Na't

Lüknet-zedâ-yı nâtıka nâm-ı Muhammed'î
Râhat-fezâ-yı rûh-ı kelâm-ı Muhammed'î

İkrâh eder cihâna nigâh etmeden gözüm
Oldukça dilde aşk u garâm-ı Muhammedî

Şâm u seher minâre-i nahl üzre bülbülân
Tesbîh eder salât u selâm-ı Muhammed'î

Ki sidregâh-ı arş-ı berîn oldu nûr-vâr
Hasr olmadı bu hâke makam-ı Muhammedî

Kanûn yapar ukul nizâm-ı umûr içün
Mevcûd iken şerî'at-ı tâm-ı Muhammed'î!

Ekrem sa'âdet-i dü-cihân ise maksadın?
Tut râh-ı şer'-i haşr-ı kıyâm-ı Muhammed'î