Puer nobis natus est

Puer nobis natus est
De virgine Maria.

Be glad, lordinges, bethe more and lesse,
I bring you tidinges of gladnesse,
As Gabriel me bereth wetnesse.
Dicam vobis quia.

I bring you tidinges that ben gode.
Mary hath borne a blissful fode
That boght us all upon the rode
Sua morte pia.

For the trespas of Adam,
Fro the fader of heven he cam.
Hereto mirthé us bigan
Teste prophecia.

Mary, modur and leve virgin,
That bare a child withouten sin,
Kepe us all fro hellé pin!
De virgine Maria.