ȝour clan alsua
Quham the schene mayden, the fare fresche maye
Apoun the frosty hillis top, al bare
Quhilk Cillenus hate, in archada bare
And this Ilk maya, soithlie gif that we
Ony credence, to it we here or se
May gif, Atlas begat the famyn atlas
That rollis, the heuynlie sterrit cumpas
So baith our kinrentis, schortlie to conclude
Diuidit ar furth, of ane stok and blude
Quhare for hauand confidence, in thir thingis
Now thir by ambassiat message, nor writingis
Nor vthir craft, thy frendschip, first socht I
Bot my self in persoun, come in by
That vnto the, submittit has my hede
And the to pray, socht lawlie to this stede
For the ilk pepil, vnder dawnus king
That the rutulianis, has in gouerning
Quhilk ledis were, aganis thy cuntre
With cruel batel, now persewis me
And gif thay micht, expel vs of this land
Thay wene tharby, that not may thaym gane stand
Bot that thay sal, vnder thare senȝeory
Subdew all hale, in thirldome Italy
And occupy thay boundis orientale
Quhare as the ouir se, flowis alhale
And eik thay westir partis, traistis me
Quhilkis are bedyit, with the nethir se
Ressaue, and knit vp faith, and ferme cunnand
Tak our promit, and gif vs faith, and band
Strang bodyis til abide bargane haue we
With haidy myndis, in battel or melle
Exercit in wexe, and expert in sic nedis
In lusty ȝouth liklie, to do our dedis
Thus said Eneas, and Euander than
Fra tyme that he, first for to speik began
His ene, his mouth, and al his body richt
Gan to behald, espying wyth his sycht
Syne schortly made, his ansuere, thus agane
O thou, glaidly, the maist forcy troyane
I do ressaue, as tendir freynd and fere
Full blyithly now, I knaw and wele may here
The voce, the wordis, and the speche, but leis
Of thy fader, the gretest Anchises
And ful perfitly, now I draw to mynd
The vissage, of that wourthy knycht, maist kynd
Ful wele I do remember, lang tyme gone
How pryame son, of kyng Leamedone
To wesy his systeris land, Hesyona
Socht to the ciete, hecht salamonya
And at the samyn rais, his vayage made
Throw the cald frosty boundis, of Archade
My grene ȝouth, that tyme and pylis ȝing
Fyrst cled my chyn, or berd, begouth to spryng
I ioyit to se, tha troyane dukis Ilkone
And on the son, of kyng Leamedone
That is to say, this ilk ȝoung Pryamus
For to behald, was maruell gloryus
Bot thy fader Anchises, quhare he went
Was hier fer, than al the remanent
My mind brynt of ȝouthede, throw desyre
To speik and commun, with that lordly syre
To be acquentit, and ione hand in tyl hand
Couenand to knyt, and bynd forwart our band
To him I went, desirus of freinschip
And sped that samin, so in fallowschip
Within the wallis, of phenes I him led
And he did depart, or thens him sped
Ane curtly qwauir, and ful curiously wrocht
Wyth Arrowis made, in Lecia wantit nocht
Ane garment he me gaif, or knychtly wede
Prynnyt and wouyn, ful of fyne gold threde
Twa goldin bridillis eik, as he did pas
Quhilk now my son occupyis ȝoung, pallas
Quharfor our allyance faith and, rycht hand
As ȝe desire or ellis adionit in, hand
We bene of auld confederatis, perfay
Quharfor to morne als sone, as the brycht day
Begynnis all lycht the landis, and the skye
With succoure, and with supple blithly I
Sal ȝone fra hyne one, to ȝour army send
And with my gudis, and my moblis amend
And in the mene time, sen my freyndis dere
Vnto our sacrifyce, ȝe be cummin here
Quhilk ȝerely vsyng, we as anniuersere
That bene vnlefull, to defer or tary
Tharfore with vs, do alhallow our hie feist
And with glaid sembland, blythly mayst and leist
Accustome ȝou from thens, and now instant
Our tablys, as ȝour freyndly burdis hant
Quhen thys was said, mesis and cowpis ilkane
Quhilk war away tak, bad he bring agane
And he him self, the troyane men fute hate
On sonkis of gersy scheraldis, has doun set
Thare principale capitane, syne Enee
Besyde him self, on deis resauis he
The benk ybeildit, of the grene holyne
Wyth lokkerit lyoun skyn, ouer spred was syne
Than ȝoung men walit, besy here and thare
And eik preistis, of Hercules altare
The rostit bullis flesche, set by and by
The bakin brede of baskettis, temys in hye
And wynis birlis, in to grete plente
Eneas samyn, with his troyane menȝe
Dyd of perpetuall Oxin, fillatis eit
And purgit entrellis, clepit clengeng mete

After that stancheit, was the hungeris rage
And appetite of men, begouth assuage
Said kyng Euander, na supersticiouns vane
Nor mysknawledge, of goddis anciane
This hye feist, and grete solempnite
Nor this banket, and mesis as ȝe se
Has institut, tyll vs and this altare
Of so excellent maieste, standyng here
Bot my dere freynd, and nobyl gest troyane
We preseruit, fra cruell perrellus pane
Hantis this seruyce, apoun this manere
As proper det, and obseruance ilk ȝere
Fyrst do behald, ȝone schorand henchis brow
Quhare all ȝone craggy rochis, hingis now
How the huge wechty brayis, bene doun cast
The holkit fowis, in the mont syde left waist
Quhare as the craggy quhynnys, doun declyne
Has drawin of the hyll, ane huge rewyne
ȝone was ane cauerne, or caue in auld dayis
Wyth gousty entre, fer furth in all wayis
Ane grislie den and ane, forworthin gap
Of Cacus that na mare had, bot the schap
Of mannis forme for skant half, man was he
Throw cruel dedis of iniquite
That in ȝone feyndlich hol, duelt him allane
Ane hellis byke, quhare sonnys bene neuer nane
Quhare the wyle fleure euer lew warme was spred
With retent slauchter, of the blude newlie schede
Before that tyrantis ȝet, of men that dede is
Affixit stude, mony dolorus hedis
With visage blaiknyt blude, berun and bla
The laithlie odoure of filth, still and ther fra
Vnto this huttit monstoure, this Cacus
The god of fyre, was fader Vulcanus
And at his mouth, ane wounder thing to se
His faderiz reky flamb, furth ȝeskis he
As to his body, quharso euer he passit
Of bustuous statur, like none vthir was it
Proces of tyme, at last has vs inspirit
And send vs help, as we ful lang desirit
Becuunnyn of the mychtful goddis, presence
For the dantaris of the monstouris, or defence
The maist redoutit Hercules, come at hand
Be auenture, vnto this Ilk land
New from the slauchter, into strang melle
Of Gerioun, the quhilk had hedis thre
With proude spulȝe, arriuing triumphal
This conqueroure maid, thidder driue and cal
His bullus, and his oxin huge, and grete
And eik his ky, to pasture and to ete
Endlang ȝone wale, that is large and wyde
And tuk thare lugeing, on this riuer syde
Bot the vndantit furius mynde, of this theif
Schrewit cacus, al way for myscheif
By his thrawart engyne, and sle consait
So that no manere of wikkitnes, nor dissa•
Micht be, that he ne durst not tak on hand
Ne vnassayit leif, out from that land
Foure semelie oxin, of body grete and square
Als mony tendir quyes, excedand fare
Of al thay cattal, away with him draif
And that thay tred, fuld na way be persaif
Vnto his caue, ay bak wartis be the talis
To turne thare fute steppis, he thaym harlis and tralis
And thus his spreith, he had vnto his In
And with ane quhine stane, closit has the gyn
Sic way he wrocht, that quhay thare tred lyft goif
Na taikynnis suld, conuoy thame to his coif
In the mene quhyle, as al the beistis war
Repaterit wele, eftir thaire nychtis lare
For hercules, depart from hens behuffit
At morow airly, first as thay remouit
The catal gan to rowting, cry and rare
The woddis rang, of thare sound ouer alquhare
And wyth thare noyis dynnyt, hyllis and knowis
Quhilk in the caue, as that ane quyok lowis
