Dûzah gibi dâ'im dili sûzân ederim ben

Dûzah gibi dâ'im dili sûzân ederim ben
Her zerremi bir mihr-i fürûzân ederim ben
Hayfâ yine bin cân bulurum şevk-ı gamından
Her demki yolunda telef-i cân ederim ben
Âsâr-ı şafak sanma dem-i tîgın edip yâd
Eflâki sirişkimıe kızıl kan ederim ben
Gözden dökülen katre-i hûn-ı cigerimle
Her kûşede bir tarh-ı gülistân ederim ben
Ol râh-rev-i vâdi-i sevdâ-yı cünûnum
Her hatvede bin âlemi seyrân ederim ben
Ser-mest-i gamım âhla cûyâ-yı elestim
Elbet felegi aksine gerdân ederim ben
Her dâg-ı dilim rûşen eder berk-ı cemâlin
Hasretle ne dem çâk-i girîbân ederim ben
Müstagni-i aşkım şerer-i âh-ı derûnum
Âteş-figen-i hırmen-i sâmân ederim ben
Bir hâk-i cünûn üzre yatar geşte-i aşkım
*Ekrem* tenimi hûn ile pinhân ederim ben