The Broom Sae Green

Lang I sat by the broom sae green,
An' O, my heart was eerie,
For aye this strain was breathed within
Your laddie will no come near ye !
Lie still thou wee bit fluttering thing,
What means this weary wavering ?
Nae heart returns thy raptured spring,
Your laddie will no come near ye !

His leifu' sang the robin sung
On the bough that hung sae near me,
Wi' tender grief my heart was wrung,
For O, the strain was dreary I
The robin's sang it coudnae be
That gart the tear-drap blind my ee ;
How ken'd the wee bird on the tree
That my laddie wad no come near me?

The new-wean'd lamb on yonder lea
It bleats out through the braken,
The herried bird upon the tree
Mourns o'er its nest forsaken ; —
If they are wae, how weel may I ?

Nae grief like mine aneath the sky,
The lad I lo'e he cares nae by
Though my fond heart is breaking !