Her müjen bir tîr-i dil-dûz u kemândır kaşlarıñ

Her müjen bir tîr-i dil-dûz u kemândır kaşlarıñ
Reşk-bahşâ-yı hilâl-i âsmândır kaşlarıñ
Gerçi kim ham-geşte kad bir pîre benzer sûretâ
Pençe tâb-ı rûz-ı bâzû-yı cihândır kaşlarıñ
Nice gersin gögsünü bî-çâre gönlüm bî-siper
Hançer-i ser tîz-i hûnîden yamandır kaşlarıñ
Berk urır yâd eyledikçe kalbimi pür-tâb eder
Öyle bir tîg-ı tahammül-sûz-ı cândır kaşlarıñ
*Ekrem*-i şûrîde-hâl aşkına ey mâh-ı hüsn
Genc-i gamda başka bir derd-i nihândır kaşlarıñ