Wyth loud voce squeland, in that gousty hald
Al Cacus traist reuylit scho, and tald
Bot tho in greif, this wourthy hercules
Alcius neuo, the douchty alcydes
That so oft syis, was clepit commonly
Within his skyn, begouth to birn and fry
In brym furie, of his bittir gal
His wappynnis and his armour, hynt wythal
His wechty burdoun, and his knorry ma•e
And to the hillis heicht, held ane rase
Than was the first time, that ony in this erd
Of our pepyl persauit, cacus efferd
Within his hede trublyt, his ene tuay
Swift as the wynd, he fled and gar away
And to his caue, him sped with cry sprete
The drede adionit wyngis, to his feet
And fra he had him self, sesit tharein
Ane stane of huge wecht, for to clois the gyn
He lete do fal, and with sic haist doun thrang
The chenȝeis brak, quharewith it fessynnyt hang
That forgit war, by his faderis engyne
With grete irne slottis, schet the entre syne
Bot lo in haist, hercules come at hand
With furious mynd, carying ouer the land
Passage and entre, seking besely
Now here his ene, now thare rolling in hie
Gnassing his teith, and birnand full of Ire
Of auentinis hill, thryis all the swyre
He sesis ouer, and thryis assayis he
To brek and rent, the craggy stone entre
Bot all for not, thocht he was neuer so wycht
So thryis irkit doun, from the hillis hicht
To rest him, as he to the vale is gone
Thare stude ane pynnakyll, of quhyn and flynt stone
Apoun the bak side, of this cauerne cald
That rais one end, rycht hie for to be hald
For wilde foulis, of reif ane ganand stede
That rent raw flesche, of beistis bones dede
The craggis al about, this rolk was worne
With wedderis blast, to holkit and to schorne
And as it stude on schore, sweyand that tyde
Doun with the bank, towar• the wattir syde
Hercules it smytis, with ane mychty touk
Apoun the richt half, for to mak it Iouk
Inforsing him, to welt it ouer the bra
And sa rudely, it brangillis to and fra
That from the rutis, he it lousit and rent
And tumblit doun, fra thyne or he wald stent
The large are, did reirding with the rusche
The brayis dynlit, and all doun can dusche
The riuere wor affrayit, with the rak
And demmyt with the rolkis, ran abak
Than this grete caue of Cacus, full riall
Was discouerit, his inwart cauernis all
Wount to be dick, worth patent now and knaw
None vthir wyse, than quhen the erd ouerthraw
Beforce of thunder, or erdquaik with clap
Ryuis vp ane terribill lenth, or grifly gap
Oppynnaud the hellis mansioun, infernale
And vnclosis, that dirk regioun pale
Quhilk of the goddis, all abuf is hate
Or that the hellis bisme, in sic estate
War oppynnyt, that his boddum semen mycht
And dampnit saulis, effrayit of new licht
Quharfore this wourthy, stalwart hercules
That on this wise, had Cacus set in pres
And fand vnwarnist, by this licht suddane
Quhare he was closit, in ane caue of stane
Fast rummesand apoune, ane strange manere
This campioun, with dartis fel of were
Gan doun to bet, and in his wod fury
Eftir al kynd, of wappinnis can do cry
With branchis rent of treis, and quarel stanys
Of huge weicht, doun warpand all atanys
Bot this ilk Cacus, quhen that he did se
Fra this dangere, thare was na way to fle
Furth of his throt, ane wounderus thing to tell
Ane laithlie smok, he ȝeiskis blak as hell
And all the hous, inuoluit with dirk myst
That sone the sicht vanyst, or ony wist
And reky nycht, within ane litil thraw
Gan thikkin ouer al, the cauerne and ouer blaw
And with the mirknes, mydlit sparkis of fire
The hie curage of hercules, lordlie sire
Mycht this no langar suffir, bot in the gap
With haisty stert, amyd the fyre he lap
And thare, as maist haboundit smokkis dirk
With huge sop of reik, and flambis myrk
So tha the caue, did gleuin of the hete
Thare has he hynt Cacus, that wikkit sprete
That al in vane, his hait kendling furth gaspit
For as ane bal, he him in armes elaspit
And so strenȝeit his thrott, furth chirt his ene
His hals worth dry of blude, than mycht be sene
This myrk doungeoun, and vnsemely hald
The entre oppynnyt, Hercules the bald
Bet doun the closeris, and syne brocht to lycht
His oxin fra him reft, be subtill sucht
And by the fete, furth harlit was anone
Of Cacus, the deformyt caryon
The hartis than, and myndis of oure menȝe
Mycht not be satifyit on him, to luke and se
As to behald, his ouglie ene twane
His teribill visage, and his grislie gane
The rouch brissis, on the breist and treist
Of that monstouris, half dele wylde beist
And in his gorge, stikkand the sloknyt fyre
Euer sen that tyme, to Herculus the grete syre
We haue this honoure maid, and sacrifice
All our of spring, and ȝoung men on this wise
This day kepis, euer solemnytlye
Paticius, first maister here with me
And the famel of pynaria, the bald
The cheif keparis of herculis, hallowit hald
ȝone altare in this cuchil, did vpbeild
That vnto was, in euery time of eild
Is clepit maist solempnit, and hie altare
And sal be repute, gretest euermare
Tharefore haue done, now ȝoung gallandis in hy
In wourschip of this feist, and maniory
Of grene branchis, plet for ȝour hede garlandis
Do waucht, and drink, bring coupis full in handis
Call on our patroun, commoun god diuyne is
And with gude will, do skynk birll the wynis
Thus sayand, the party popll, grane
Heildit his hede with […] Herculiane
The leuis from the plettis, doun hingand
Ane haly coup, fallit in his rycht hand
Than ilk man smertlie, castis the wyne at tab•
Prayand thare goddis to be aggreabil

In the mene sessoun, hesperus drewnere
The declynyng, of the heuinly spere
Thare with the preistis, of the sacrifice
Girdit in skynnys, eftir the auld gyse
Gan trasyng furth, to gidder in ane rout
And formest went, potitius the stoute
All do thay bere, the birnand hait fyre brandis
All to renew, the banket with thare handis
Full deliget deynteis, for the secund mete
Thay dres anone, and furth of platis grete
With paysit flesche, plennyst the altaris large
Tharon bestowing, in hepis mony ane charge
Syne the menstrallis, singaris and dansaris
To sing and play, with soundis as efferis
About the kendlit altaris, quhill thay brynt
Assemblit are full swith, and wald not stynt
With popill tre hattis, buklit on thare hede
The ȝounkeris ȝoundir, in ane vthir stede
Led roundis, dancis, and fresche karelling
Vthir agit persouns, addressit thame to sing
In ympnis ballettis, and layis, throw the preis
The louabill gestis, of mychty hercules
How the first monstres, of his stepmoder sle
Lugeing ane bab in creddil, stranglit he
That is to say, twa grete serpentes perfay
The quhilk he weryit, with his handis tway
And how this ilk Hercules of renoune
The riall cieteis assegeis, and bet doune
O• troy, and eik the strang Ethallia
Ane thousand hard Iournayis, suffering alsua
Vnder the king clepit, Eurestius
By Iunois thrawart will, maist enuyus
And thus sang, muincibil werroure
That bare of strenth, and hardiment the floure
The strang Centauries, thou flew and doun bet
Doubill of forme, and on the cloude beget
Thou brytnys eik, and with thy handis has slaue
Pholus and Helyus, stalwart gyandis twane
Of crete the monstouris, dantis thou at ful
The sauage beistis, as wylde bare and bul
Vnder ane rolk Nemee, forest within
Thou slew and rent, the hidduous liouns skyn
The laik of Stix, trymlit for drede of the
The grislie portare, of the hellis se
Lugeing in caue on dede, banys half gnaw
Did quaik forfire, quhen he thi vissage saw
Na kynd of by•sning figure, did the grife
