Love
Göñül bend oldu ol ismet-sıfâta
From Nağme-i Seher (1288 AH / c. 1871)
Göñül bend oldu ol ismet-sıfâta
Sezâ-vâr oldıgım gün iltifâta
Yeñi cân geldi cism-i bî-hayâta
nakarat
Sezâ-vâr olduğum gün iltifâta
O mihr-i nâza ol yâr-ı sadîka
Nasıl şükretmeyim her bir dakîka
Vefâ-perverlik etti fi'l-hakîka
eyzan
Olur leb-rîz-i neş'e hâtır-ı zâr
Gelince yâdıma her lâhza her bâr
O nâzik sözler ol âzâde etvâr
eyzan
Niyâz-ı vasla ben kalkışmam ammâ
Göñül hasretle oldu nâ-şekîbâ
Bu hâli eylemiştim yâre îmâ
nakarat
Sezâ-vâr oldugum gün iltifâta
Cite this poem
MLA
Ekrem, Recaizade Mahmut. “Göñül bend oldu ol ismet-sıfâta.” Poetry Codex, poetrycodex.com/poem/recaizade-ekrem/30/.
Chicago
Ekrem, Recaizade Mahmut. “Göñül bend oldu ol ismet-sıfâta.” Poetry Codex. https://poetrycodex.com/poem/recaizade-ekrem/30/.
Read this poem with the Codex →