Cemâl-i pâki âsâr-ı tecellâ-yı muhabbetdir

Cemâl-i pâki âsâr-ı tecellâ-yı muhabbetdir
Meh ü hurşîd iki çeşm-i temâşâ-yı muhabbettir
Bu vaz '-ı ser-nigûnundan tehîdir sanma kudretle
Bu ne tâs-ı felek leb-rîz-i sahbâ-yı muhabbettir
Göñül aşkıyla bir nîrân-ı mahşer-sûzdur gûyâ
Kıyâmet ancak ol kadd-i dil-ârâ-yı muhabbettir
Abestir pîç-tâbım ketm-i râz-i derd-i aşkıñda
Ki her zahm-ı nigâhın tende gûyâ-yı muhabbettir
Olur mı seyl-i ceyhûn hem-hurûş eşk-i pür-hûnum
Göñül * Ekrem * muhît-i heft-deryâ-yı muhabbettir