Nor byg Typheus, that agane Iouy oft syis
Mouit betell, with wappynnys fell in hand
Mycht the affray, nor thy grete strenth gane stand
Nor the serpent of lerne, thou put to dede
Fand the want nouthir wisdome, nor manhed
Thocht scho of hedis, with hir mekill rout
Did the assale, and vmbeset about
Hale verray child of Iouy, hale honour hye
Adionit to the goddis, in maiestye
Baith vs, and eik thy sacrifice in fere
We pray the vesy, that thou may cum here
With prosper presence, and full happy fute
In our helping, for til be our bute
In sic sangis thare feist, and sacrify
And hercules hie louing, syng and cry
Bot principally, and of the laif
Thay maid mentioun, of Cacus slane in caif
And how that he the flambis, furth did blaw
The wod resoundis schil, and euiry schaw
Schoutis agane of thare clamour, and dyn
The hillis reirdis quhill dynlis roke, and quhyne
Syne quhen diuyne seruice, was at end
To the ciete bownis, Ilk man to wend
Furth held the king vnweildy, in auld ȝeris
Fast by him haldand, as his freyndis and feris
The prince Eneas, and his ȝoung son Pallas
And quhill thay thus towart, the ciete pas
With sundry sermons schortis, he the way
Eneas awounderis, of that he did say
And kest his ene about, deliuerly
Thay stedis all, to sercheing and espy
Sa fare placis to se, and vesy tyte
This strange knycht caucht plesance and delite
And glaidlye can, inquiringe euery thing
And hard the ansuere, of the agit king
Quhilk teiching him perordour, to him tald
Memoriallis of fere, forefaderis auld.

This king Euandrus, than the first foundare
Of Romes burgh, or palice can declare
And did rehers, vnto his gest Enee
Thir woddis and thir schawis all, quod he
Sum time inhabit, war and occupyit
With nymphis, and faunis and apoun euery syde
Quhilk farefolkis, or than elfis clepin we
That engendrit, in the samyn cuntre
And with ane kynd of men, yborne but leis
Furth of auld stokkis, and hard rutis of treis
Quhilkis nouther maneris had, nor policy
Ne couth thay ere, the ground, nor occupy
The plewis, nor the oxin ȝoik in fere
Nor ȝit had craft to conquest, norwyn gere
Nor keipe thare moblis, quhen it gadder it was
Bot as thir beistis, or the dullitas
Thare fude of treis, did in woddis fet
Or of the wylde, venysoun scharp to get
First from the heuynnys in to this land
Saturnus come fleand, grete Iouyis brand
His realme reft, and banist eik was he
Bot thay vncouth pepil, of this cuntrre
That skatterit duelt, in hie hilles grene
He maid forgaddir togidder, and conuene
Gaif thame lawis, and statures thame to lede
And wald also this region, euery stede
Was callit latyum, and clepit to his name
For that he surelie lurkit in the same
And as thay tell, and redis in many ryme
Of gold the warld was, in that kingis time
Salykandle in peace, and libertie
At eis his commoun pepill, gouernit he
Quhill pece and pece, the eild syne war and war
Begouth to wax, the cullour fading far
And in stede of peace, the rage of wer
Begouth succede, and couatice of gere
Syne the pissance come of Ausonia
And the pepil, Scany hait alsua
Be quham the land of Saturne war, and wise
Has left and changeit, his auld name oft syse
Syne kingis come amangis quhom for the nones
Sterne Tybris regnit, ane man big of bones
Fra quham ay syne, all the Italiane blude
Thare grete ryuer was clepit, Tybris flude
Thus albula his awin, trew name has lost
And me also to duell, within this coist
Banist and flemyt, of my natiue land
Strang destany, quhilk may not bene ganestand
And fortoun eik clepit, omnipotent
Throw al extremes of sey, has hiddir sent
The reuerend als, and dredeful mony singis
Of carmentes my moder, in mony thingis
Expert as rymphe, and prophetes deuyne
And the auctorite of god, Apollyne
Has me constrenit, to duel in this hald
Skais has Euander, all thir wordis tald
Quhen walkin thens furth, bot ane litill space
He gan do schaw the altare, and the place
Quhilk in the langage, remane ȝit sans fale
Is to this day clepit, port Carmentale
Quarby remembrance, is in ilk toune
This auld carmentis, wourschip and renoune
Quhilk has baith nymphe, and fatale prophetes
That first declarit in hir sawis expores
The grete Princis, for to cum of Enee
And of pallenteum, the nobilite
The king syne schew to him, the haly schaw
Quhilk strang roumlus did reduce, and draw
In manere of franchis, or of sanctuary
He schew him eik, but ony langar tary
Vnder the frosty bra, the coif was call
Full mony ȝeris in thare lede, lupercall
Efter thare gyse of Archady, and estate
The pan the god of litee, confecrate
He schew also, the wed hate Argilete
That to the man of arge, thare loist the swete
Was dedicat, and drewe to witnes that stede
That he was neuer culpabyl of his dede
And can to him declare, the manere plane
Quhat wyse his gest, this man of arge was slane
Fra thyne to mont tarpeya, he him kend
And beiknyt to that stede, fra end to end
Quhare now standis, the goldin capitole
Vmquhile of wylde buskis, routh skrokky knoll
Thocht the ilk tyme ȝit, of that dredful place
Ane ferefull reuerent, religioun percace
The cry rurall, pepyll dyd affray
So that this crag, and skroggis wourschippit thay
In ȝone schaw on thys, woddy hillis top
That skuggit is, wyth mony buskis crop
Quod Euander, tharon ane god dois dwel
Bot quhat god that he be, can na man tell
My pepyl that bene, cummyn fra Archade
Wenys thay saw ȝounder, as thay me said
Grete Ioue hymself, as he ful oft at large
Did schaik hys talbart, or his beknyt targe
And wyth hys rycht hand, dyd assemble and stere
The wattry cloudis, that makis thunderis bere
And forthir eik, he sayd vntyl Enee
ȝone twa toun stedis, thou behaldis quod he
Wyth barmkin doun bet, and euery wal
Of forefaderis thay beue, memoryall
Thys ciete beildit, our auld fader Ianus
And ȝounder ciete foundit, Saturnus
Ianiculum thys hecht myne, awin leif brother
And Saturna clepit, was that vthir
Amangis thame, with sic carpyng and talke
Towart Euandrus, pure lugeyng thay stalke
The cattel eik beheld, thay raik on raw
And in that stede thare, pasturand thay saw
Quhare now in rome is, the chief markyt placis
Bayth squeil and low, in thay ilk plentuous gatis
Quhilk symtyme hecht, Caryme fare and large
Quhare the hous war like, ane torned barge
And quhen thay cummyn, to the palice were
Quod Euander, at thir ilk ȝettis here
The conquerour enterit, douchty Hercules
This sobir manys, resauit him but leis
My gentill ge•t, enforce and addres
To lerne to d•• compteme welth, and riches
And do thy selfe compone, and schaw in dede
In goddis stede, wourthy to succede
And thame equale ressauit, in sic herbrye
Amang smale gere, now enteris bousumlye
And sayand this, the mychty grete Enee
Within his narrow chymmes ledis he
And made sitting doun, apoun ane bed
That stuffit was with leuis, and ouer spred
With the rouch skyn, of ane bustous wylde bere
In affrik bred before, mony ane ȝere

The nycht appro his, with hir wingis gray
Ouer spred the erde, and put allicht away
Quhen venus moder, til Enee efferde
And not but caus seand the felloun rerd
The dredful boist, and assemblay attanis
Aganis hir son, of pepil laurentanis
To Wlcanus hir husband, and gudeman
Within his goldin chalmer, scho began
Thus for to speik, and with hyr wourdis the fyre
Of diuyne luf, can towartis him inspire
Quhod sche, quhil that the kingis of grece and arge
Bet doun the troianis wallis, wide and large
That destinat war, baith tour towne and wal
Of Inemyis, he flawmes to doun fall.
