Gamzen ki tarf-ı çeşm-i sühan-gûda gizlenir

Gamzen ki tarf-ı çeşm-i sühan-gûda gizlenir
Bir şîrdir nişîmen-i âhûda gizlenir
Gülşen de verse ruhsat-ı reftâr kaddine
Aks-i nihâl-i serv teh-i cûda gizlenir
Zannetme şeb cihânı siyâh eyler âhımız
Rûyuñki zîr-i perde-i gîsûda gizlenir
Mestâne sunsa gamzesine tîg-ı şu 'le-tâb
Diller şikenc-i zülf-i semen-bûda gizlenir
Gördikce âftâb ruhıñ şu'le-rîz-i şerm
Yûsuf harîm-i çeşm-i terâzûda gizlenir
* Ekrem * o şûha secde-ver-i inkıyâddır
Göñlüm ki zîr-i kûşe-i ebrûda gizlenir