O rind-i feyz-yâb-ı bâde-i gülgûndur göñlüm

O rind-i feyz-yâb-ı bâde-i gülgûndur göñlüm
Ki yekser cevher-i irfân ile meşhûndur göñlüm
Hemîşe pîşesi cevr ü tegafül âdeti âzâr
Aceb bir şûh meşreb dilbere meftûndur göñlüm
Sirişk-i ye's ile bir demde bin ummân olur peydâ
Dü çeşmim çeşme-sâr u menba'-ı ceyhûndur göñlüm
Eger hâhiş-ger-i şevk-ı ta'allûm var ise gelsin
Sebak-mûz-ı aşk olmaklıga me'zûndur gönlüm
Celâliñ nazmını tanzîr ey *Ekrem* nice kabil
Meger endîşeme sûrette efsûndur gönlüm