Na help vnto thay wrachit, folkis I socht
Na armour askit, nor thy craft besocht
Nor the my derest spous, exerce bad I
Thy craft nor werk, in vane wald occupy
Albeit that to chyldren, of Pryame kyng
I was bedettit, in to mekyll thyng
And the vntollerabyll, labour of Enee
Bewalit oft wepand, ful sare quod sche
Quhilk now by Iouis, power stad remanis
Wythin the bonndis, of Rutulianis
Quharfore this tyme, I thy ilk spous, and wyffe
Thy blissit godhede, derrest to me on lyffe
Cummys lauly to beseik, and requere
For wappinnys harnes, armoure and syc gere
For my dere son, I moder prayis the
Sen Nereus dochter, Thetes mycht quod sche
Induce the tyl enarme, hir son Achill
And eik Tythonus spous, at hir awin will
Aurora with hir teres, so the brak
For tyl enarme hir child, Menon the blak
Behald quhat pepyl, lo assemblit bene
Quhat wallit townis, with ȝettis closit in tene
Gryndis thare wappynnis, aganis me and myne
To bryng vs to distruction, and rewyne
Thus said the goodis, and in hir mylk quhyte armes
Full tendirly belappis, him and warmys
Quhyl that he musis so, that hait fyre sle
Of luf bekynd, anone ressauit he
The naturell hete, in to the merch did glide
Persand his banes maid soft on euery syde
Nane vthir wyse, than as sum tyme we se
The schynand brokin, thunderis lichtnyng fle
Wyth subtel fyry stremes, throw ane rift
Peirsand the wattry, cloudis in the lift
Venus his spous confydyng in hir beutie
Full glaid persauis that, him claucht had sche
The fader than Vulcanus, god aboue
Lokkit in eternale, chene of loue
Answerit and said, quharfor myne awin hart dere
Safer about, thou glosis the mattere
Quhy aris thou not planelie, thy desire
Quhidder is becummyn, of me thy lord and syre
The ferme confidence, thou suld haue goddes
Quhat nedis more, bot schaw thy mynd expres
Gif siclike curis, and desire had bene
In to thy mynd, that samyn tyme I mene
During the subuercioun, of troyis ring
To vs it had bene, bot a lesum thing
Troianis til haue enarmyt, at thy request
Nouthir the fader almychty, at the leist
Ne ȝit the fatis contrary, did gane stand
Bot troyis ciete mycht, haue langar stand
So that king priamus ring, by our pouer
Mycht haif remanit fullely, vthir ten ȝere
And now gif thou thy grathis, for to fecht
And thare to be thy mynd, set I the hecht
All manere thing, with solist diligence
That may be wrocht, in my craft and science
Or ȝit may be forgit, in Irne or stele
Or moltin mettell graue, and burnist wele
Sa fer as fyre and wynd, and hie engyne
In to our art may compas, or deuyne
Tharfor desist of thy strenth, to haue drede
Or me to pray in ocht, that thou has nede
For in sic causis, thare nedis na requeist
Am I not reddy to fulfilll, thy beheist
Thir wourdis being said, this hate fire
Can hir enbrasing, all at his desire
And lappit to his spousis, breist in armes
The plesand naturall, slepe to bete his harmes
And eis his wery membrys, can he tak
Sine as he had slummerit, bot ane swak
Quhen the fyrst silence, of the quyet nycht
His myddell cours, and cyrkyl run had rycht
Prouokyng folk, of the fyrst slepe awaik
Lyke as the pure wyffe, quhilk at euin had raik
Hyr ingyll, risis for to bet hir fyre
As sche that has nane, vthir rent nor hyre
Bot wyth hyr rok, and spynnyng for to thryffe
And therwyth all sustene, hir empty lyffe
Hir day werk to encres, or sche may se
Thartyll ane part, of the nycht ekis sche
And at the candyl lycht, hir handis tway
And eik hir pure damesellis, as sche may
Naithly exercis, for to wirk the lyne
To snoif the spyndyll, and lang thredes twyne
Quharby sche micht, sustene hir powerte
Kepe chaist hir spousis b•d, in honeste
And therwyth eik fostir, hir childir lyte
The michty god of fyre, this tyme als tyte
And no slawar, bot on the samyn manere
Furth of his bed steris, and hint his gere
And to his smedy craft, and forge hym spedis
Thare standis ane Ill, wyth reky stanys as gledis
Vpstreking hic betuix, the coist Sicille
And Liparen god Eolus, wyndy yle
Vnder the quhilk, big Iland in the se
Ane coif thare is, and hirnes fele thar be
Like tyl Ethna, holl it on the mont
By the ciclopes furnes, worne or bront
That makis rumbling, as quha dyd thunder he••
The bustuous dyntis, on the studyes ser•
Ane huge dyn and noyis, the straik did make
The Irne lumpis, in to the cauis blak
Can bysse and quhissill, and the hate fire
Doith fuf and blaw, in bleisse birnand schyre
Quhilk forgis bene Vulcanus duelling call
And eftir Vulcane, that cuntre namyt all
The mychty god of fyre, doun from the heuin
In to this foresaid Ile, descendig euin
Quhare as in til his large, and gousty caue
The hidduous Cielopes, forgit furth and draue
Brontes storopes, and nakit piragmon
The glowand Irne to wel, and poyne anone
The fyre slaucht ȝit, not formyt perfytlie
Quhylk the fader of goddis oft throw the skye
From euery art doun, in the erde dois cast
Thay had in to thare handis, wirkand fast
That ane parte polist burnist, wele and dycht
Thare vthir party, not parfitit richt
Thre rawis wel, thay of the frosm hale schoure
Thre of the wattre cloude, to eik the stoure
Thre blesis of the birnand, fyris bricht
With thre blastis, of the south wyndis bricht
Syne to thare werk, in manere of gun pouder
Thay mydlyt and thay mixt, this fereful souder
Ane grislie sound grete drede, and goddis Ire
Quham followis ay, the fel flambis of fyre
Ane vthir sorte ful beselie to marte
The rynnyng quhelis forgeis, and were cart
Quhare with the men, to battel dois he stere
And mouis cieteis, to raise mortal were
Thay dicht and polist, egirlie alsua
The horribil tergate, bustuous Egida
Quhilk is the greuit pallas, grisly scheild
With serpent skalis, poudderis in goldin feild
Togidder lynkyn, lowpit edderis tuay
And in the breist of the goddis, graif thay
Gorgonis hede, that monstour of grete wounder
Wyth ene wauland, and nek bane, hak in sounder
Away wyth this, ȝe Ethne Ceclopes
Quod Vlcanus, and all sic werkis ceis
And that I saw imprentis, in ȝour thocht
Vnto ane forcy man, ar to be wrocht
Harneis and armour, now nedis quod he
ȝour strenth exerce, and Pythus schaw let se
Quhay nymlyest, can cum and turn thare handis
Now on al maisteris poynt, of craft it standis
Do put away in haist, al manere delay
Na mare he said, but wounder frakly thay
Vnto thare labour, can thame al addres
Assignand euery man, his part expres
The irne, the metal throw conduttis flowis
The moltyn gold, and we relike stele hate glowis
And furth of gousty furnes, found it ran
Maist craftely to forgin, thay began
Ane huge grete semely, tergane or ane scheild
Quhilk onlie micht, resisting into the feild
Agane the dynt of latyn wappinnis all
In euery place, seuen ply thay well and cal
Sum can ressaue the glowand hate, sum wynd
Wyth blawand bellyis, bet the fire behynd
