Yak harîm-i cânda gamzenle dil-i dîvâneye

Yak harîm-i cânda gamzenle dil-i dîvâneye
Bülbül ü şehbâzdır cem' oldular bir lâneye
Verdi sıklet ol kadar bâr-ı tahammül-sûz-ı derd
Tâb yok cismimde azm-i kûşe-i meyhâneye
Âh kim zülfün gamıyla halka halka dûd-ı âh
Âteşîn zencîr-i sevdâdır dil-i dîvâneye
Subh-dem kim şu'le-bâr-ı feyz ola câm-ı sabûh
Reşk eder ervâh-ı kudsî meclis-i rindâneye
Vermeyim zahmet diye şem'a olur pür-ıztırâb
Yak dem-i sûzişte ey dil gayret-i pervâneye
Pîç-tâb-engîz eder zülfün de gamdan dilleri
Dest urur meşşâte-i hüsnün ne dem kim şâneye
Kılma mahrûm-ı safâ-yı câm-ı lûtfun *Ekrem'i*
Yokmı ey sâkî mürüvvet hâtır-ı mestâneye