Lâ'l-i lebi bir bâde-i nâb-ı tarab-engîz

Lâ'l-i lebi bir bâde-i nâb-ı tarab-engîz
Gül-ruhları hem-reng-i hızâb-ı tarab-engîz
Gül-bang-i nevâ-senci-i hicrân ile pürdür
Dil-hânesi bir cây-ı harâb-ı tarab-engîz
Hem agladı hem güldü dil âzâr edicek yâr
Hiç görmemişim böyle itâb-ı tarab-engîz
Bir mertebe âhenge kıyâm eyledi gönlüm
Seyrânına vakf oldu rübâb-ı tarab-engîz
Ol beççe-i mutrible aceb kangı zamanda
Gönlüm ola hem-nûş-ı şarâb-ı tarab-engîz
Ben sâlik-i şeh-râh-ı harâbâti-i aşkım
Yok ancılayın râh-ı savâb-ı tarab-engîz
* Ekrem * kalemin çünkü senin nây-ı tarab-zâ
Eş'ârı sa'îdinde kitâb-ı tarab-engîz