Sum of the trouch, apoun the sperkland gledis
The bissand watteris, trinklis and ouerspredis
The huge coue, and al the mont wythin
For straik of studyis, gan resound and din
Amang thame self, thay grisly smethis grete
With mekle force, did forge peyne and bete
And can thare armes hesing vp and doun
In nowmer, and in dew proportioun
And wyth the grypand, turkes oft also
The glouand, thay turnit to and fro

Quhill that the faderis, of Lemnos vulcanus
Wythin the boundis, of wyndy Eolus
To werk this gere, haistis on euery syde
The blysful licht airly, at morow tyde
And myrthful sangis, of the birdis bay
The swallo singis, on the rufe hir lay
I walkynnyt kyng Euander, and maid ryse
Wythin his sobyr chymes, quhare he lyis
Vpstert the auld and, cled him in his cote
Apoun his fete hys, mete schois hote
War buklit on the wyse, of Tuskany
Syne ouer his schulderis, doun his myddil by
Hyngis buklit his, crafty swerde Archade
From his left arme, about his richt syde laid
ywomplit was the spottis, Pantheris skyn
Hys twa keparis, can furth by hym ryn
From the hie palyce, bustuous houndis two
That haldis thare lordis, pais quhare euer he go
Furth held this here, the secrete priuy way
Towart the stede quhare, that Eneas lay
Hys troyane gest, remembryng all at rycht
His help and promys, grantit ȝester nycht
One the same wise, at morowfull arely
Eneas haistis vp, and mycht not ly
The kyng onlie, bot with his son Pallas
Achates with Eneas, accumpanyit was
Thay Ioned handis sone, as thay wer met
And syne Amyd the chawmer, doun thame set
Quhare fynaly, thay fell in commonyng
Of secrete materis, and autentyk thing
The king begouth, and said first to Enee
Maist souerane ledar, of troyane cumpany
Quhay beand on life, neuer grant I sal
Troy is distroyit nor cassyn doun the wal
Nor ȝit the troiane power, put at vnder
We haue bot sobir pussance, and no wounder
To help in battell, and to make supple
Vnto so hie excellent maieste
On this half closit, with the tuskane flude
On ȝounder syde, as the rutulianis rude
Nidderis our boundis, as ful oft be fallis
With thare hatnes clattering, about our wallis
Bot I purpois, adione to the anone
Ane huge pepil, and landis mony one
Oistis of fertil realmes, nere fast by
O fortun or we wist, sa happelie
Thou schawis the in our helpe and supple
And o maist douchty, campioun Ene
Desirit of the destany, and fatis
Here ȝe be wele arryuit mony gatis
Foundit of auld stanys, not hyne
Inhabit stude, the ciete agillyne
Quhare that the wourthy pepil Lid•ane
Vailȝeand in batal duellis, and dois remane
Apoun the egge of the, heruscane hills
This folkis ar in likyng at thare willis
This land inhabitis vale mont and swyre
Quhill fynalie ful prude, in his empire
Mezentus begouth, thare to be king
And in grete force of armes, thare on ring
Suld Icehers, the vntollerabil myscheif
The cruel dedis slauchter and huge greif
Of that tirrant, quhilk ȝit the goddis ding
Apoun his hede, reseruis, and of spring
For he besyde, his vthir wikkit dede
The quyk bodyis, speldit furth on brede
Adionit to the corpis, and carioun dede
Layd hand to hand, bayth face, to face and hede
Quhilk quyk mouthis, did dede mouthis kys
O quhat manere of torment, cal ȝe thys
Droppand on worsum, and fylth laythlie to se
So miserabil embrasing, thus wise he
Be lang proces of dede, can thaym sla
Quhil at the last, of this ennoye and wa
His cietezanis irkit syne, in ane route
Enarmyt vmbeset, his manys about
Him al enragit, on his wilde manere
Besegeit thay and of his complicis sere
Has slane anone, and all in pecis halkit
And fyre blesis in his hie biggyngis swalkit
Amyd the flauchter, on cais eschapit hie
And to the feildis, rutuliane can fle
Quhare in til armes, he turnus and his oist
He him begouth, defend apoun that coist
Quharfor hethruria, al ful iustlye
Aggreuit rais, in armes by and by
Vnto punytyoun, and al tormentis sere
Thare king to ask, and seik in fere of were
To thir mony thousand, pepil quod he
Souerane ledar, I sal the Ione Enee
For now thare schippis, full thik reddy standis
Brayand endlang, the coistis on thir landis
Thay bid display thare banaris, out of faldis
Bot ane anciant diuinour, thayin with haldis
Schawand the fatal godlie destany
O ȝe maist vailȝeand, ȝoung galland quod he
And pepil cummyn, from meonea
ȝe that be flour of cheuelrie, alsua
The verte I and the strenth, of vassalage
Of ancestry and men of ȝour lynnage
Quhom Iust dolour, steris on this wyse
Baldlie aganis ȝour Inemyis to rise
Al thocht Mezentius to his hie myscheif
Has wele deseruit, aganis him ȝour greif
Thus in commotioun, for to rais and stere
ȝit neuertheles beleuis out of were
So grete ane pepil, as vnder Turnus King
And Latinis leyndis, for to doun thring
Vnlesum is to ony Italiane
ȝow behuffis, to seik ane strang chiftane
Of he thruria the oistis vnder schild
With that word stoppit in the samyn feild
Of the goddis admonissing, al affrayit
Tharchone him self, thare duke list not delayit
Bot to me send ambassiatouris all boun
Offerand to me, the scepture and the croun
And all thare realme, and thare ensenȝis brocht
Requiring me, that I refusit nocht
To cum and be chifiane, to thare armye
The realme Tirrehene, eik to ressaue in hie
Bot my febil, and slaw vnweildy age
The dasit blude, gan fer by the hate rage
With force failȝeit, to haut the strang weris
Or than the outworne dait, of mony ȝeris
Enuyes that I suld Iois, or bruke empire
My son Pallas this ȝoung lufly syre
Exhort I wald, to tak the stere on hand
Ne war that of the blude, of this ilk land
Admyxt standis he, takand sum strynd
Apoun his moderis syde of Sabyne kynd
Bot thou quham bayth, thy ȝeris and thy blude
The fatis fauouris, and is so to conclude
By the goddis aboue, as out of were
To be callit, and scharpe for this matere
Go to the batal campioun, maist forcy
To troianis baith, and Italianis to gy
And for thir eik the samyn, ȝoung pallas
Our son our hope, our comfort and our solace
I sal adione, in felowschip quod he
As his maister, to exerce vnder the
And lerne the fate, of knychtlie cheuelrye
Hard marcial dedis hanting, by and by
To be accustumate, and behald thy feris
For wounder followyng, the werkis in ȝoung ȝeris
Twa hundreth walit horsmen, wicht and sterne
Of Archade sal I gif, vnto that berne
And of his awin behalf, to thy supple
Als mony Pallas, sall promyt to the
Quhilk in the hale, may wele foure hundreth bene
Skant was this said, quhen cassyn doun his ene
Traist Achates, and Anchises son Enee
Sat starand on the ground, baith he and he
And in thare hartis, did full oft cumpas
Ful mony hard aduersite, and cais
With drery chere, and myndis sad bayth twa
Ne war Venus, lady Cytheria
Doun from the heuin, of comfort to thaym sent
Ane opin takin, clere and euydent
For suddanlie thay se, or thay be war
The fyreslaucht beting, from the lift on fer
Cum with the thunderis, hidduous rumling blast
Semyng the heuin suld fall, and all doun cast
The are anone gan dynnyng, vp and doun
Wyth brag of were, and tirrhene trumpis soun
Thay listnyng to persane, and here the dyn
Ay mare and mare, agaue it begyn
To rerd and rattil apoun, the fereful wyse
Quhil at the last thay se, and al espyes
Throw the clere sky, and regioun of the heuin
Amang the cluddis brycht, as fyrye leuin
The glitterand armour, birnist lemand schene
And as thay schuke, thare rais thunder bedene
Abasit in thare myndis, worth the laif
Bot this lord troiane, knew and did persaif
Ful wele the sound, and al the case expres
By promys of hys moder, the goddes
Syne can rehers it plane, and thusgate said
Forsoith, forsoyth my gentil oist be glad
The nedis not to aske, nor ȝit to spere
Quhat signifyis, thir wounders did appere
For I am callit to the heuin quod he
The haly moder my genitrice schew me
That sic ane takin suld be send sche said
Gif ony wald, with batal vs inuaid
And in my helping, heich doun from the are
To send vulcanus armour, gude and fare
Allace how fell slauchter now apperis
To wrechit latynis, in thir mortal weris
By me, turnus, quhar panys sal thou dre
Of tyber fare that rynnis in the se
How mony helmes, scheildis, and sterne body
Wnder the fludis, warpit law sal ly
Lat thaym array thare, oistis now lat se
And baldlie brek, thare freyndschip made with me

Fra this was sayd, from the hie fete he stert
And first the slokynnyt fyris has he gart
The rakit harthis, and Ingil ȝesterne nycht
On hercules alcare, bet and kyndil bricht
And gladlie went to wourschip and to […]
Sobir penates, goddis domestical
And walit twynteris, eftir the auld gise
He flew and britnyt vnto sacrifice
With him Euander, eik and al his feris
Of troiane menȝe, lusty fresche ȝounkeris
Syne doun in haist, he went vnto his schippis
His folkis he wesyit, and his fallouschippis
Of quhais nowmer, he has walit out
Ane certane the mayst liklie, bald and stout
Quhilk sculd him follow, into euery place
The ramanent tuke bese••e thare rais
Doune by the wattir, on the flowand flude
Discendand slawlie, to bere message gude
Sone eftir this, vnto Ascaneus ȝing
Twichand his fader, and of euery thynge
The horssis syne war, geuin and furth brocht
To the troianis, that vnto tuskanis socht
And till Eneas led, anone they gayf
Ane gentil stede excedand, al the laif
On quhom at al partis, war ouer spred and fold
Ane dyn Lyoun skyn, with nalis of gold
Than throw the litil ciete, al on raw
The fame anone divulgate, swiftlie flaw
How that the hors men spedis, thayme bedene
To go vnto the land, and coyst tirrhene
The wyffis and auowis, than for fere
By women, and the matrouns doublit were
More grew the drede, the nerrare grew dangere
Now martis ymage, semes waxin mare
The fader than Euander, as they departe
By the rycht hand, thaym grippit with sad hart
His son embrasin, and ful tendirly
Apoun him hyngis, wepand vntellably
And thus he said o son, omnipotent
Gyfe Iupiter my ȝing, ȝeris bewent
Wald me restore, in sic strenthis and eild
So as I was quhen first, in battell feild
The armes of the oistis, doun I dang
Of prenest, vnder the wallis strang
And vyctour of myne, Inemyis as proud syre
Hail hepis of thare scheildis, brynt in fyre
Quhare with this samyn, rycht hand quellit and slane
Vnder the hellis ground, Tartareane
Kyng Herilus was, sent to duell for ay
Quham tyl his moder, Feronia the gay
In to the time, of hys natiuite
Grysly to say, had geuin saulis thre
And that he suld bere, armour thryis in fecht
And thryis behuffit, to the dede be dicht
Fra quhan that tyme, this richt hand not the les
Thay saulis al berest, and thare expres
Of als mony enarmouris, of spulȝe clene
Gyf so war now with me, as than has bene
Ne suld I neuer depart, my awin child dere
From thy maist sweit, embracing for na were
Nor our nychbour Mezentius, in his spede
Suld na wyse mokand, at this hasard hede
By swerd haif kelit, sa fele corpis as slane is
Nor this burgh, of sa mony citezanis
Left desolate, and deundit quod he
Bot o ȝe goddis aboue, and Ioue moist hie
The geuernour, of heuinly wichtis all
On ȝou I cry, on ȝou I clepe and call
Begin to haue compacience, and piete
Of ȝour awin woful kyng, of Archade
Opyn and inclyne ȝoure diuine godly eris
To here and ressaue, the faderis meik praieris
Giff it be so, ȝour godhede and grete mychtis
Be presence prouide, has and foresichtis
Pallas my son, in saufte hale and fere
Gyf the fatis preseruis, him of dangere
Sa ones in my lyffe, I may him se
Agane togidder, alsemblit I and he
I ȝou beseik my febyl lyffe, to respite
That I mycht leif, and endure ȝit ane lyte
All pane and labour, that ȝou list me send
Bot O fant fortoun, gyf thou dois pretend
And mannassis, ony myscheuous case
Now now furthwith, in to this samyn place
Suffir me swelt, and end this cruel lyffe
Quhill doutsum is that all, syc sturt and striffe
Quhil hope vncertane, is of ony thyng to cum
And quhil I thus my dere child, all and sum
My lustis presand, and my last weilfare
Thein my armes embrasis, but dispare
So that eftir, no sorouful messingere
Wyth smert enuoye, hurt neuir my agit ere
The fader Euander, with ful sory hart
At lattir poynt, quhen thay war to depart
Thir wourdis spak, syne fell in swoun rycht thare
Hys men him hint, and to his chawmer bare
Be thes the rout of horsmen, strang in fycht
War Ischit at the portis, euery wycht
Amangis the formest, the duke Eneas
And eik the traist, Achates furth can pas
Syne vthir nobillis, of the troyans stout
The ȝoung Pallas, riding amyd the rout
So farrand, and so lusty personage
Cled in ane mantyll, in tyl his tender age
Quhilk did ouerheild, his birnist armour brycht
One him to luke, was ane mare gudlie sycht
Than on the day sterne, quhilk at morne arely
Bachit in the octiane, risis in the skye
Quhois furie bemes, venus in spertall
Chosis aboue al sternes, grete and small
Hye in the heuyn, lifting his vysage schene
To chace away the myrknes, with his ene
The woful moderis, quakyng for cald drede
Stude on the wall, behald and quhare thay ȝede
And did conuoy, or follow with thare sicht
The dusty sope, quhareso the rak went richt
Gowand apoun thare, brycht armoure that schane
So fer as that thare luke, mycht thame attane
The cumpany al samyn, held away
Throw scroggit bussis, furth the nerrest way
Enarmed ridyng thiddir, as thay waid
The brute and dyn, from thame vpsprang thik fald
The horny huffit hors, with four fete
Stampand and trottand, on the dusty strete

Thare growis ane grete schaw, throw the chyl ryuere
Quhilk that flowis, with his frosty stremes clere
Doun by the ciete, of Agillina
That vthir wyse, is clepit Cereta
Quhilk is in wourschip, haldin and in drede
By faderis auld, the large boundis on brede
As sanctuare, and with depe clenthis wyde
This schaw is closit, apoun euery syde
Ane thik aik wod, and skuggy fyrris stout
Belappis al the said, cuchil about
The fame is that, the grekis anciane
Quhilk clepit bene, to surname Pelasgane
That quhi••m langtyme, in the formest eildis
The latyne boundis, occupyit and feildis
Tyl siluanus fyrst, dedicate this schaw
The god of beistis, and of feildis faw
And constitute to him, solempnit feist
Duke Tarchone, and the tuskanis maist and leist
Not fer from thens, in tyl an strenthy place
Thare Pallionus, al had stentit apoun case
That from the top, of the hillis hicht
The army all thay mycht se, at ane sycht
Wyth tentis tentit, strek and to the plane
Thidder held Eneas, the souerane troiane
And al the bernes, of his rioll rout
Chosin for the batell, lusty sterne and stout
And wery of thare trawell, thocht thame bes•
Thame selfe on hors, to refresche and rest
Bot than venus, the fresche goddis bedene
Amang the heuinly skyes, brycht and schene
Berand with hir, the diuine armour clere
To make tharof ane present, can draw nere
And as on fer hir son, sche can behald
Secrete allone, by the chil ryuere cauld
Amyd ane holl cleuch, or ane derne valee
Of hyr fre wyll, to him apperis sche
And wyth sic wourdis, to him spak saying
Lo my reward here, and my promyssing
Fulfyllit iustly, be mine husbandis werk
So that my son, now art thou souir and sterk
That the not nedis, to haue ony fere
For to resist the proude, Latinis in were
Nor ȝit the strang, turnus tyll alsale
Hym to prouoke, or challance for battale
Thus said the schene, Citheria fare of face
And wyth that word, can hir dere son enbrace
And thare the schynand, armour forgane his sicht
Vnderane bowan haik, laid doun ful rycht
Seand sic giftis, of this traist goddes
This gentyl knycht, reioysit wox I ges
Glaid that sa grete honour, ressauit he
That skarslie, couth he satifyit be
For to behald, thir armour bricht and schene
On euery pece to wesy kest his ene
Thareon wounderand, betuix his handis twa
And big armes, thaym turnes to and fra
The grislye creistit helme, he can behald
On fereful wyse, spoutand the fyre thik fald
The fatal swerd, dedelie to many ane
The stif hawbrek, of steile ybirnist schane
Of huge wecht, and bludy sanguyne hewe
That sic ane glance, or variand cullour schew
As quhen the birnand sounys, bemes bricht
The wattery cloud, peirsand with his licht
Scynand on fer, forgane the skyes howe
Schapis the figure, of the quent ran bow
The licht leg harnes, on that vthir syde
With gold and birnist, lattoun purifyn
Graithit and polist, wele he did espy
The spere and eik the scheild, so subtelly
Forgit that it was ane vntellabil thing
For Vulcanus of fyre, the lord and kyng
Knawand ful wele, the art of Prophecy
Of sundry thyngis, to cum, eik by and by
The vailȝeand dedis, of Italianis
The grete tryumphis, als of the romanis
And of Ascaneus stok, al nobil knychtis
Thare batellis al perordour, were and fychtis
Had thare Importurate, propirly and graue
Amang al vtheris, in martis gresly caue
The sowking wolf, furth strekyng breist and vdyr
About hir palpis, but fere as thare modyr
The twa twynnys, smal men childer ȝing
Sportand ful tate, gan do wrabil and hing
And sche hir lang round nek bane, bowand raith
To gif thaym souch, can thaym culȝe bayth
Semand sche suld thare bodyis by and by
Like with hir toung, and clenge ful tenderly
Not fer from thens, rome ciete ekit he
Quharby ane new Inuentioun wounder sle
Sittand into ane holl vail or slak
Within the listis, for the triumphe mak
War sabyne virginis, reuist by romanis
As that thay war, assemblit for the nanys
The grete gammis, Cirtensus for to se
Quhilk Iusting, or than turnament clepe we
With hasty sterage, thare moist thou behald
The weris rasit, amang the romanis bald
By agit Tatius, and feill curitanis
Syne the ilk princes, and the said romanis
The weris sesit, samyn al in fere
Enarmed stude, before Iouis altare
With coupis ful in hand, for sacrifice
Thare mycht thou se thaym, eftir the auld gyse
The swyne slikkit britnyt sone and slane
Conferme thare trewis and mak peace agayne

Fra thyne not fer, the chariot thou mycht draw
Metus sufficius in sere pecis draw
Albeit thou thocht this cruelte king Albane
Quhy wald thou not, at thy promys remane
Quhy list thou not, obserue thy faith and saw
This faithles wichtis entrellis, war furth draw
By command of Tullus hostilius
And throw the woddis harlyt euery bus
Quhill that the tharmys, and the bowellis ren•
Skroggis and breris, all wyth blud bysprent
Thare mycht thou se, Tarquinius in exile
Furth cast of rome, and syne within schort quhile
By kyng Persenna, in to batall plane
Commaundit for to be, ressauit agane
With that ane felloun, sege all rome about
Dyd vmbeset, and closit with hys rout
The romanis than, discendit from Enee
Rusche vnto wappynnis, for thare lyberte
Thou micht behaldin, eik this ilk persen
Lyke has he had despyte, and boistyt men
For that the hardy Cocles, derf and bald
Durst brek the bryg, that he purposit to hald
And eik the vyrgyne Thelia, quhare sche stude
Hyr bandis brasit, and swam ouer tiber flude
Manlius the knycht, aboue into the schield
In the defence for Iouis, tempil beild
Kepand the strench, and castell Tarpea
And haldand the hicht, capitoll alsua
Stude porturate, nere the chimmis calendare
Quhais ruffis laithly, •ul rouch thekit war
Wyth stra or gloy, by Romulus the wycht
Thare was also ingrauit, all at rycht
The siluer ganer, •lich•erand with loud skry
Warnand al reddy, the gilt entre by
How that the gaulis, did the ȝet assale
Thare mycht thou se, the frensche armye alhale
Haist throw the bussis, to the Capitoll
Sum vndermyndand, the ground with ane holl
Sa that almaist, thay wan the fortres
Erete help thame maid, the clois nychtis myrknes
Thare haris schane, as dois the brycht gold wyre
And all of gold wrocht, was thare riche attyre
Thar purpoure robbis, begarit schynand brycht
And in thare hand, withhaldand euery knycht
Twa Iawilling speris, gissarne stauis
Forgit in the montanis, al sye manere glauis
Thare bodyis al with lang, targis ouerheild
Syne ȝounder mare was, schappin in ane feild
The dansand preistis, clepit Salu
Hoppand and singand, wounder merely
And panos preistis, nakit Lupertanis
The toppit hattis, quhare the wole threde remanis
And bowit bullaris, falland from the sky
Thare mycht be sene, for git maist craftely
The chayst matrouns, throw the ciete all
In soft charis, thare gemmys festuall
Ledand and playand, wyth myrthis and solace
Ane fer way hens, ful wele ingrauit was
The vglie hellis sete, tartareane
The depe doungeoun, quhare pluto dois remane
And of the wikkit pepill, al the pyne
Thare war thou merkit, cursit Catilyne
Hyngand out ouer ane scherand heuch or bra
And trymland, for the fereful drede and wa
To se the furious grisly sister fatis
That with thare scourgis, wikkit pepil chasis
The rychtwis folkis, that leuit deuotlie
Fra thaym war partit, in ane place fer by
And the wise man C•nsorius Cato
Geuand thare Iust rewardis, til al tho
Mydway betuix the vtheris stories sere
The swelland seis figure, of gold clere
Went flowand, but the lopperand wallis quhite
War pouderit ful of fomy froith mylk quhite
The Dalphyne fischis, wrocht of siluer schene
In sirkill swepand, fast throw fludis grene
Sowchand swiftly, salt stremes quhare thay fare
Vpstraik thare •alis, the stoure here and thare

Amyd the seyis, micht be persauit wele
The werely schyppis, with thare snowtis of steile
The anciant battellis, se••ing as quha did se
The mont Lucata, standand by the se
For oistis arre yit glowand as the glede
Of glitterand gold, schane all the flude on brede
On that ane party thou, mycht thare behald
Cesare August, Octauiane the bald
Mouand the battall, the Italianis
With sum sanctuaris, and wourthy pepil romanis
And goddis domestic, quhilk Penates hate
With all the grete goddis, of mare estate
Heich in the fore stam stand, he micht be sene
For his blyith browis, brent and athir ene
The fyre twynkling, and his faderis star
Sch•w from his helmes, top schynand on far
The big and stout Agrippa, his freynd dere
His nauy led at ha•d, wele by nere
As he that in his help, and succouris findis
The prosper fawouris, baith of goddis & wyndis
quhais forehede schane, of ane proud sing of weris
Ane croun with stanis, sic as schippis beris
Marcus Anthonius, cummis thame aganis
With hale supple, of Barbiaranis
As nobyll vyctoure, and cheif conquerour
•aryand wyth hym, of orient the •our
Dyuers armyis, and pepyl for melle
From Peirs, Egypt, and coistes of the red se
The power al assemblit, in his stote
Ane huge rout, and multitude god wote
The ȝoundermest pepill, clepit brattanis
Quhilkis nere the Easte part, of the world remanis
Him followis to the feild, ane schame to sa
His spous Egipciane, quene Cleopatra
Thay semyt samyn, ruschit all togiddir
Quhill all the sey vpstouris, with ane quhidder
Ouer weltit with the benesell, of the aris
Fast fra the forestammes, the flude souchis and raris
As thay togidder, machit on the depe
Thou suld haif wenyt, quhay therto tuke kepe
The grete ylandis, Cyclades hale vprent
Apoun the sey fletand, quhare thay went
Ouer huge hie hillis, concurrand all atanys
Togidder rusche, and mete with vthir montanys
On athir hand, with sa grete force and wecht
The men assalis in schip, of toure to fecht
Thay warp at vthir bricht, blesis of fyre
The kendillit lynt, and hardis birnand schyre
The dartis casting fra hand, to hand lete flete
Slang gaddis of Irn, eand stanc cast grete plente
Neptunus feildis, all the large flude
For new slauchter wolx blandit, rede of blude
Amyd the oistis Cleopatra, quene
The routis did assembill, to fecht bedene
With tempane sound, in gyse of hir cuntre
Prouokand thame to moue in the melle
Nor ȝit beheld scho not, thir edderis twane
Behind hir bak, that eftir has hir slane
The monstruous goddis, figure of al kynd
That honorit ar, in Egipt or in ynd
And eik the barkand, statew anubis
Agane Neptune, agane venus I wys
And als agane mynerua, porturit standis
In that bargane with wappinnis, in thare handis
Amyd the feild, stude Mars that felloun syre
In place and male, wod brym as ony fyre
The sorowful furies, from the firmament
By the goddis to tak, vengeance war sent
Inuent discord, ioyus of that Iourne
With mantil rent, and schorne men micht hir se
Quham followit, bellona of batall
With hir kynd cousing, the scharp scurgis fell
Actius Appollo, seand in the skye
Of this melle, the doutsum victorie
His bow aboue thare hedis, has he bent
Like for to schute his dartis, and doun sent
For drede of quham, al the Egipcianis
Al thay of ynde, and the arrabianis
And thay of Sauye, turnit bak to fle
Cleopatra the quene, thare mycht thou se
Wynd sale about, and gang before the wynd
Ay mare and mare, dredand persute behynd
Slakand schetis, and haldand roume at large
With purpure sale, aboue hir pantit barge
The mychty god of fyre, hir wrocht and made
Ful pale of hew, sorowful and not glad
In sing to cum, of hir smert haisty dede
Amang dede corps, now of slauchter rede
And wyth the west wynd, and the wallis haw
Frawart the flude of nyle, ouer stremes blaw
Quhilk nylus ryuer, murnand for thare diseis
His large skirt on brede, spred thame to pleis
With al his habit, opynnyt thame to cal
As thocht him lyst, ressaue the vincust all
Wythin his wattry bosum, large and rude
And hid in secrete, conduct of his flude
Within the wallis sene of Romes ciete
Cesare ressauit wyth, tryumphys thre
Thou mycht behald, thare offerand on his g•se
Till Itale goddis, in mortall sacrifice
Ouer all the ciete, in maist singulare ioy
The blisfull feist, thay making man and boy
So that thre hundreth, rial temple is dyng
Of riot rippet, and of reuelling
Ryngis and of the myrthfull, sportis sere
The stretis sounding, on solacius maners
At euery sanctuary, and altare vpstent
In karrolling the lusty, ladyis went
Before the altaris eik, in cirkill round
The brytnyt beistis, strouit all the ground
Cesare him self sesit, in seit riall
Within the snaw quhite, staitlie marbill wall
Nf god Phebus tempil, thare as he sat
Vesiand the pepil giftis, this and that
And on the proude pillaris in taikynnyng
Of his triumphe maid, thare be vphing
The pepil by him vincust, mycht thou knaw
Before him passand, per ordour all on raw
In langsum cryme, and how fele kyndis sere
Of toungis and of langage, men mycht here
Als mony diuers habitis, war thay strange
Als feile sortis of armouris, did thay change
Vulcanus here the battellis, Numydanis
And thay folkis, that affric remanis
Had grauin wele, and ȝonder porturat was
The Leleganis, and pepil of Carras
And gelones the pepil, of Cithea
In archery, the quhilk ar wounder thra
The mikle flude, Eufratis fast by
with stremyt now, semyt •low mare sobarly
The moryne pepil eik, fast by the se
Of men repute the last extremite
The forkit flude, of reyne eik payntit was
And the vndantit danys, thare did pas
The flud arax, of armony also
Hauand disdene ane brig, ouer it suld go
Eneas of his moderis gift woundering
Ouer all Vulcanus scheild, sa mony ane sing
Wrocht on sic wys, not knawand the mater
To se the figuris, of thir stories sere
Reiosit wox, and syne deliuerly
Apoun his schulderis hyntis, vp in hy
The famous honoure, and hie renoune
Or glorius geistis of his posterite.